احمى نفسك العنايه بالبشره
عنوان الموضوع : احمى نفسك العنايه بالبشره
مقدم من طرف منتديات العندليب
احمى نفسك
طبعا اشعة الشمس مضرة جدا جدا وبتسبب جفاف للبشرة
وبقع
واسمرار
و بعد الشر بعض الامراض السرطانية
علشان كده
مش هقول لازم سن بلوك
لالالالالالالالالالالالا
بس لازم منتعرضش للشمس اصلا
على قدر المستطاع طبعا
يعني عندك مشوار ينفع الصبح او اخر النهار يبقى خليه اخر النهار المغرب يعني
مثلا لازم الصبح يبقى نصحى بدري وننزل اكتر حاجه بدري نقدر عليها ونرجع بسرعه
الاشعه المفيده هي بعد الفجر بساعتين بحد اقصى وقبل المغرب بساعة
بتساعد على تكوين فيتامين D
يعني لو تقدري بعد الفجر بساعه تقعدي في البلكونة
معرضه معظم جسمك للشمس
بس طبعا محدش يشوفك من الجيران والا هنلاقي الجيران
فاتحين شباك تذاكر
او عرضي اطفالك مفيدة جدا بس كفايه ربع ساعه مرتين في الاسبوع فقط
اكتر من كده هناخد ضرر الشمس
طيب ايه الاشعه المضرة في الشمس؟؟؟؟
UVA -UVB
وطبعا السن بلوك بيحمي منهم
لكن بيحمي من UVB كويس
لكن للاسف UVA لا مش كويس اوي
يحمي بمقدار تلت الحماية اللي ضد UVA بس
علشان كده عدم التعرض للشمس ضروري جدا
اضرار UVB
تسبب حروق الشمس والاحمرار
اضرار UVA
اضرارغير مرئية للبشرة واثار التقدم في السن
والسمار المستمر
طيب دايما مكتوب على ايسن بلوك
SPF
يعني ايه؟؟
اختصار لجملة Sun Protection Factor
بردو يعني ايه؟؟
يعني عامل حماية من اشعة الشمس
ولا مش UVA
فقط UVB
اما UVA لها مقياس اخر مش هوجع مخكم بيه لانه مش بيكون مكتوب
لكن بيكون تلت SPF تقريبا
بردو يعني ايه؟؟
يعني مثلا لو مكتوب عليه SPF +50
يبقى هيحميكي خمسين مرة اكتر من لو مش حاطاه
بردو يعني ايه؟؟
يعني مثلا لو اتعرضتي للشمس خمسين دقيقه وانتي حاطاه
هتاخدي ضرر يعادل دقيقه واحده لو مش حاطاه من UVB
بدل ضرر الخمسين دقيقه كلهم
وهتاخدي ضرر 3 دقايق لو مش حاطاه من UVA
اتمنى تكون وصلت بسهولة
نيجي لطريقة الاستخدام؟؟؟؟؟
قبل التعرض للشمس بنصف ساعه ننظف الوجه كويس جدا
وننشفه كويس جدا جدا جدا ونحطه
وكل ساعتين لازم نغسل الوجه ونحط تاني
هنحط اد ايه؟؟؟
كمية 1 سم يعني نطلع منه 1سم
الكمية ده هتكفي الوجه كويس جدا
ولو هتحطي على الرقبه زودي وخليها واحد ونص
الميكب قبل ولا بعد؟؟؟؟
طبعا بعد ما نحطه بشوية حوالي تلت ساعه والافضل منحطش ميكب فوقه
في انواع معاها لون بيدي تغطية زي كريم الاساس بالظبط
هقولهالكم حالا
ولو لازم لازم يعني كفاية اوي Loose powder
من بعيد كده بفرشاة على خفيف من غير مسح علشان منمسحوش
او compact powder
بردو خفيف اوي باسلوب الطبطبة
لكن لوز بودر افضل
واكرر الافضل بلاش خالص خالص بودر
ونحط مثلا الروجاجو وكله عادي بس بردو من غير مسح
طيب ايه الانواع؟؟؟؟
طبعا انواع كتيييييييير
بس لونا وحش اوي
ونيفيا معقول
وماش وحش بيلمع كده
وسبيكترابان معامل حمايه +50 حلو بردو بس مجربتوش شخصيا
الافضل
The best
UVEBLOCK spf 80 invisible cream
انا بستخدمه وحلو معايا الحمد لله
ينفع للبشرة الفاتحه والبيضاء لكن مع السمر ممكن يجير شوية
هو المفروض كريم شفاف بس انا بحس انه بيبيض شوية لما احطه
وطبعا مش بحط فوقه ميكب وبيكون حلو لوحده
سعره 70 جنيه
العبوة 40 مل
UVEBLOCK spf 80 Tinted
حلو طبعا بس البيض او الفاتحين ممكن يحسو ان لونه مش مناسب ليهم
هو ليه لون زي كريم الاساس بس طبعا مش هتعرفوا الدرجه غير لما تشتروه
لكن هو مش غامق اوي بردو ينفع للقمحاويين
وطبعا البشرة السمراء
Photoderm max spf 100
معظمكم بيستعمله
وفي منه انواع كتير تاني
هقولكم الفرق بينهم
milk\ lait 100 ml
نوع ممتاز وسعره معقول لان العبوة 100 مل
السعر 120 جنيه
لكن مناسب للبشرة الجافه او العادية
البشرة المختلطة ممكن يسبب لها حبوب
وطبعا ممنوع تماما للبشرة الدهنيه
fluid 40 ml
السعر 99 جنيه
العبوة 40 مل
مناسب لكل انواع البشرة
وبالذات الدهنية والمختلطة
cream 40 ml
السعر 99 جنيه
العبوة 40 مل
كريم شفاف
مناسب لجميع انواع البشرة
لكن الدهنيه لا الافضل ليها FLUID
tinted OR light tinted cream 40 ml
السعر 99 جنيه
العبوة 40 مل
معلش مش عارفه انزل صورته
بس نفس الصور لكن الكلام بيختلف على العبوة
خلوا بالكم ده ليه لون ينفع بدل كريم اساس
نقدر نقول انه كريم اساس
وبردو مش شرط نحط فوقه بودر
في درجتين Light tinted الدرجه الفاتحه
لونه حلو مش بيغمق البشرةخالص لونه زي كريم اساس فاتح على بينك فاتح
و Tinted الدرجه الاغمق
ومناسب لجميع انواع البشرة
في ناس لسه مش قادرين يستوعبوا اضرار الشمس
الشمس مش مشكلتها انها هتسبب اسمرار وخلاص
لالالالالا
الشمس هي العدو الأول لبشرتنا والسبب في ظهور التجاعيد
وليس التقدم في السن وحده وأشعة الشمس هي المسئولة عن ترهلات الوجه
والبقع اللي مش فاهمين جت منين؟؟؟
والنمش
وامراض تانيه بلاش اقولها
اشعة الشمس بتغير في تركيب خلايا البشرة وتدمرها وتتلفها
والبقع الناتجه عن الشمس نادرا ما بيروح اثرها وبصعوبة بالغة
وتكلفة عاليه
طيب ما نحافظ من الاول احسن
ولازم نعرف ان حتى لو الغيوم مغطية الشمس او واقفين في مكان ظل
بردو اشعة الشمس مضرة جدا
صيف شتاء مضرة
في البيت في بردو ضرر منها بس ابسط كتير
طبعا مش هنحط سن بلوك في البيت
لان السن بلوك هو نفسه كتره مضر
لكن هنكتفي بكريمات النهار SPF 15
وكمان الترطيب مهم للحفاظ على البشرة من الجفاف اللي بتسببه اشعة الشمس الضارة
النقاب مش بيمنع ضرر اشعة الشمس بالكامل
وجود سن بلوك هيكون افضل
السن بلوك لازم يتحط قبل التعرض للشمس بنصف ساعه
على بشرة نظيفه ومتجففه كويس
وكل ساعتين يتجدد بردو على بشرة نظيفه
ازاي واحنا برة؟؟؟
لو مش متاح اننا نغسل وجهنا
نستعمل Wipes
مناديل مبللة عارفينها اكيد
او منظف للوجه يكون لوشن مش غسول
زي منظف الوجه من جونسون
طبعا الاوقات الشديدة الضرر هي لما تكون الشمس عموديه
لازم نحرص على عدم التعرض حتى لو تحت ظل
كده عايزة منكم دعوه حلوة وتقييم عالي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيييك ربي الف عافيه على النصيحه والطرح المفييد
في ميزان حسناتك ان شاء الله
يسلمووو
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
