وصفة حلوة لتوحيد لون الجسم ****تعالو شوفو ماراح تندمووووووو لبشرة بيضاء
عنوان الموضوع : وصفة حلوة لتوحيد لون الجسم ****تعالو شوفو ماراح تندمووووووو لبشرة بيضاء
مقدم من طرف منتديات العندليب
وصفة حلوة لتوحيد لون الجسم ****تعالو شوفو ماراح تندمووووووو
عزيزاتى انا جبت لكم اليوم موضوع حلو عن توحيد لون البشرة ارجو ان تستفيدو منة
:011:
اول شي اللي يوحد لون البشره ويزيل الاماكن السمره والخشنه هو التقشير او اللي يسمونه السنفره
والسنفره حبيبتي انواع منها الطبيعي اللي تسوينه بالبيت ومنها اللي ينباع بالمحلات المعروفه مثل بودي شوب وزهور الريف وغيرها
ابقولك اول شي عن السنفرات الطبيعيه:
1-السكر مع زيت الزيتون تخلطينهم مع بعض لين يصير الخليط متماسك وعقب ماتسبحين بالشاور جل وتتفركين عدل تنشفين جسمك وتفركينه بالسكر والزيت بشكل دائري باتجاه عقارب الساعه بس بدون تجريح وتخلينه على جسمك ربع ساعه وبعدين تغسلينه بماي فاتر بدون لوفه ولا صابون وعقب تنشفين جسمك وترطبينه بكريم مرطب والافضل يكون بيبي جونسون الوردي
2-بعد عندك الملح الخشن مع الليمون وهذا طريقته تفركين ليمونه على كامل جسمك وعقب ماينشف الليمون على جسمك تاخذين ملح خشن وتفركين جسمك فيه وتخلينه ربع ساعه وعقب تغسلينه بماي فاتر وتحطين مرطب
3-عندك حجر السفيداب (الحجر الايراني الابيض) والطريقه انك ترشين جسمك كله بماي ورد وعقب ماينشف تكونين مقطع الحجر بسكين بحيث يكون قطع صغيره جدا وتفركين فيها جسمك وتخلينها 10-15 دقيقه وتغسلينه بماي ونفس الشي ترطبين جسمك بمرطب
4-سنفرة البيكنج صودا وهذي رووعه وعشان بياض اكثر استخدميها كالتالي:
تاخذين البيكنج صودا اللي يستخدم بالطبخ بس ركزي البيكنج صودا موالبيكنج باودر
وعقب ماتخلصين الشاور والجسم يكون مبلل تاخذين الليفه اللي تكون من قماش الفوطه تحصلينها في بودي شوب وتبللينها بماي وتحطين عليها البيكنج صودا وتفركين جسمك فيها عدل وعقب تغسلين جسمك بماي فاتر يتبعه ماي بارد وتنشفين جسمك وتدهنينه بزيت اللوز الحلو مع زيت جنين القمح وتنامين وثاني يوم الصبح تعرضين جسمك للبخار مع تدليك الجسم بقشطه معصور فيها ليمونه وملعقتين جلسرين وتخلينها على جسمك نص ساعه لين تنشف
وبعدين تغسلين جسمك بماي دافي بس بدون لوفه وتنشفينه عدل وبعدين تاخذين خلطه مكونه من شعير القمح +ماي ورد تخلطينهم لين يصير شكلهم متماسك وتفركين فيها جسمك بحركات دائريه وبعدين تغسلينه بماي بارد جدا وتنهين الحمام في لوشن بيبي جونسون الوردي هالوصفه تقدرين تستخدمينها 3 مرات بالاسبوع على الاكثر
وبتشوفين البياض اللي يرضيك
5-زيت جنين القمح تقدرين تدهنين فيه كل جسمك قبل النوم وتلبسين بجامه قطنيه وتغسلينه ثاني يوم الصبح رووعه ومع الاستمرار مو بس الاسمرار يروح حتى السترتش ماركس (التشققات الناتجه من الحمل او البلوغ او السمنه) بتخف مع الوقت
6- الهرده (الطحينه) تدهنين الجسم فيها عقب الشاور وتخلينها من نص ساعه الى ساعتين وعقب تغسلينها بماي فاتر وتحطين لوشن بيبي جونسون وفي وصفه انا منزلتها فيها الهرده شيكي عليها انصحك فيها انا شخصيا استعملها
وبعد كريمات الصنفره والسكرابات اللي في بودي شوب في سكراب اسمه افريكا رووعه جربيه
وبعد فيه ملح الحليب وملح البابايا حلووووين
والحمامات المغربيه على الاقل مرة بالشهر عقب الدورة الشهريه مباشره
مع العلم ان الحمام المغربي اذا استخدم بالطريقه الصحيحه يبيض البشره جدا
هذا اللي اذكره حاليا واي استفسار انا بالخدمه
ولا تنسيني من الدعاء
:027:
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوره اختي ويعطيك الف عافيه
__________________________________________________ __________
>>>> الرد الثاني :
مشكوره وسلمت اناملك
__________________________________________________ __________
>>>> الرد الثالث :
مشكورةات عزيزاتى علا المرور https://3andlib.xplainer.net/images/smily2013/142.gif
__________________________________________________ __________
>>>> الرد الرابع :
أريد كريم لليدين يبيض اليدين
الله يخليكم؟؟؟
__________________________________________________ __________
>>>> الرد الخامس :
مشكورة أختي على الوصفات
