غسول طبيعى ..جربيه وهتدعيلى لتعتني ببشرتك
عنوان الموضوع : غسول طبيعى ..جربيه وهتدعيلى لتعتني ببشرتك
مقدم من طرف منتديات العندليب
غسول طبيعى ..جربيه وهتدعيلى
السلام عليكم ورحمه الله وبركاته
قبل اي حاجه نصلي علي النبي صل الله عليه وسلم
شيفاكي ياللي مش رديتي السلام ولا صليتي ع النبي
ندخل فالموضوع علي طول زي ما كتبه بالعنوان كده اعملي غسول للوجه من غير فلوس
وعن تجربه والله يا بنات
وانا قرات قبل كده ان تقريبا الصين او اليابان الناس اللي شبه بعض دي بشتهم صافيه لان من استخدامتهم ماء الارز
وماما شافت برنامج قبل كده المذيعه بتسال اي سبب ان ايد وحده معيده السبعين ايدها مشدوده وبيضه جدا قالوا لانها بتستخدم ميه الارز
وقبل كده كمان انا استعملت الرز نفسه كماسك غليته لحد ما بقي طري وحطيته علي وشي كنت حسه اني وشي محبب وكان شكلي عجيب بس بيضلي وشي جدا المهم قررت اني اعمل غسول طبيعي بقي
رحت جيبه كبشه رز بايدي كده وحطيت ميه الكميه اللي انتي تحسي انها مناسبه ليكي وسبتها تغلي لحد ما لقيت الميه بقيت بيضه او اوف وايت وقفلت عليها وبعدين سبتها وغطتها قد ربع ساعه لحد ما بردت وجبت المصفاه وحطيت تحتها حاجه عشان الميه وبعدين قعد اعصر فالارز عشان الخلاصه تنزل منه وبس كده وفضلت بقي ادور علي حاجه احطه فيها مش لاقيه دخلت لقيت في دولاب اخويا ازازه بيرفيوم فاضيه خدها السرقه تجوز فالحالات دي علي فكره المهم غسلتها اوي وحطيته فيها وبقيت كل يوم ارش علي وشي بمناسبه ومن غير مناسبه اهو غلاسه كده وكل شويه اروح لماما اقولها غمضي عينكي يا ماما وفش فش فش علي وشها وهي يا عيني مستسلمه
المهم رغيت كتير جربوها يا بنات ومش هتندموا والله
وعلي فكره انا عملت سيرش كمان عن ميه الرز ولقيت ان ليها فايده للشعر بس للأمانه مش جربتها لو جربتها هقولكم ان شاء الله
امنقوول منقوول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يعطيكي الف عافية
__________________________________________________ __________
>>>> الرد الثاني :
تسلمي اكيد رح جربها
مبين عليها خلطة سحريةhttps://3andlib.xplainer.net/images/...tag[1].gif
شكرا لك حبيبتيhttps://3andlib.xplainer.net/images/...8-yds6b3uo.gif
__________________________________________________ __________
>>>> الرد الثالث :
تسلموا
نورتونى
__________________________________________________ __________
>>>> الرد الرابع :
يسلمو على الوصفه الرائعه
__________________________________________________ __________
>>>> الرد الخامس :
شكرا" لكم اسعدتونى
