اليكي عزيزتي خلطة صحراوية رائعة و فعالة لتبييض الجسم و الوجه و المنطقة الحساسة
المقادير :
نص لتر حليب
صابونة دوف البيضاء
الغاسول الابيض
نصف قنينة صغيرة لماء الورد
طريقة التحضير :
طريقة تحضير الخلطة الصحراوية الرائعة لتبييض الجسم و الوجه و المنطقة الحساسة
كتفيضي الحليب بوحدو وتحيديه من فوق العافية وكتزيدي عليه الصابونة من بعد ما حكيتيها في الحكاكة وكتخلطي مزيان حتى ذوب ثم كضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو او تخلطي غير بالملعقة
من بعد ملي يبرد كديريه في شي بواطة كتسدي عليه وكديريه في الثلاجة
غادي تلاحظي انه كيبان سائل ولكن النهار التالي غادي تلاحظيه ولا بحال الكريم
طريقة استعمال الخلطة الصحراوية للجسم و المنطقة الحساسة
غادي نستعملو تقريبا الكمية لي ممكن نحتاجو من الخليط ونرجعو البواطة مباشرة للثلاجة باش تبقا عندنا مدة طويلة وما تخسرش
كندهنو بيه الجسم كلو
وكتخليوه مدة 3سوايع على الاقل و من الاحسن و الافضل ديروه بالليل ومع الصباح دوشو
كتديري الوصفة يوميا على الاقل واحد الاسبوع متابع ومن بعد وقتما رشقت ليك كتديريه اما 2 او 3مرات في الاسبوع لانه كيبقا عندك بزاف الخليط
طريقة استعمال الخلطة الصحراوية للوجه
كتعملي الوصفة وكتخليها حتى تنشف وكتغسلي وجهك
اذا كان وجهك جاف استعملي موراها الكريم المرطب الخاص بك
استعملي الوصفة على وجهك 2 حتى 3 مرات بالاسبوع
نتمنى تجربوها وغادي تلاحضو الفرق و خصوصا للعريسات اللي كيقلبو على التألق
