حف المنطقه الحساسه لصحة بشرتك

عنوان الموضوع : حف المنطقه الحساسه لصحة بشرتك
مقدم من طرف منتديات العندليب

حف المنطقه الحساسه



حف المنطقه الحساسه

اليوم جبت لكم طريقتي السهله والمريحه ونتايجه ممتازه....يالله نبدأ
بسم الله

طبعا أهم شي اني مهما اغرتني بعض المواضيع بأن الحلاوه أحسن الا اني ما انسى وصية الرسول اللهم صلي وسلم عليه دائما وأبدا ..وهي حلق العانه ((وماينطق عن الهوى)) الحلاوه تموت الاعصاب مع الوقت وترهل المنطقه الحساسه وغير تاخذ وقت وملل وقرف ..

ومن خلال تجاربي السابقه في الحف لقيت أفضل المنتجات اللي تخليج تحفين بدون حكه ولا الام ولا حبوب ولا ترهل ولا برود ولا شي...العيب الوحيد ان المتزوجه لازم تشيل كل ثلاث ايام او اربع وانا ما احس انه عيب بالعكس حلو انج تعتنين فيها أول بأول مب مثل الحلاوه لازم تترين لين يظهر الشعر وعقب تشيلين...

يالله مابطول عليكم هذي الصوره فيها كل الاغراظ اللي تحتاجينها وبشرح لكم خطوه خطو شو أسوي:




أولا: وقت الشاور احط شويه من سائل الاستحمام من جونسون عالمنطقه واخلي الرغوه عليها وابدا أشيل بموس جيليت فينوس مع اتجاه الشعر بعدين اميل شويه عاليمين بعدين اميل شويه عاليسار واخر شي بعكس اتجاه الشعر ..لما اخلص اغسل المنطقه بالماي.

ثانيا: اعقم المنطقه بشوية ديتول الاخضر مخفف بالماي طبعا ولما اخلص الشاور انشف جسمي بالفوطه وأول شي احط سودوكريم للأطفال وهو مخصص للمنطقه الحساسه ومضاد للألتهاب والحبوب ولايحتوي على الكورتيزون..

وخلااااااااااص..والحمدالله المنطقه تكون ناعمه كأنج شلتيها بالحلاوه... بس المتزوجه تعملها كل 3أو 4 ايام عشان الشعر يطلع في خلال يومين... والمش متزوجه كل اسوع ..

ملاحظات:
الموس أفضل شي فينوس أو بلو من جيليت...

سائل الاستحمام مكتوب عليه مع زيت الاطفال خفيف عالمنطقه وناعم ويخليج اتشيلين الشعر بسهوله وريحته حلوه..

سودو كريم... طبي وطبيعي وامن عالمنطقه الحساسه..

وعلى فكره المتزوجه اذا عندها وقت افضل تشيل البكيني والمنطقه من فوق بالحلاوه اما المنطقه الحساسه جدا تحت واللي تألم جدا هذي خلي لها طريقة الحف.. وبترضين بالنتيجه اكثر واكثر ^_^



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلم ايدك على المجهود

نقل للقسم المناسب

ننتظر جديدك
__________________________________________________ __________

>>>> الرد الثاني :

يسلموووووووووو علي تشريفك صفحتي حبيبتي

وتعليقك

__________________________________________________ __________

>>>> الرد الثالث :

الحلاوه افضل من الموس لان الموس يسبب سواد في المنطقه الحساسه ومشكورين
__________________________________________________ __________

>>>> الرد الرابع :

تسلم ايدك على المجهود
__________________________________________________ __________

>>>> الرد الخامس :

تسلم الايادي
يفضل دوماً استخدام الموس والحلاوه معاً
يعني الجزء العلوي بنستخدم الحلاوه لكن السفلي بنتسخدم الموس كي لا يحدث ترهل

جزاكي الله خيرا :)