تجاربي مع الخلطات واشياء اخره بالصور للعناية بالبشرة

عنوان الموضوع : تجاربي مع الخلطات واشياء اخره بالصور للعناية بالبشرة
مقدم من طرف منتديات العندليب

تجاربي مع الخلطات واشياء اخره بالصور

السلام عليكم يا بنوتات حبيت انزل لكم تجاربي مع الخلطات و عنايتي بالبشرة و اشياء ثانيه

نبدأ بخلطة الليمون https://uploads.sedty.com/imagehostin...1348248954.jpg
و الشوفان
https://uploads.sedty.com/imagehostin...1348249082.jpg
يقولون انها تفتح البشرة انا جربتها و خليتها بعلبه قلت ثاني يوم بستخخدم جربت ما لاحظت شي قلت بجرب بعدين و لما اتسبحت مرة ثانيه مافي نتيجة((ملاحظة:- استخدمتها للركب)) و بعد مافي نتيجة للمرة الثالثه تقريباً و للمرة الرابعه توقعون شو صار؟؟..!! الشوفان عفن ((الله يكرمكم))فالعلبة تخيلو انا عقيت العلبة على طووول مافي نتيجه هاذي الخلطة يمكن تسألين:-انزين يعني مافي شي يفتح لون الركب؟؟
اقولج يا حبيبتي نعم في.. جربت اني اشيل ركبي بالحلاوة https://uploads.sedty.com/imagehostin...1348254158.jpg

الطريقة:- اغسلي الركبة الي تبدين فيها بالماي و الصابون و بعدينقسمي الحلاوة نصفين طبعاً هي كمية كبيرة و بعد قسمي قسمين و بتكون الكمية مثل حبة الزيتونه و فردي الحلاوة قدر المستطاع على ركبج اليمين او اليسار ما تفرق المهم تكون الركبة مغسولة و نظيفة و بعدين هي بتكون طبقة رقيقه و ابدي شيلي شوي شوي من تحت بسبابتج مب من ظفرج و لا اصابعج لا حبيبتي بسبابتج كأنج تلفين خبزة >>تشبيه ماله فايده خخخ<<و بعدين وصلتي النصف و شيلي بقوة يمكن تحسين بألم بسيط ليش لان شليتي الشعر و بعد الطبقة الجافة من الجلد و كملي الطريقه من الجوانب الي ما شليتي فيهم و بعدين ييبي عصير ليمون انتي عاصرته بس ليمون و بللي القطنة و مسحي على ركبج و بعد ما تنشف طبعاً بعد ما تشيلين الركبة الثانية و و تمسحين الليمونه عليها بتكون الركبة الي فاتت نشفت و بعدين حطي زيت زيتون اذا تبغين ليش الزيت الزيتون؟؟لان بتخلي ركبج ناعمة و بيقل نمو الشعر فيها يمكن الشعر هو يالي مخلي الركبه غامجة((غامقة))و جربي كم مرة و انشالله تلاحظين النتيجة انا جربت و حسيت كل مرة تصير افتح من قبل و كل ما اتسبح اييب ليفة مغربيه و اغسل ركبي ماي حار و افرك فيها
انزين
اللحين تفتيح الجسم حبيبتي لو بديتي بالسبوح بماي حار و مع صابونه لتفتيح البشرة بتلاحظين بشرتج تصير افتح و بعد تقدرين تدهنين لوشن تفتيح البشرة من فازلين او نيفيا
https://uploads.sedty.com/imagehostin...1348254493.jpg
https://uploads.sedty.com/imagehostin...1348254538.jpg

اللحين الريل ((الرجل)) مثلاً انتي تشتغلين و تلبسين جوارب اغسلي ريلج بماي دافي وصابون عادي
https://uploads.sedty.com/imagehostin...1348254747.jpg
و بعدين حطي فازلين
https://uploads.sedty.com/imagehostin...1348254821.jpg
او
https://uploads.sedty.com/imagehostin...1348254877.jpg
اي كريم مرطب
و البسي الجوارب و الحذاء((الله يكرمكم)) و بعد ما ترجعين من البيت افسخي الجوارب و غسلي بماي بارد او دافي و جوفي النعومه و تقدرين تستخدمينها قبل النوم

يتبع..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوووره عزيزتي
__________________________________________________ __________

>>>> الرد الثاني :

اللحين بمشكلة سواد الإبط
عندج حفلة او مثلاً حابة تلبسين كت((قميص بدون اكمام))
https://uploads.sedty.com/imagehosti...1348250647.jpg
و تحسين ابطج اسود
حبيبتي اهتمي بنظافته كيف؟؟ اولاً تغسلين ماي حار او دافي الي تقدرين تتحملينه و بعدين تفركينه بصابون ضد البكتريا عشان تتجنبين الروايح الي تطلع من ابطج لاسمح الله و بعدين اشطفيه و فنهاية الأستحمام اتغسلي بمااااي باااارد و تغسلينه فيه ابطج بماي بارد و بتحسين بأنتعاش و اهم شي حسب نوع الملطفات الي تستخدينها اذا فيها نسبة عطر وايد او كثيرة المهم يعني لدرجة لما تلبسين قميص ابيض بأكمام يصير مكان الأبط اصفر من كثر العطر لازم تغيرين النوع تاخذين النوع الجاف مثل هذا الموضح فالصورة
https://uploads.sedty.com/imagehostin...1348255427.jpg
انا استخدمته يقلل من نسبة العرق و لما البس قميص ابيض ما يصير اصفر و حتى لو لبست اسود او لون غامج مايصير ابي من تحت الإبط طبعاً و انشاالله و بإذن الله يصير ابطج افتح من قبل..
..
و يمكن تلاقين صعوبه فإزالة شعر الإبط لما تحلقين تحسين بسواد ليش؟؟لان ما شل الشعر من جذوره و يوم تلاحظين على ابطج في شعيرات صغيره تحاولين تشلين ما تقدرين انا جربت ولاحظت هالشي يعني اشيل مرات عالجاف اكون مغسله بماي و صابون و مرات احطة رغوة صابون او اي رغوة إزالة شعر
https://uploads.sedty.com/imagehostin...1348256164.jpg
و مرات و انا اتسبح على السريع اشيل انزين نروح للحلاوة جربتها و حسيت ابطي بيترهل يصير احمر من كثر الشد و احس بألم

انزين اللحين
https://uploads.sedty.com/imagehostin...55598.jpgشرائح الفيت الشمعية او اي نوع من شرائح الشمعية شليت احس بألم فظيييييييييييييع ما اقدر اكمل
https://uploads.sedty.com/imagehostin...1348255747.jpg
اما آلة براون او اي آله ثانية ابوي ياب لي اي نوع هاي اول مرة استعمل و جفت التعليمات كاتبين اني اشد بشرتي و الإيد الثانية اشيل >>استغربت كيف ما اقدر انا بستخدم حق الإبط بس قلت يولون بس بعد ما استخدمت و قريت التعليمات مرة ثانية بس بالتفصيل طلعت المكينة خاصة للسيقان خخخ بس عادي اول مرة و نجحت المهم حطيت معجون اسنان يعني دهنت إبطي و بعدين حسيت بإنتعاش قلت اغسل>>يمكن تستغربون ليش ؟؟لان قريت ان يخفف الام بعد ما تدهنين و تشلين الشعر من الجذور بأي شي<<و بعدين شليت حسيت بألم لابدايه آخذ نفس و اطلع كنت خايفه لان الآلة تدور بسرعة تخوف حتى يوم اختي شافتني اجرب اشغلها خافت قالت يمااا مابا <<لاني دوم اشيل لها بالفيت لو الآلة كيف تنتف الشعر تنتف<<المهم شليت حسيت بألم و كملت و انا الاحظ ان الآلة تشيل الشعر الصغير وااايد يعني تشيل من الجذور و كملت و خف الالم و كملت و كملت ما احس بشي و انا اشيل للحين ما خلصت و بعد ما خلصت الإبط الثاني جفت نفسي بالمريا و اتفاجأ تتوقعون شو...؟؟
حسيت ابطي صار ابيييض لإن هو فيه سواد بيط دايماً اشوفه بعد الحلاقة..وحسيت صار ناعم و مافي ولا شعر مو مصدقه
تقريباً مثل هالصورة
https://uploads.sedty.com/imagehostin...1348256232.jpg
wooooooooooooooow https://3andlib.xplainer.net/images/smilies/icon18.gif يا بنات انا جربت للمرة الاوله وجي و على السريع تقدرون بعد ما تخلصون تحطون ليمون او زيت الزيتون على الخفيف تدهنون عشان يعطي نعومه اكثر و بياض اكثر بعد
..
https://3andlib.xplainer.net/images/smilies/rose.gif
..

بباي https://3andlib.xplainer.net/images/...8-yds6b3uo.gif خلصت الموضوع اتمنى اني افدتكم و فهمتوني https://3andlib.xplainer.net/images/smilies/icon18.gif و اي استفسار انا جاهزة بس يمكن اتأخر عليكم بالردود لاني من فتره لفتره ادخل المنتدى و هذا اول موضوع لي مثل ما قلت لكم اففف تعبت و انا اكتب و انسخ و الصق بالاب https://3andlib.xplainer.net/images/...8-iky1wvl8.gif اجوفكم على خير https://3andlib.xplainer.net/images/.../ANSmile05.gif

https://3andlib.xplainer.net/images/...8-yds6b3uo.gif
__________________________________________________ __________

>>>> الرد الثالث :

اولا يعطيك العافية على كل النصائح الحلوة الي قدمتيها
ثانيا ..اذا عملتي خلطة لاتستعجلي النتيجة بعني بالخلطة الاولى الي فيها شوفان تقولين ثلاث مرات وماشفتي نتيجة
أكيد ماريح نتيجة ب3مرات لان الخلطة الطبيعية بطيئة نتايجها لانها لاتحتوي على مبيضات كيماوية فطبيعي تحتاج وقت ..وعلى فكرة خلكة الشوفان الي أعرفها هي شوفان وحليب سائل كامل الدسم وممكن تضيفي ملعقة ليمون

__________________________________________________ __________

>>>> الرد الرابع :

يعطيك العافيه يالغلا
__________________________________________________ __________

>>>> الرد الخامس :

المشاركة الأصلية كتبت بواسطة غصون 2021 https://3andlib.xplainer.net/sedty/buttons/viewpost.gif اولا يعطيك العافية على كل النصائح الحلوة الي قدمتيها ثانيا ..اذا عملتي خلطة لاتستعجلي النتيجة بعني بالخلطة الاولى الي فيها شوفان تقولين ثلاث مرات وماشفتي نتيجة أكيد ماريح نتيجة ب3مرات لان الخلطة الطبيعية بطيئة نتايجها لانها لاتحتوي على مبيضات كيماوية فطبيعي تحتاج وقت ..وعلى فكرة خلكة الشوفان الي أعرفها هي شوفان وحليب سائل كامل الدسم وممكن تضيفي ملعقة ليمون

مشكورة حبيبتي على المعلومه>>عاد انا دومي مافيني صبر كل شي ابيييه لازم يصير ههههههه عاد نفذ صبري و عقيت الخلطه بس الشوفان مع الحليب انا ما سمعت عنها بس الي اعرفه ليمون و شوفان