خلطة الجسوليد وفيتامين سي لصحة بشرتك
عنوان الموضوع : خلطة الجسوليد وفيتامين سي لصحة بشرتك
مقدم من طرف منتديات العندليب
خلطة الجسوليد وفيتامين سي
السلام عليكم ورحمة الله وبركاته**
كيفكم يااحلى بنات
اليوم بكتب تجربتي مع خلطة الجلسوليد وفيتامين سي
انا ادري ان الاغلبيه يعرفونها ويمكن جربوها**
بس حبيت انقل لكم تجربتي معاها مع بعض المصداقيه
اول شي هذي صورة الخلطه وحجم علبة الجلسوليد 250 مل
قرصين فيتامين سي
3 ليمونات
فنجان زيت لوز مر
ذوبت الفيتامين سي مع 3 ليمونات بكاس كبير لأنه ماشاء الله يفور بالليمون اكثر من المويه
او شي تخلطين الجلسوليد والزيت كويس وبعد كذا تصبين الليمون المذاب فيه فيتامين سي
وهذي الخلطه بعد خلط جميع المكونات
احفظيها بالثلاجه عشان ماتخرب انا خليتها بالثلاجه تقريبا 4 ايام وبعد كذا اخذت شوي وحطيته بعلبه صغيره وعالتسريحه عشان مايصير بارد لين جيت احطه والباقي رجعته بالثلاجه
رأيي الشخصي فيها
اممممممم بإختصار وبكل وضوح في ناس عطوها اكfر من حجمها صح هي تبيض بس انا اشوفها ماتبيض ذاك البياض اللي تكلموا فيه بعض الاخوات ويقولون انها تبيض من اسبوع لالالا
هي اوكي تبيض بس اول شي تسويه تصفي وتنعم وتفتح بس مو البياض اللي في بالكم
إن شاء الله مع الإستمرار بتوصلكم لنتائج مرضيه
وثاني شي هي الصراحه تدبق بالجسم في ناس قالوا ماتدبق وانا اقول لكم تدبق اصلا شي طبيعي ومعروف ان الجلسوليد حالي واكيد بيلصق فكيف لو معاه ليمون عاد الليمون ابو الدبق هههههههههههه
وكمان الخلطه مو حقت اسبوع وشي انا ماشاء الله استخدمها من اسبوعين ويوميا والى الحين باقي فيها وبكمل عليها لما اوصل للنتيجه المطلوبه حتى لما تخلص بسويه وبستمر عليها كم شهر هذا اذا ماطحت بخلطه احسن منها**
اممممممم وش بعد ايوا في ناس يحطونها ولما يصحون يتروشون وانا بحكم الشتاء والبرد مااتروش يوميا اتروش يوم ورى يوم وبرضو احطها يوميا
ولما اتروش اسوي صنفره بملح الحليب واستخدم صابونه تبيِيض بالزنجبيل والعسل ( اختي جابتها من بانكوك) بس الحين خلصت وبشتري بابايا او اي صابون يبيض**
وبرضو ملح الحليب خلص فصرت استخدم بداله ملح ناعم حق الأكل على بال مااشتري**
وبس هذي تجربتي واتمنى تستفيدون منها
واي شي يبيض يبيله صبر واي احد يقول يخليك لمبه من البياض بإسبوع اقول هذا الكلام مو صحيح ولازم تستمرين من شهرين الى اكثر عشان تكافحين تصبغات البشره**
بس انا مااقول لكم لاتستخدمونها وماتبيض بالعكس حلوه ومثل ماقلتلكم تصفي وتنعم وتفتح بس ماتبيض مثل ماقلتلكم البياض اللي في بالكم من اسبوع او اسبوعين لازم الإستمرار فالشي ومعروف اصعب خلطات من ناحية النتائج خلطات الشعر والبشره ويبيلهم صبر ثم صبر ثم صبر
في أمان الله وحفظه ورعايته (منقول)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكورة على الصراحة ويعطيك العافية على تجربتك وموفقة ان شاء الله
__________________________________________________ __________
>>>> الرد الثاني :
تسلمين حبيبتي والله يعطيكي العافيه لطرحك الرائع
ننتظر الجديد من مواضيعك الرائعه
__________________________________________________ __________
>>>> الرد الثالث :
الخلطه هذي روعه
__________________________________________________ __________
>>>> الرد الرابع :
اناجربتهاتصفي اول شي مع نعومه مع تفتيح درجتين بس الحمدلله اهم شي الصفاء عندي موالبياض وبصراحه حلوه
__________________________________________________ __________
>>>> الرد الخامس :
عطرتوا صفحتي بمروركن ...جزاكم الله خير
