هل عندكم مشكل ما طرق صيانة
عنوان الموضوع : هل عندكم مشكل ما طرق صيانة
مقدم من طرف منتديات العندليب
السلام عليكم أخوتي اللي عندو مشكل في الميكانيك أو أي أستفسار يطرحو راني هنا خواتي باللي نقدر نساعدكم
أو على صفحتي إستشارات في أعطال السيارات
https://im34.gulfup.com/XS0HI.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك وجزاك الله كل خير
من كان في عوني اخيه كان الله في عونه
__________________________________________________ __________
>>>> الرد الثاني :
إذا يعني ما عندكم حتى مشكل جيد
لكن واش راكم تديرو كل يوم عند الميكانيكي او الكهربائي
ههههههههههههههههههههههههههههه
__________________________________________________ __________
>>>> الرد الثالث :
خويا
موتور essence خير ولا mazote خير ؟
__________________________________________________ __________
>>>> الرد الرابع :
اخي انت حاب تعرف ايهم أحسن إذا كنت حاب تشتري نوع معين لازم تعطينا النوع ونجبك إذا كنت تحوس بصفة عامة دركا نعطيك الإيجابيات والسلبيات لكل نوع وانت عقلك ميزانك
أولا اليسانس
الأعطال الميكانيكية سهلة وممكن تصلحها لوحدك إذا كانت عندك شوية خبرة
عدد الأحصنة قليل يعني القوة ضعيفة لكن هذا لا يأثر على السرعة
الأعطال الكهربائية صعبة في اليسانس على المازوتي بل معقدة أحيانا
كذالك لو تكون تسكن في منطقة صحراوية الموتور لا يتأثر بالرمل على عكس المازوتي
ثانيا الما زوتي
الإستهلاك للمازوت قليل وسعر المازوت ارخص
عدد الأحصنة أكثر من المحرك اليسانس لكن لا يعني أنه أسرع
الموتور المازوتي لا يسخن في الصيف مثل الليسانس يعني كي تكون في إزدحام ما تخافش عكس اللليسانس
السيارة المازوتية رزينة في الطريق عكس اليسانس خفيفة ومعرضة للحوادث أكثر
المازوتي ثقيل في الطريق ولو تحب تنافس مع واحد ليسانس صعيب باش تجيبو إلا إذا كانت سيارتك DTI-DCI-HDI-G
وكذالك المازوتي تخاف عليه إذا كنت في منطقة صحراوية رملية لأن حبيبات الرمل تخل في فلتر الهواء وبعد تدخل مع غرفة الإنفجار يعني البيسطو ويسبب إحتكاك أكثر داخل الغرفة وبالتالي تنقص صلاحية المحرك
كذالك لو تسخن السيارة المازوتي فوق العادة ولم تشتغل المرحة للتبريد راح يفسد كامل المحرك
أما الليسانس لا يسخن المحرك فوق العادة ولم تشتغل المروحة راح تخسر goine culasse واكثر شيء ممكن تخسرو هو إعوجاج la culasse
نصيحة لكل من عندو المازوتي : في حالة سخونىة المحرك من الأفضل أن لا تطفأ المحرك يجب أن تبحث عن وسيلة لتبريد المحرك وهو مشتغل أو راح تخسر كل المحرك
اما عن الليسانس لما يسخن المحرك أول حاجة تفعلها هي توقف المحرك مباشرة ولا تفعل أي شيء وإياك أن تروح تفتح علبة الماء لان راح يتطاير الماء على وجهك وحاول ترك مدة 30 دقيقة لكي يبرد المحرك وبعدها أفعل ما شأت وبهذه النصيحة راح تكون الخسائر قليلة جدا
لكن لو تخالف النصيحة راح يكون الخسارة والله غير متوقعة
ملاحظة 1 : المازوتي أثناء توقف السيارة وتخلي المحرك يدور السيارة تبرد
أما السيارة الليسانس تسخن في rarante
شكرا أخي على السؤال واتمنى أن تكون استفدو من الملاحظات والنصائح ولن ابخل عليكم بأي نصيحة
المهم أتمنى أن تردو على الموضوع بعد قرائتكم للموضوع والدعاء لي بالخير يأخوتي
أخوكم عبدو من عين وسارة
__________________________________________________ __________
>>>> الرد الخامس :
شكرا أخي على التوضيح
