خلطتي للبياض ونضارة البشرة وشد الجسم لصحة بشرتك
عنوان الموضوع : خلطتي للبياض ونضارة البشرة وشد الجسم لصحة بشرتك
مقدم من طرف منتديات العندليب
خلطتي للبياض ونضارة البشرة وشد الجسم
بسم الله الرحمن الرحيم
السلام عليكم ورحمة الله وبركاته
كثير ماقريت خلطات حتى فكرت وقلت بسوي لي خلطه
وجمعت في بالي وش الخلطه اللي ممكن نطلع فيها بنتيجة مرضيه بأكبر قدر ممكن
وخصوصا المناطق الغامقة بالجسم اللي تخرب الجسم
أكيد الكل يتمنى انها تختفي أو على الأقل تخف
والكل يتمنى يجرب خلطه تنعم وبنفس الوقت ماتجفف الجسم
المهم باقول لك وش تاخذون من الصيدلية وباقول لكم الطريقة
روحي الصيدلية وأخذي
-صابونة البابايا 1×3
-صابونة بزيت اللوز من منتجات وادي النحل
وإذا مالقيتوها أي صابونة تكون باللوز
- صابونة دوف الخضراء
- زيت جلسرين سائل
ومن غير الصيدلية أخذي
- ماء ورد
- خل تفاح
- ليمون عادي علشان بتعصرينه
المهم نجي للخلطة
جيبي علبه تتسكر كويس
مثلا علبه حمام زيت فاضيه
أو حافظة للأكل
أبشري صابونه البابايا واللوز
وحطي عليهم
كاس ماء ورد
كاس عصير ليمون
وسكري العلبة وبعد مرور 24 ساعة
أفتحيها وحطي عليه الجلسرين كامل العلبة
وثلاث أرباع الكاس من خل التفاح
واخلطيهم كويس وسكري العلبة
وخليهم 24 ساعة بعد
وبعد كذا استخدميها على كامل جسمك إلا وجهك
وأتركيها مده ساعتين على جسمك
وبعدها غسلية بالمويه ولما تروح
أغسلي وجهك وجسمك بصابونه دوف الخضراء
وبتلاحظي كل مازاد يوم الخليط راح يتماسك أكثر
وهالشيء عادي حتى لو صار مثل قطعه جل
أخذي كمية وأفكريها على جسمك حتى ممكن بتحسيها مثل الماسك على الجسم
استخدميها يومياً في الأسبوع الأول
والأسبوع الثاني يوم ويوم
وبتلاحظي الأماكن الداكنه صارت فاتحه
والجسم مشدود أكثر وتحسي فيه نضارة
وأنا من أسبوعين للحين استخدم هالخلطه
والله فتحت الأماكن الداكنه بشكل واضح
وجسمي من كثر مافتح الشعر النابت واضح مره
أول مااستخدمتها كنت أوزعها على جسمي بقطنه
والحين تجمد الخليط وصرت أخذ كل شوي كمية وأفكرها بيدي بجسمي
وحسيته مثل الماسك على جسمي ويوم عن يوم البياض يزداد
بقول لكم فائدة كل شيء ذكرته من مكونات
صابونه البابايا ( للبياض)
صابونه بزيت اللوز ( لنضارة البشرة )
الليمون ( للبياض )
الجلسرين ( للبياض والأماكن الداكنه والبقع)
صابونه دوف ( للترطيب والنعومه )
خل التفاح ( لشد الجسم )
ومابي غير دعواتكم واللي تجربها تقول لي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خلطه هايله
مشكوره حبيبتى
__________________________________________________ __________
>>>> الرد الثاني :
يسلمووووووووووووو
__________________________________________________ __________
>>>> الرد الثالث :
مشكوره بس السمار احلىىىىىىىىىىىىىىىىىىىىىى
__________________________________________________ __________
>>>> الرد الرابع :
يسلموووووووووووووووووووووووو عالنصيحة
__________________________________________________ __________
>>>> الرد الخامس :
يسلموووووووو
