شيلي الجلد الميت المتراكم بيدينج \بلا حمام مغربي بلا تقشير لبشرة صحية

عنوان الموضوع : شيلي الجلد الميت المتراكم بيدينج \بلا حمام مغربي بلا تقشير لبشرة صحية
مقدم من طرف منتديات العندليب

شيلي الجلد الميت المتراكم بيدينج \بلا حمام مغربي بلا تقشير



شيلي الجلد الميت والسواد المتراكم بيدينج \ بلا حمام مغربي بلا تقشير



السلام عليكم و رحمة الله و بركاته



أولا قولوا
لا إلــه إلا اللـــــه


ثانيا قولوا
اللهم صلي على محمد



الله يسلمكم يا بنات هالطريقة أخذتها من النت
و جربتها على نفســـي و جيتكم أبشركم بالنتيجه


و صاحبتها قالت راح تشوفون الفرق بعد 5 مرات


لكن يشهد الله على كلامي إني شفت مفعولها من أووول مره


و بستمر عليها إن شاءالله مع كل استحمام..




الطريقة الله يسلمكم كالتالي :


بس أول شي أطمع بدعوة بظهر الغيب منكم ،
إن الله يجعلني سبب في سداد ديون والديّ
ويصلحني ويرزقني من حيث لا احتسب


تكفووون يا بنات
لعل دعوة وحدة منكم مُجابة ..


المهم الطريقة لا جيتي تاخذين الشاور المعتاد حقج


قبل لا تحطين أي شي على جسمج
و بدون لا تكونين حاطة خلطة أصلا ً


فتحي الماي على أدفـــى درجة
لكن مو شرط يصير حار أو يطلع بخار
و تختنقييين و حالتج حاله


لاااا عادي درجة الدفء اللي تتحملينها


و قعدي تحته دقايق بسيطه


و بعدها مسكي الليفه ( انا ليفتي السودا المغربية )


و تكونين معمقتها بماي حار مع نتفة ديتول الأخضر من قبل
عشان لا يكون فيها باكتيريا


جيبيها و غسليها بماي دافي
و مسحي فيها على جزء جزء من جسمج
مثلا ابدي بالزند
و فرّكي فيها من فووووق الزند لتحت بحررركه وحده
يعني على شكل خـــط من فوووق لتحت مو حركه دائريه
و عيدي نفس الحركة مرتين أو ثلاث
بعدها الذرعان بعدها البطن و الفخد و السيقان
و رجعي عيديها خفيييف على الركب و الأكواع
لحد ما تخلصين كلللل جسمج
و انتي تفركين طبعا راح تشوفين بعيونج خيوووط الجلد الميت والبلاوي المتلتله تنزل مع الليفه
وبتتشجعين وتخلصين جسمج كله
و ترجعين مره ثانيه من الحماس تسوينها بإذن الله
و لا خلصتي رجعي غسلي جسمج بماي دافي
و كملي خطوات سبوحج العادي
أنا بعدها حطيت سنفرتي و فركت بيديني مو بالليفه
و عقبها غسلت بالصابون ثم الشاور جل
و يوم طلعت رطبت جسمي .
ملاااااحظه \
انتبهوا يا حبيباتي الضغط لازم يكون خفيف لا تزيدون بالضغط عشان ما تتجرح البشرة و تزيدون الطين بلّه ،
أنا عن نفسي جرّحت طرف ركبتي من زود الطفاقة
إن شاءالله تجربونها و تبشروننا بالنتايج
منقوله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ميرسى ليكى يا جميل
__________________________________________________ __________

>>>> الرد الثاني :

الله يعينك على تسديد الديون ويوفقك ..

الله يرزقك من حيث لاتحتسبين..ويسعدك في الدارين

اللهم امين


جزاك الله خير
__________________________________________________ __________

>>>> الرد الثالث :

وياكي ياجوالي
فتحي نفسي اجيب مواضيع جديده يالغاليه وممكن تسرين صديقتي
__________________________________________________ __________

>>>> الرد الرابع :

يسلمووو على طرح تجربتك
__________________________________________________ __________

>>>> الرد الخامس :

بااااارك الله فيييك _
_
اسال الله ان يرزقك اللي في بااالك_
آآآمين