وصفه بمسحوق الشاي الاخضر لبشرة صحية
عنوان الموضوع : وصفه بمسحوق الشاي الاخضر لبشرة صحية
مقدم من طرف منتديات العندليب
وصفه بمسحوق الشاي الاخضر
أنا من محبي الشاي الاخضر بس أحبه كمشروب بارد، وأستخدم نوع جاهز عبارة عن مسحوق ويحتوي على سكر، و مرات أسوي منه وصفات لطبق حلو مثل التشيز كيك أو التيراميسو ويطلع لذييييذ، اليوم المسا بسوي طبق تشيز كيك بالشاي الاخضر وبخليه حق باجر
لكن آخر مرة سرت السوق اشتريت مسحوق شاي أخضر الماتشا، وهذا له مفعول أقوى بكثييير من الشاي الاخضر العادي، لنه يحتوي على أضعافه من مضادات الاكسدة والفيتامينات وغيرها من الفوائد، هو طعمه أقوى عن الشاي الاخضر العادي ويعتبر مشروب تقليدي في اليابان ويقدم هناك بطريقة معينة.
النوع اللي عندي نفس اللي بالصورة، متوفر في الكارفور في قسم الأطعمة الآسيوية، فيه نوع ثاني مضاف له سكر يتسوى منه مشروب بارد، حاولي انج تنتبهين لهاي النقطة، المطلوب هو النوع اللي خالي تماما من السكر.
طريقة استخدامه سهلة جداً، بعد استخدام ماسك الاسبرين للتقشير والموجود على هذا الرابط
قناع الاسبرين المقشر.. لبشرة ناعمة كبشرة الأطفال
اغسلي ويهج ونظفيه من مقشر الاسبرين، اخلطي ملعقة صغيرة من مسحوق الشاي الاخضر مع ملعقة كبيرة من الروب " الروب مرطب طبيعي للبشرة ومضاد للجراثيم والفطريات" ونص ملعقة عسل " طبيعي" والعسل معرووف بفوايده، ووزعيه على ويهج لعشر دقايق، بعدين غسلي ويج وبتلاحظين نعووومة وانتعااش غير طبيعيين.
طريقة ثانية لاستخدامه: ممكن انج تستخدمين الشاي الاخضر مع قليل جدا من الماء المقطر أو المعدني بدون اضافات ثانية ونفس النتيجة.
اختي قبل شوي اتقول لي بشرتج صافية واتلق، قلت لها حطيت قناع الشاي الاخضر
تقدرين اتسوين مشروب من الماتشا وتشربينه عشان جسمج يستفيد من الداخل ومن الخارج.
حطي ملعقة صغيرة منه في كوب وضيفي عليه ماء ساخن وشوية سكر حسب الرغبة وحركيه بسلك خشبي خاص فيه أو خفاقة كهربئية صغيرة لن الماتشا أساسها الرغوة.
هو طعمه قوي جدا ويمكن ما اتحبينه بس فوائده خطيييرة، نعومة واشراق ونضارة ومضاد للشيخوخة مع مداومة الاستمرار، وشرب كميات كبيرة من الماء.
استخدميه مرة إلى مرتين بالاسبوع
منقول اعدو ليه بالسعاده
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوووووورة
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
