العنايه بعد الدوره الشهريه ,خلونا نفيد بعض لصحة بشرتك

عنوان الموضوع : العنايه بعد الدوره الشهريه ,خلونا نفيد بعض لصحة بشرتك
مقدم من طرف منتديات العندليب

العنايه بعد الدوره الشهريه ,خلونا نفيد بعض



&السلام عليكم ورحمه الله وبركاته&

ماراح اطول عليكم خلونا نفيد بعض بعنايتنا
بعد الدوره الشهريه
فيه مواضيع العنايه وقت الدوره حلوه واستفدت
منها كثير
بس مافي موضوع للعنايه بعد الدوره



انا راح ابدا

*شعري
*بشرتي
*جسمي
*المناطق الحساسه
*يديني
*الاقدام

*شعري *
قبل مادخل الحمام ابللهمويه احط عليه اي زيت انا دايم احط زيت زيتون واغطيه بطاقيه بلاستيكـ

ولما اتسبح اسبحهه بشامبو وبلسم
*اذا بتحطي بلسم لا تستشورين شعرك عشان مايعدمه *
وامشطه ع فوق وامسكه بشباصه واخليه
اخر شي اغسله

* بشرتي*
من اول يوم في الدوره استخدم خلطه
خطيررره ومكونات بسيييطه وهي
,ملعقه نشاء
,ملعقه حليب بودره
واعجنها بماي ورد
تفتح وتخلي البشره ررراويه حيييل
معتمده عندي في كل الاوقات


*جسمي *
خامس يوم لما تبدا توقف الدوره
اخذ غرشه مويه صغيره
واعبي نصها مويه واحط ملعقتين كبيره سكر
وملعقه خميره فوريه وارجها زييين
ولما اجي اشيل الشعر احطها عكس مسار الشعر
واخليها تجف وابد افرد بالحلاوه واشيل كل جسمي الي اقدر اوصله اشيله
وع طول احط زيت زيتون ع كل جسمي
هذي الطريقه لمده خمس ايام بعد ماتشيلين الشعر
راح يخف مع الاستمرار

وفي خطه قبل الاستحمام خطيرررره اخذتها من المنتدى هذا
وهي
جليسوليد
وملح اليوكو
ادهن جسمي كللله بالجليسوليد
واخليه 2او 3 ساعات ع حسب
ولما اجي اتسبح ابلل جسمي كامل بعدين
ابدا احط بيدي ملح اليوكو وافرك من تحت لفوق
بحركه دائريه

وبعدين اتسبح بسائل استحمام ديتول لتعقيم
وبعده سائل استحمام ليل بالمسك عشان ريحته الحلوه
* المناطق الحساسهـ*
اشيلها بالحلاوه ادري تضر ع المدى البعيد
بس مافي شي ينظف قدها
وتخفف الشعر وتخليه ناعم
مو زي المووس من ثاني يوم يبدا يطلع الشعر
وغير انه يسمررر ويجيب حساسيه
واستخدم مسك الطهاره من عبد الصمد القرشي
وغسول

*معلومه من الدكتوره حقتي استخدام الغسول
ايام الدوره يضر بس ماسالتها ليه *

افضل غسول عندي سيباميد بالورد خطيررره ريحته



*يديني *
دايم تكون ضعييييفه بعد الدوره لاني كل يوم بلون
كل الي اسويه احط يديني بماي دافي لمده15دقيقه مخلوط معه خل ابيض
وافركيدي كلها مع اظافري بليمون وشوي سكر
لنعومه بعدين ارطبها بفازلين مسحه بسيييطه
راح يعطيها لمعه خياااااليه


*الاقدام*
انقعها بماي واملاح معدنيه
واخليها تطول يعني 30ساعه
وافركها بالحجر الطبي وليمون
واقصص اظافري
وارجع افرك اظافر بالليمون
واسوي لها مساج
وارش عليها بودره راح تكووون ناااااعمه حييييل






** الافضل **
وقت الدوره للمتزوجات
لبس بناطيل وبجايم وقت النوم
وبعد الدوره
تنانير قصيره وقمصان قصيره وقت النوم


والحين منتظرتكم خلونا نفيد بعض
في العنايه بعد الدروه


في انتظاركم


منقوووول لعيونكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعطيكي العافيه يارب

وتسلمين على الموضوع الروعه

جد موضوع مهم

ودي~

__________________________________________________ __________

>>>> الرد الثاني :

حاجات حلوه وبسيطه

يسلمووو
__________________________________________________ __________

>>>> الرد الثالث :

مشاء الله عليكي كل شئ قولتي الله يسعدك دوووم يارب
__________________________________________________ __________

>>>> الرد الرابع :

تسلمين ع المرور العطر
ويسلمكـ ربي ويسعدكم
__________________________________________________ __________

>>>> الرد الخامس :

ثانكس ياقلبوو