تجربة ابر التبيض مع وحدة شوفو عشان تستفيديو.... لبشرة صحية
عنوان الموضوع : تجربة ابر التبيض مع وحدة شوفو عشان تستفيديو.... لبشرة صحية
مقدم من طرف منتديات العندليب
تجربة ابر التبيض مع وحدة شوفو عشان تستفيديو....
كيف حالكم يا بنات راح ادخل بالموضوع على طول طبعا كلكم سمعتوا بأبر التبييض او التفتيح انا يا بنات استخدمتها بديت فيها قبل اسبوعين او اكثر تقريبا وراح اقولكم قصتي معها وراح ابدى بالقسم عشان كلكم تصدقوا قصتي اول شي اقسم بالله العظيم وبعرشه الكريم اني استخدمت هذي الابر وكل اللي راح اقوله لكم صدق ولله العظيم ولله على مااقول شهيد اني استخدمت ابرة الغلوتاثيون وابرة فيتامين سي مع بعض بنفس اليوم اخذت ابرة الغلوتاثيون بالعضل بمنطقة الفخذ العلويه اليمين وابرة فيتامين سي بنفس المنطقه المقابله باليسار لما اخذت ابرة الغلوتاثيون حسيت بألم بسيييط جدا اختفى بسرعه مع التدليك بعدين اخذت ابرة فيتامين سي وحسيت بألم شدييييييد استمر 5 دقايق بعدين اختفى اخذت الابرتين 7 المساء بعد تقريبا ساعه حسيت بغثيان ودوخه بعدين نمت بالليل ولما صحيت من النوم شفت المكان اللي اخذت فيه ابرة فيتامين سي منتفخ كثييييير واحمرررر واذا ضغطت عليه يؤلمني وبعدين مع الحركه صار المكان يؤلمني بشده حتى لو ماضغطت عليه اقسم بأيات الله العظيم اني كنت احس بألم فظيع جدا والانتفاخ كل شوي يزيد وغير كذا طلع بوجهي حبوب حمرااا وبثور حول الفم انا هالحبوب ماهمتني لكن الالم اقسم ورب الخلق انو عمري ماحسيت بألم مثله واتصلت على الممرضه اللي عطتني اياها قالت يمكن جسمك تحسس من الفيتامين لانه مركز ونسبته عاليه وعطتني اسم كريم وقالت حطيه على المكان المنتفخ حطيته ولكن زاد الالم واتصلت عليها مره ثانيه وقلت لها مانفع والالم زاد علي قالت حطي مره ثانيه و انا مافي مسؤؤل انت يجيب هذا دوا وبعدين صارت ماترد على اتصالاتي لدرجة اني اقسم بالله صرت اعرج ولله العظيم كنت ابكي من شدة الالم استمريت على هالحال 5 ايام وكل يوم حالتي تكون اسوأ اخر شي اهلي اخذوني على المستشفى ولما الدكتور شاف فخذي على طول قال سوي تحاليل شامله طبعا انا ماقلت له انو ابره اخترعت سالفه وقلتها لدكتور لان مافي احد يدري بسالفة الابر الا اختي الكبيره بس بعدين الدكتور قالي يبغالك تنويم اقسم بأيات الله العظيم اني تنومت بالمستشفى 5 ايام وسويت عمليه لان صار عندي خراج وتجمع صديد بالمكان لان جسمي رفض الماده ولله العظيم كانت اصعب لحظه بحياتي كنت مانام بالمستشفى بس ابكي ولله العظيم وادعي ربي انو يفرج علي وعلى فكره ترا انا اشتريت هذي الابر من عند وحده هنا بالمنتدى لكن ولله العظيم اني مادعيت عليه ولا سبيتها ورب الكعبه اني مادعيت عليها اوذكرتها بسوء حتى بيني وبين نفسي لان هي مااجبرتني اشتري الابر انا باختياري وبرضا واقتناع تام اشتريتها من عندها ودفعت فيها مبلغ كبييير مع اني لا موظفه ولا شي بس جلست احرج اخواني عشان يعطوني الين وفرت المبلغ واشتريتها ويابنات لاتظنون اني ابي اخوفكم من الابر بس انا حبيت اقولكم اللي صار معي و وترا انا كنت اكثر وحده تكره حركات البنات اللي يألفون كلام على الابر ويقولوا تجيب سرطان ومن هالكلام لكن انا مااتكلم الحين من فراغ اقسم بالله اني اتكلم من تجربه وعلى فكره انا لاحظت لما كنت بالمستشفى قبل مايعطوني أي دواء يسون لي اختبار حساسيه بابرة صغيرة باليد عشان يلاحظون ردة فعل الجسم وانا سألت الممرضه اللي بالمستشفى هذا الاختبار ضروري قالت طبعا ضروري لان احيان الجسم يتحسس من الادويه واسوأ شي يحدث هي الوفاة لكن انا لما اخذت ابر الغلوتاثيون وفيتامين سي ماسويت اختبار حساسيه ولا هم يحزنون وصار اللي صار لكن الحمد الله ربي حفظ لي حياتي مع ان الابر اللي اخذتها كانت بنظري بسيييطه و ترا انا اشتريت ايضا حبوب التبييض د جمس ومااثرت فيني لا ضرتني ولا نفعتني ووقفتها واستخدمت الابر وبعد ماطلعت من المستشفى اختي اخذت مني كل الابر الغلوتاثيون وفيتامين سي ولا ادري وش سوت بها ولا فكرت حتى اسئلها واختي كانت ناويه تستخدم حبوب التبييض بعد ماتولد لكن الحين هونت ماعاد تبيها وبقولكم حاجه انا اعرف بنات هنا بالمنتدى يستخدمو هذي الابر لكن ماضرتهم عسى ربي يحفظهم ومايصيبهم مكروه لكن انا هذا اللي صار معي وبالتحديد اللي ضرتني فيتامين سي مش الغلوتاثيون وكل جسم يختلف وانا خلاص ماعاد افكر بأبر وحبوب واقتنعت ببشرتي الحنطاويه خلاااااااااااص ورب الكعبه نفسيتي تعباااانه مررره ولله العظيم اني اكتب ودموعي بعيني احس اني ظلمت نفسي واتمنى أي وحده تقرا قصتي لا ترد وتقول احنا حذرنا منها وليه استخدمتيها وووووووو تكفووووووووون يا بنات ماابغى الا دعواتكم حتى لو بظهر الغيب امانه يا بنات لا تجي وحده وتزيد همي وتلومني خلااااااص انا نفسيتي تعبانه مررررره بس ابغى دعواتكم لي بالشفاء والله يحفظ الجميع
للآمانة منقوووووول لعيونكم قلت خليكم تستفيديو انتو غالين عليه والله ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://www.dobaa7.com/vb/imgcache/9308.imgcache.gif
__________________________________________________ __________
>>>> الرد الثاني :
الوحدة المفروضض تخاف على نفسها الحمدالله
ان ربي نجاك ه\
مشكورة يالغلا
__________________________________________________ __________
>>>> الرد الثالث :
اي والله ان شاء الله ربنا يهديهم النسوان بس يسمعو في خلطة ولا كريم ههههههههههه
__________________________________________________ __________
>>>> الرد الرابع :
__________________________________________________ __________
>>>> الرد الخامس :
