نعومة و رائحة فواحة لليلة خاصة جدا ..(خاص للمتزوجات ) لبشرة فاتحة
عنوان الموضوع : نعومة و رائحة فواحة لليلة خاصة جدا ..(خاص للمتزوجات ) لبشرة فاتحة
مقدم من طرف منتديات العندليب
نعومة و رائحة فواحة لليلة خاصة جدا ..(خاص للمتزوجات )
السلاااااام عليكم ورحمة الله
حبايبي هذى الفكرة تناسب المتزوجات اكثر
تدرون من فترة لفترة الوحدة منا تحب انها تسوى شى مميز او ليلة مميزة لزوجها ......
وهذى الطريقة انا اتبعها من اول ما تزوجت و الحمدلله ما قطعتها .. و ادري ان الكل راح تعجبه
اول شئ :
طبعا تكونين شايلة شعر جسمك كله ... و اقصد(كله).
ثاني شئ :
تسبحين و يفضل تستخدمين صنفرة بعدها تحطين خلطة ( نشا+ماى ورد ) على جسمك كله و تخلينه لاطول فترة ممكنه
(انا اخلية 15 دقيقة) يفضل اكثر هذى الخلطة تعطى بياض و نعومة مو طبيعية ... و لا تنسين تحطينها على وجهك بعد!!!!!
بعدين تغسلين جسمك بماي فاتر و تتنشفين.
لما تطلعين يفضل انك تستخدمين كريم جرجنز لتقليل نمو الشعر (يعطيك نعومة مو طبيعية)
و طبعا الحين نوصل لاهم شى (الدخون)
يكون الجمر جاهز ... (لازم الشعر يكون مبلل) علشان تثبت الريحة عدل .
و تدخنين شعرك و لما تبين تدخنين جسمك .. تلبسين ثوب الصلاة (الجلال) و طبعا تكونين مو لابسه اي شى تحته
( ولا شى حتى الملابس الداخلية ما تكونين لابستها)
فهمتو ليش طبعا .. ؟
تعطرين جسمك بعطرك المفضل و تحطين العود على الجمر و تحطين المدخن بين رجولك..
أدري الحين تقولون شمعنا ثوب الصلاة ليش مو الروب؟؟ انا أقولكم ليش.
لأن ثوب الصلاة يكون واسع فتضمنين ان الدخان وصل لجسمك كله و من ضمنها شعرك و بدون ما يجي لوجهك و عيونك و يحكرك
( و لأني سامعة ان الدخون ضار لبشرة الوجه)
و منها تدخين ثوب الصلاة بنفس الوقت ...
بعد هذا كله .... تجيبين المسك الحجر(من القرشي) و تحكينه بأظافرك و تمسحين ملابسك الداخليك و أباطك فيه
و لا تنسين الخمرية لشعرك ....
صدقيني راح تصير ريحتك خياليه كل بقعة من جسمك ريحتها روعة حتى كفوف ايدك
ما راح تصدقين لين تجربين...
و لما تلبسين قميص النوم تحطين مكياج ناعم جد"
( بس كحل و ظل بيج و مسكرة و قلوس) و حطي اللمعة الخاصة بالجسم على جسمك (راح يصير شكلك روعة ) ...............
منقووول لعيونكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جزاك الله خير حبيبتي جعل أيامك كلها عطر فواح..
__________________________________________________ __________
>>>> الرد الثاني :
يعطيك العافية
طريقة حلوة وسهلة
__________________________________________________ __________
>>>> الرد الثالث :
شكراا حبيبتي
__________________________________________________ __________
>>>> الرد الرابع :
انا جربتها واااااااااااااااااااااااااااااااااااااااو خيااااااااااااااااااال تجنن
استخدمت لوشن عطر ماريا كيري البنفسجي وبخور من نوع حسيت انه راح يعطي تفاعل حلو مع اللوشن وفعلا حده طلع مميز وطبعا اخر شي رشيت عطر ماريا كيري نفسه يهبل والريحه ثابته وتمت بملابسي وبثوب الصلاة اسبوع يمكن
اشكر صاحبة الموضوع :)
__________________________________________________ __________
>>>> الرد الخامس :
أفكار حلوه مره
تسلمين
