خبزة السوافة حااااااااااااااااااارة حااااااااااااااارة من كوزينتي المطبخ الجزائري
عنوان الموضوع : خبزة السوافة حااااااااااااااااااارة حااااااااااااااارة من كوزينتي المطبخ الجزائري
مقدم من طرف منتديات العندليب
هذه الاكلة هي نوع من المعجنات لذيذة جدا الوصفة هذه انا معتمدتها منذ سنوات اخذتها من صديقة عزيزة عليا جدا اختها تسكن في سوف هي بدورها اخذتها منها وانا احتفظت بالوصفة كيما راهي لانها عجبتني ياسر وعجينتها هشوشة ولذيذة انا واهل بيتي سميناها خبزة السوافة وهي ماتجيش بلا حار
المكونات
العجينة
6كيسان فرينة
2بيضات
2كيسان حليب دافئ
2مغارف كبارسكر
3مغارف كبارخميرة الخبز
ملح
كاس زيت
بيضة ندهنوا بيها
الحشو
كمية قليلة من اللحم المرحي ممكن تعوضيه بالطن انا ماجربتهاش بيه نعملها باللحم المرحي
كمية مليحة من البصل
راس ثوم
5او6حبات طماطم
ملعقة كبيرة طماطم مصبرة
ملعقة صغيرة هريسة
توابل
ملح
ملعقةصغيرة سكر
3او4حبات جزر سنارية او زرودية
5قرون فلفل2حلو و3حارين اوحسب ذوقك خاطرنحنا رانا جماعة حار
فرماج
الطريقة
اولا ابدي بالعجينةلانها لازمها ترتاح
خلطي كل المقادير الجافة+الزيت +الحليب
ولكان لقيتيها طرية ياسر زيدي ا لفرينة لانو كاين فرينة ماتشربش
لميها واعجنيها واعمليها 2قرصات
حطي كل قرصة في ساشية واقفليهم وغطيها مليح وخليها ترتاح من45د حتى لساعة
رابي البصل وحطيه يذبال مع الزيت +اللحم مرحي+الفلفل مقطع رقيق او ارحيه في الروبو وخليهم يذبالو على نارقليلة+الطمام ارحيها بقشرتها عادي+ثوم مرحي مع ا لتوابل+السكر
اقسمي عجينتك على4خبزات وخليها ترتاح قليلا
ادهني2بلاوات تاع فور وحلي 2 قرصات من العجينة بالقراص ورشي شوي فرينة كي تجي تحليها
وحطي كل قرصة في بلا وادهنيها اذاتحبي الحار بالهريسة الوصفة هكذا حارةتشوي
حلي الزوج قرصات لي بقوا وهزي كل وحدة وغطي بها الحشوواغلقي لجناب مليح
بفرشيطة اثقبيهاعدة مرات بالفرشيطة وادهنيها بالبيض وادهني مليح لجناب باش ماتتحلش كي تطيب خليها تطلع 15 د وحطيها تطيب
[SIZE=4][url=https://www.gulfup.com/?2HCUei[/SIZE]
/url
لما تبرد شوي اقسميها مربعات وشهية طيبة
https://im68.gulfup.com/v8bBd.jpg
ملاحظة هذي المقادير تعملك 2بلاوات تاع فور كيما لي عملت فيهم
تقدرو تعملو نصف المقادير
انا سي السيد يحبها ولازم يوكلو منها صحابو على هذيك نعمل بلا لينا وبلا ليهم
هدية مني اليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختى للاسف مطلعوش الصور
__________________________________________________ __________
>>>> الرد الثاني :
راني مازلت عزيزتي ماكملتش الموضوع النت راهي تروح وتجي
__________________________________________________ __________
>>>> الرد الثالث :
Rani nestena fi baki el. Wasfa
__________________________________________________ __________
>>>> الرد الرابع :
دائمة الحمد ممتاز بربى نديرها
__________________________________________________ __________
>>>> الرد الخامس :
هايل يعطيك الصحة فكرتيني بخبز الشحمة نتاع الكوشة مع الحرووووووووووووووووووور نموت عليه بصح زوجي ما يشريهش لي بحكم عندي المعدة وهو يكره الحرور اممممممممممممممممممممممممممممممممممممممممممممم وتمنيت لو ازور وادي سوف من البلدان التي بقيت لي لم ازرها
