مقرونة بمرقة حمراء رووووعة من مطبخي طبخ جزائري
عنوان الموضوع : مقرونة بمرقة حمراء رووووعة من مطبخي طبخ جزائري
مقدم من طرف منتديات العندليب
السلام عليكم اخواتي
اليوم جبتلكم طريقتي في اعداد المقرونة انا منيش عارفة اذا كنتو تعرفوها مي كاين مبتدئات مثلي ميعرفوش حوايج بزاف
ننصحكم تجربوها لانو طعمها فعلا رائع وصحاب خويا منين مايجو لينا يقولونا ديروها يموتو عليها
علابالي طولت في الهدرة ايا مالا نبدا بعد بسم الله الرحمان الرحيم
المقادير
500 غ مقرونة ومن الأفضل هذا الشكل
https://im52.gulfup.com/SvsNdS.jpg
انا مكان عندي فدرت هادي
https://im52.gulfup.com/G9WFn9.jpg
حبة بصل كبيرة مقطعة رقيق
https://im52.gulfup.com/iFMDbQ.jpg
راس ثوم متوسط مهروس
https://im52.gulfup.com/DBbrl5.jpg
3 ملاعق كبار زيت
شوية فاح وكاين اللي يسموه راس الحانوت
https://im52.gulfup.com/VxfUci.jpg
طراف دجاج
شوية كسبر مرحي
https://im52.gulfup.com/2M7DR4.jpg
شوية فلفل احمر حار مرحي
https://im52.gulfup.com/2KYqvp.jpg
ملح
https://im52.gulfup.com/1xGmfc.jpg
2 ورقات رند
ملعقة كبيرة سكر
https://im52.gulfup.com/NfIOWs.jpg
حبة طماطم كبيرة مرابية
https://im52.gulfup.com/kWII5H.jpg
2 ملاعق كبار طماطم مصبرة
https://im82.gulfup.com/poAwHF.jpg
فلفل اخضر حار الكمية اللي حبيتي
جبن مبشور
هريسة
الطريقة
في كيكوت نحطو البصل والثوم والزيت والتوابل والدجاج والطماطم ونحطوها على نار متوسطة يتقلاو شوية مدة 10 د
https://im46.gulfup.com/nMgU9l.jpg
ثم نمرق بشوية ماء حوالي كاس ونص ماشي اكثر ونلوح الفلفل الاخضر ونخليها تطيب حوالي 20 د
https://im46.gulfup.com/41zYxs.jpg
بعدها نزيد الماء حوالي كاس ونص او اكثر ونخليها حتى يطيب الدجاج
https://im46.gulfup.com/ovGoyK.jpg
وكي بطيب الدجاج نحيه وفتتيه في صحن ولوحي المقرونة في المرقة وعلى النار اغلقي عليها وخليها حتى تشرب هداك المرق ثم خلطيلها الدجاج وسكبيها في صحن التقديم ورشي عليها جبن مبشور وديريلها هريسة اذا كنتي تحبي الحار بالهريسة تجي 444444
https://im46.gulfup.com/KKz8Oc.jpg
وفي الأخير دعوة منكم انو ربي يشفي امي المريضة و ينجحني هاد العام في البكالوريا كافية ووافية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا اختى ياريت تكملى الموضوع
__________________________________________________ __________
>>>> الرد الثاني :
راني كملتو حبيبتي لانو النت عندي ناقصة طولت باش كملتو
__________________________________________________ __________
>>>> الرد الثالث :
ربي يشافي الوالدة ويوفقك ربي
بارك الله فيك على الوصفه لكن الصور لا تضهر
__________________________________________________ __________
>>>> الرد الرابع :
شكرا على دعوتك تسوا الدنيا ومافيها
اختي انا الصور باينة عندي والله ماني عارفة وين راه الخلل
__________________________________________________ __________
>>>> الرد الخامس :
لا تضهر الصور اختى عاوى التحميل
