الكل بيقول :والله حليانه!!شو عملتي بحالك! الجزء الثاني لبشرة صحية
عنوان الموضوع : الكل بيقول :والله حليانه!!شو عملتي بحالك! الجزء الثاني لبشرة صحية
مقدم من طرف منتديات العندليب
الكل بيقول :والله حليانه!!شو عملتي بحالك! الجزء الثاني
السلام عليكم و رحمة الله
كيفكم يا صبايا يا حلوينhttps://3andlib.xplainer.net/images/smilies/rose.gif ؟
ان شاء الله تكونوا جميعا بخير و سلام
اليوم رح أكمل موضوعي عن الجمال و تجربتي مع التغيير الشامل .. و اليوم رح أكمل شوي مع البشرة بعد ما تتعالج من الحبوب لأن مشوارنا ما خلص هون ..
البشرة بدها عناية و تقشير و ماسكات , بما اني تخلصت من المشكلة الاساسية ..بيظل علي اني اعتني بنعومتها و أحافظ عليها و أقشرها و إذا ظل بعض البقع فلازم اتخلص منها..
اولا:بشرتي بعد ما عالجتها من الحبوب أصبح لازمها شوية تقشير علشان نزيل الجلد الناشف..بالذات اننا الآن في بداية فصل الصيف و الجفاف وارد كتيييييير .
انا من تجربتي واللي استفدت منه أكثر من غيره هو النخالة..نخاله القمح كنت ادعك فيها وجهي شوي شوي لمدة 10 دقايق و بعدين اخليها تتنشف و اغسلها عن وجهي.. هاي العملية خففت من البقع في وجهي و كانت تزيل البشرة الميته.. ممكن نفس الخطوة نعملها بالقهوة. كنت اخلط قهوة عادية مع صابون الوجه و ادعك وجهي فيها بس مو بقوة علشان ما تنجرح بشرتي.
على فكرة ..القهوة انا بستخدمها كمان كل فترة و فترة لما اتحمم ..أو أتروش مثل ما تقولون في السعودية..كنت اخلط القهوة الناشفة العاديه مع سائل الاستحمام و ادعك كل جسمي بعد ما ابلله بالماء .و مع الفرك لمدة ما تقل عن 5 دقايق...كل الجسم بعدين أكمل حمامي عادي و الله روعة و يعطي نعومة و انتعاش و يقشر تقشير ممتاز...
بس شو منظري و أنا من فوق لتحت بني في بني! كنت أحس حالي كأني بلعب في الطين متل الولاد الصغار..بس الفرق انها قهوة مو طين هههه
هذه الخلطة بسيطة للي ما عندها وقت ...
و للي عندها وقت و حابة تدلع نفسها:
ممكن كمان خلطة ثانية لتقشير الجسم اثناء الحمام و استفدتها من منتدانا العزيز على قلبي بس انا غيرت فيها شوي لأنه في منتجات مو موجوده بفلسطين انا استبدلتها بأشياء موجوده عند الكل و هي: خلط القهوة مع نشا مع شوية ملح و شوية سكر و أي كريم للجسم(انا استخدمت كريم فازلين غير المعطر) و شوية فازلين عادي و زيت لوز و زيت زيتون و عصير لمونه .. (النسب مو ضرورية....حطي المواد حسب احساسكhttps://3andlib.xplainer.net/images/...6-9ndhrgbt.gif)
بعد ما انظف جسمي بالصابون ...ادعك جسمي بهالخليط لمده 5 دقائق و اخليه كمان 5 دقائق عشان الترطيب يتغلغل في الجلد..و بعد هيك اشطفع بالماء باستخدام اسفنجه عاديه..و لو تشوفي النعومة و الترطيب من اول مرة..و بعد ما انشف جسمي بدهنه بكريم فازلين البني اللي مع زبدة الكاكاو هذا حاليا في الصيف عشان ينعش الجسم و يخفف الحرارة
أما في الشتاء فكنت ادهن جسمي بزيت الجسم أو ممكن زيت الاطفال أو أي زيت ما بعد الاستحمام..علشان يدفي الجسم و يرطبه بذات الوقت.
الأمر الثاني اللي بدي اخبركم عنه هو الزوان و الرؤوس السوداء اللي على الانف.................... شايفين هاي النقاط .............. لسا والله ارحم من اللي كانت على انفي....
و ظليت اجرب في لصقات الانف الطبية ...و مره اعصرهم و مرة اجرب البيض مع المحارم ...و جربت كثييييير خبصات لكن في النهاية الله اهداني على حل جذري...و صار انفي مثل انف الاطفال...
و هو بسيييييييييييييييييييييط جدا
انا بعمل تشويق .....بس ما رح ازهقكم...الحل سيداتي و سيداتي هو :
معجون الاسنان العادي مو الجل.. حطي منه على انفك لمدة 5 دقائق فقط لا غير و بعدين اغسليه بماء.... انا الزوان راح من اول مرة https://3andlib.xplainer.net/images/smilies/icon18.gif
طبعا اللي بشرتها حساسة تخلي بالها من بشرتها بلاش تتحسس .
و هيك بنكون وصلنا لنهاية الجزء الثاني و نلتقي في الجزء الثالث بإذن الله.
يتبع في الحلقة القادمة من ....
تجربتي مع الجمال(التغيير الشامل)
أنا رح استنا ردودكم علشان اشوف شو رأيكم في موضوعي و هل استفدتوا منه ..و لا تنسوني من الدعاء و لا تنسوا ان الملائكة رح تقول للي تدعيلي بالخير (و لك مثل ذلك)..
مع تحياتي أنا زهرة خريف القدس https://3andlib.xplainer.net/images/...6-yds6b3uo.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيييييييك العااااافية غااااليتي على اكمال الجزء الثاااااااااني تسلمممممممي
__________________________________________________ __________
