افضل 10 ماسكات لتبييض البشره والجسم لتعتني ببشرتك

عنوان الموضوع : افضل 10 ماسكات لتبييض البشره والجسم لتعتني ببشرتك
مقدم من طرف منتديات العندليب

افضل 10 ماسكات لتبييض البشره والجسم



طبعا كلنا نفسنا بشرتنا تبيض وتنعم وبطريقة طبيعية وزى ما قلت ياريت التقشير كل اسبوع او عشرة ايام علشان البشرة تستفاد بالماسك ومعلش ماسكات التبيض بتاخد وقت علشان تجيب نتيجة لان كل الطبيعى كدة وبتفضل البشرة جميلة مش زى الكريمات اللى مفعولها بيروح بعد ما نسيبها


اول ماسك :
معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد

الماسك الثانى
برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الافى ثم البارد

الماسك الثالت
دة تحفة يا جماعة نصف علبة زبادى بايت وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة

الماسك الرابع
2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة

الماسك الخامس
1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة

الماسك السادس
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

الماسك السابع
معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

الماسك الثامن
معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة

الماسك التاسع
خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة

الماسك العاشر
3ملاعق لوز مطحون نجيب اللوز وننقعة لغاية ماالقشرة تتحاش ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة ياسلام على الماسك دة تحفة تحفة تحفة بيستخدمة اجمل نجوم السينما الامريكية

للامانه......منقوليييييييييييييييين





نصيحتي لكم.. الماسك السابع بيجنن

طبيعيه كل مره بتختلف من بنت لاخرى وكل الخلطات دي مفيده جداااا وبتظهر نتائج مضمونه بس نصيحتي يابنااااااات اللي تختار خلطه تداوم عليها مو كل يوم خلطه شكل اذا داومتي على خلطه واحده شهر بانتظام مما لاشك فيه بتظهر مفعولها الكامل في شهر وقبل الشهر ما يمر كمان بيظهر المفعول لكن اهم شئ الانتظام على خلطه واحده

https://3andlib.xplainer.net/images/...6-dbttwedi.gifوبالتوفـــــــــيق https://3andlib.xplainer.net/images/...6-dbttwedi.gif

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

دة تحفة يا جماعة نصف علبة زبادى بايت وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة

طيب حياتو ايش فوائد الاسبرين للبشرة
دمتي بود
__________________________________________________ __________

>>>> الرد الثاني :

حبيبتي له فوائد لا تعد ولا تحصى

شوفي

المكون الفعال في الأسبرين شبيه في تركيبه ال salicylic acid الذي يساعد في تقشير الوجه
أى يعالج البقع ويوحد لون البشرة ويعالج مشاكلها لاحتواء الأسبرين على أحماض
beta-hydroxy التى تساعد على التقشير وتنقية المسام.

سواء استعملتيه كمقشر أم كماسك سريع في خمس دقائق، ففي الحالتين سترين وجه وبشرة متلألأة مع انتفاخ ومظاهر تعب أقل.
ماسك الاسبرين وحده هذا القناع منعم للبشرة، يحارب حب الشباب، رخيص ، سهل التحضير وفعال

ومعروف ماسك العسل بالاسبرين والنعومه الرهييييبه اللي بيسببها

يارب اكون افدتك وجربي والتجربه خير دليييل والله معك

بالتوفيق حبيبتي :)

__________________________________________________ __________

>>>> الرد الثالث :

مشكورة حياتي يعني لازم علي خلطة و حدة ...؟
مشكورة
__________________________________________________ __________

>>>> الرد الرابع :

تسلمى حبيبتى عى موضوعك الرائع

وبشوق لجديدك
__________________________________________________ __________

>>>> الرد الخامس :

انا كتبتهم كلهم شكرا