بريوش باللحم المفروم طبق جزائري
عنوان الموضوع : بريوش باللحم المفروم طبق جزائري
مقدم من طرف منتديات العندليب
السلام عليكم و رحمة الله و بركاته
و الصلاة والشلام على حبيبنا محمد -صلى الله عليه و سلم-
هذه اول مشاركة ليا في المنتدى و نتمنى تعجبكم
هذا بريوش عملتو هاد الايام و جاني هايل هش و بنين حتى اني ندمت اني عملت كمية قليلة هههههه
https://im58.gulfup.com/vz0KOZ.jpeg
تفضلو المقادير
للعجينة نحتاج بيضه نصف ملعقة كبيرة سكر نصف ملعقة كبيرة خميرة الخبز ملح نصف كوب حليب دافي ربع كوب زيت و نجمع الكل بالفرينة لازم تكون العجينة طرية باش نحصل على خبز هشوش نعجنها بضعة دقائق
نخليها تخمر حتى يتضاعف حجمها انا كنت مزروبة فاستعملت طريقة الكيس المبلل بالماء الدافي باه نسرع عملية التخمار
في هاذ الوقت حضري الحشو لحم مرحي قليه في شوية زيت و داويه عادي بالملح و الفلفل و التوابل اللي تحبي و الثوم و الدبشة مقطعة و ادا حبيتي البصل انا ما استعملتوش خليه حتى يتحمر و لازم يكون ناشف من الماء طفي النار و خليه يبرد شوية
بعدما تخمر العجينة نزليها بيدك و اقسميها كويرات و ادا عندك ميزان اوزني الكويرات باش يكونو نفس الوزن و ادا ما عندكش اقسمي العجينة على 2 ثم 4 ثم 8 هكداىيكونو نفس الحجم تقريبا
اضغطي على كل كويرة باليد و اعدليها باش تجي دائرية و حطيها في سنيوة مرشوشة بالفرينة ثم خدي الكاس و اضغطي في المنتصف رايح يتكونلك فراغو في هذاك الفراغ حطي الكفتة حوالي ملعقة اكل يمكن اكثر او اقل على حسب الخبيزات تاعك و فوق اللحم المفروم دردري جبن مبشور انا ما كانش متوفر عندي مالا خليتهم دون اضافات ادهني الخبيزات بالبيض خليهم 10 دقائق او اكثر حتى يخمرو قليلا و دخليهم الفرن حتى يحمارو
شوفو عن قرب
https://im58.gulfup.com/lxOgIi.jpeg
و هنا قطعتها من المنتصف باش تشوفوها لداخل
https://im58.gulfup.com/rg63nN.jpeg
ملاحظة هاد المقادير عملتي 8 حبات و الكيلة المستعملة هي الاكواب و الملاعق الخاصة بالطبخ
نتمنى تكونو فهمتو الشرح جربو الوصفة و ما تندموش باذن الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ya3tik saha chatra
__________________________________________________ __________
>>>> الرد الثاني :
اممم ان شاء الله نجربها فهاد الأيام خفيفة للعشاء ونردلك الخبر
__________________________________________________ __________
>>>> الرد الثالث :
يعطيك الصحه يشهي اختي لوكان توضحيلي اكثر كتقطعي بالكاس تنحي العجينه اللي في الوسط ولا اللحم يجي ما بيناتهم النقطه هادي مافهمتهاش
__________________________________________________ __________
>>>> الرد الرابع :
الله يسلمك اختي شكرا لمرورك
__________________________________________________ __________
>>>> الرد الخامس :
انشاء الله تنجحي فيها بالتوفيق
