((الاستحمام الكبير لعشاق النظافه والبياااااااض)) لصحة بشرتك

عنوان الموضوع : ((الاستحمام الكبير لعشاق النظافه والبياااااااض)) لصحة بشرتك
مقدم من طرف منتديات العندليب

((الاستحمام الكبير لعشاق النظافه والبياااااااض))



مرحبااااا بنات شلونكم؟؟https://3andlib.xplainer.net/images/...6-yds6b3uo.gif

اليوم جايبه لكم موووضووع كبيرر وحلووو وبصراحه انا جربت هالخطوات على نفسي ولكيت نتيجه حللللللوة فحبيت انقلها لكم واتمنالكم الاستفادة وهاي لكيتها من منتدى وراسا نقلتها الكم وطبعا صاحبه الموضوع معروووفه من قبل كثير بنات بالكويت فاستفيدو منها:

اول شي غسلي شعرج عادي ولفيه

المرحلة الاولى (صابونة الغار والليفه الطبيعية ( للنظافة العميييقه))

اخذي صابونة الغار تلاقونها بالجمعيات + الليفه الطبيعيه اللي بالحواي ( العطار)

ونقعيها في طشت صغير وماي حار ورغي الصابونه بالليفه وماي دافي فركي جسمج كله عدل مدل تفريك حلو ومحترم بس عاد مو تسحكينه تسحك في فرق بين التسحك والتفرك التفرك يكون الماي دااافي والصابون وااايد والتسحك الماي بارد والصابون مايرغي عرفتوا قصدي

بنات ترا هالطريقة تستاهل موضوع كااامل فيها لانها تنظف بشكل ووواااايد حلو

==================================

المرحلة الثانية
صابونة البابايا( للتبييض والتقشير)
اخذي صابونه البابايا وفركي فيها جسمج كله مع الوجه لحد ماتتكون رغوة ناشفه بيضه تصير مثل الطبقه البيضه
جنها كريم ناشف وخليها جم دقيقه على بشرتج يعني 3 او 4 دقايق وبعدين غسلي جسمج

وطبعاً صابونة البابايا ما تخفى عليكم تبييض ملحوووظ للجسم والوجه
=================================

المرحلة الثالثة
سنفرة المشمش( نظااافة وتقشير وازالة الجلد الميت)
بعد ما تغلسين جسمج من البابايا وجسمج رطب مسحي جسمج بسرعه باييدج من الماي بس بايدج وبعدين فركي سنفرة المشمش على جسمج كااامل و خليها دقيقه وبعدين ييبي الليفه المغربية السودة وخصصيها للسنفره بس وفركي فيها جسمج واهو عليه السنفره فركيه بالليفه
وبعدين غسلي جسمج

هالطريقة عجيبه تحسين بنظافه ما حصلتشي وتحسين الجلد نظيييف
=================================

المرحلة الرابعة
سنفرة العروسة ( تبيــــــض)

والحين بعد ما خلصنا من سنفرة المشمش اخذي الفوطه ونشفي جسمج عالسريع يعني موتنشيف كامل عالخفيف وحطي كريم العروسه على جسمج كااامل وخليه من 4 الى 5 دقايق وبعدين غسليه

وشوفي البيااض
================================

المرحلة الخامسة
الصابون المغربي (تبييض ونظافه)
والحين اخذي الصابون المغربي ومسحي فيه جسمج كله ودلكيه عالجسم عالخفيف وخليه دقايق وغسليه ( وهالطريقه مو حمام مغربي لا بس صابون مغربي بدون ليفه وتفريك )

طبعا يبيض وينظف عدل
================================

المرحلة السادسه ( مومهمه الا للمتزوجات )
شور جل عالسريع يعني على الصدر والرقبه والايدين لان بعضهم ما يحبون تبقى فيهم ريحة أي صابون غير الصابون المعطر واستخدمي نوع خفيف مثل اللي للطفال انا شخصيا احاول اني ما استخدم هالمرحله لاني بتعطر بعدين



والحين نيي لمرحلة التنشيف والنعومه واللبس والتعطير

نشفي جسمج عدل مدل وحطي مسك العروس في اماكن النبض عندج مثل ورا الاذن على الرسغ وعالرقبه اشويه خفيف لانج توج متفركه وما تحتاجين عطور وايد والجلد نظيييف وخفيف وعطي ديودرنت وبسسسس

وبعدين اخذي كريم جولسليد او اتركس او جلسرين ودهني فيه ركبج وكوعج والارداف والايدين والريول وابتعدي عن كريمات اللي تكون معطره

ولبسي هدومج وعطريهم وتبخري ومشطي شعرج وبخريه

الااااااااااااااااااه

شوفي اشلون النظافه والنعومه

انا شخصياً احسن اني خفيفه ونظيفه وهدومي تتزحلق على من النظافه والنعومه


انا ما ابي اقولكم جم مره اسوي هالخطوات بالاسبوع اخاف تقولون مزيونه وشقره ما تطلع من الحمام خخخخخخخخخ او فيها هوووس نظافه مو طبيعي خلوني ساتره على نفسي احسن

انتوا سووها مره بالأسبوع عالاقل ولاتقولين لا مالي خلق ويبيلها طولة بال ووقت والا برد بالعكس سويها مره وحده وغصبي نفسج مره ثانيه بتلاقين الاستحمام ممتع وناسه وما تقدرين تستغنين عن هالطريقه


انطر رايكم وتجاربكم وردودكم

وما أبي غير دعواتكم لي ولعيالي

مع تحياتي يا حياتي
(مزيونه وشقرة)
================================

الموضوع منقووووووووووول وللافادة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مافي ولارد شوووووووو القصه؟؟ترى موضوع حلوووووووو..رح ازعل
__________________________________________________ __________

>>>> الرد الثاني :

مومشكله ياعضوات رح اخلي الزوار بيستفيدوو اكثر لان نسبه المشاهدااات الهم اكثر منكم
__________________________________________________ __________

>>>> الرد الثالث :

موضوع راااائع تسلم اناملك غاليتي
في انتظار جديدك
__________________________________________________ __________

>>>> الرد الرابع :

مشكورة على مرورج الطيب
__________________________________________________ __________

>>>> الرد الخامس :

يعطيك الف عافيه