بخور الفم !!!!! لبشرة صحية
عنوان الموضوع : بخور الفم !!!!! لبشرة صحية
مقدم من طرف منتديات العندليب
بخور الفم !!!!!
بسم الله الرحمن الرحيم
بكتب لكم الليوم بخور الفم ويارب ينال اعجاب الجميع وهذه اللخلطه يستخدمونها اجدادي بشكل رهيب من ايام زمان
واحلا مافيها انها كلها طبيعيه يعني مامنها ضرر ابدا
المكونات
ملعقه كبيره قرنفل اللي هو المسمار
ملعقة كبيره مستكه
فنجان هيل
بشر ليمونه مبشور ناعم بقياس ملعقتين كبيره
فنجان دارسين
فنجانين سكر بني النوع الجيد الاصلي
ماء الزهر ليس ماء الورد لان ماء الورد خفيف وماء الزهر يجي قوي ومركز وتحسون فيه من طعم العطر
الطريقه
تطحن جميع المكونات بشكل ناااااااااعم جدا جدا جدا ماعدا السكر حيث انها تصير مثل البودره وتخلط مع السكر البني الناعم المذوب بفنجان ماء الزهرويوضع معها بشر الليمون وتعجن جيد لين ماتتكون عندك مثل العجينه ولاتسيحينها حيل لان السكر البني يختلف عن بعض بعضه يسيح ويصير عندك خليط طري جد وهذا اللي مانبيه وبعضه يصير مثل العجين وهذا هو المطلوب وكل ماشفتي الخليك لين زيدي شوي من المقادير والسكر لين تصير عجينه وبعدين تاخذين العجينه ويكون عندك قدح فيه ماء الزهر تحطين ايدك فيه وترطبينها قليلا علشان مايلزق فيها العجين وتكورينها صغار مثل بخور المعمول بس اصغر شوي وتحطينها بمكان جاف مثلا فوق الثلاجه يومين لين تجف وبعدين ترصينها بعلبه محكمة الاغلاق
وتاخذين منها كل ماحتجتي وتحطينها جمب راسك وإنتي نايمه علشان اذا قعدتي من النوم تعطر رائحة الفم
ويارب تجربونها وصدقوني بتعجبكم وهذي طريقة جدتي اللي مشهوره بصناعة البخور والعطور وكانو يسمونها الفواحه من جمال ريحتها والحين كبرت ومريضه الله يشفيها وتوارثنا شغلتها وحبيت افيدكم
منقووووووووووووووووووووووووووو ل
التوقيع
اللهم صلي علي سيدنا محمد وعلي ال سيدنا محمد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تسلمين حبيبتي
بس مافهمت قصدك يعني كيف أحطها عند راسي
انا فهمت اني بحطها وسط ثمي وضحي الله يخليك
تشكرات
__________________________________________________ __________
>>>> الرد الثاني :
حبيبتي اول ما تصحي من النوم مصيه مثل السكاكر وهو كله مواد لللاكل ما في شي يخوف جربيه وما رح تندمي ان شاء الله
__________________________________________________ __________
>>>> الرد الثالث :
وبعد بنات جيبوا علبه بلاستيك وحضوها فيه وحفضوها بالثلاجه كل ما تبون طلعوه حبه ومصوها
__________________________________________________ __________
>>>> الرد الرابع :
شكراااااااااااااااااا
__________________________________________________ __________
>>>> الرد الخامس :
سبحان الله و بحمده
