منقول(الفرق بين الغسول والمقشر والتونر)اتفضلى لبشرة فاتحة
عنوان الموضوع : منقول(الفرق بين الغسول والمقشر والتونر)اتفضلى لبشرة فاتحة
مقدم من طرف منتديات العندليب
منقول(الفرق بين الغسول والمقشر والتونر)اتفضلى
السلام عليكم وحشتونى حبيباتى
فى بنات مش عارفة ايه الفرق بين الغسول والمقشر والتونر ؟؟؟؟؟؟؟؟؟؟
الفرق بين الغسول والمقشر والتونر هو
الغسول :
بيحتوى على رغوة تساعد على تنظيف البشرة بعمق
وبيستخدم يوميا
المقشر :
بيحتوى على مجموعة من الحبيبات التى تساعد على سنفرة الجلد و ازالة الجلد الميت والتنعيم
يستخدم من مرة الى مرتين فالاسبوع
التونر:
هو قابض للمسام اى بيقفل المسام
لازم تقفلى مسام بشرتك بعد ما فتحتيها بفعل المية السخنه سواء بعد الشاور بتاعك او بعد حمام البخار لتنظيف البشرة
ليه بنقفل المسام ؟
عشان مسام البشرة وهى مفتوحة لو سبتيها بيدخل فيها التراب الموجود فالجو وبيقفل المسام فبتالى حيكون ليكى رؤؤس وبثور سودة
واحنا مش عايزين كده اهم حاجة تقفلى مسام بشرتك
قفل مسام البشرة بعد الشاور بتاعك بالمية السخنه او عمل حمام بخار لتنظيف البشرة
امثلة لمكونات طبيعية تستخدم كغسول ومقشر وتونر :
المقشر
الترمس المطحون يعتبر نوع من انواع السنفرة المتوسطة وتنفع لسنفرة بشرة الوجه و الجسم
الارز المطحون نوع من انواع السنفرة المتوسطة وتنفع لبشرة الجسم فقط وبيساعد عالتفتيح
النشا نوع من انواع السنفرة الناعمة وتنفع لبشرة الوجه والجسم وبيساعد عالتفتيح
الملح نوع من انواع السنفرة المتوسطة وتنفع سنفرة بشرة الوجه والجسم ومن ضمن المكونات الرائعة لازالة الحبوب الموجودة
فبشرة الوجه وبشرة الجسم
الغسول
ماء الورد يعتبر كغسول للبشرة يساعد على انتعاش البشرة
وممكن تضعيه فى مكعبات الثلج والفريزر وتاخدى مكعب من الثلج تمررى على بشرة وجهك ورقبتك لان الرقبة امتداد لبشرة الوجه
ماء الارز يعتبر غسول للبشرة يساعد عالتفتيح وشد البشرة
بتجيبى نص كوب من الارز وتغلسيه كويس وتاخدى النشا اللى بينزل من الارز اللى هى مية الارز البيضا تضعيها فى
اى حاجة عندك وتفضلى تغسلى الارز بالطريقة دى لغاية لما تنزلى النشا بتاعه كله
وتاخدى ميته تضعيها فى اى زجاجة عندك وفالثلاجة وتحفظ تسبيها لمدة 5 ايام فالثلاجة لغاية لما تتخمر وتستخدم
فى طريقة اخرى للارز هو
* غسول يومى لتفتيح البشرة وهو
غسول لتفتيح البشرة بمية الأرز لجميع أنواع البشرة هى وصفة يابانية (وصفة الارز المسلوق )
تسلقى الارز فى لتر ماء حوالى ربع كوب ارز ثم تصفيه لما يتسلق كويس سوف يشبة الشوربة اللزجه وتضعيه فى زجاجة زجاج وفالثلاجة ويستخدم وتستخدميها يوميا كغسول لبشرتك وتسيبه مية الارز تنشف عالبشرة بتعمل على شد البشرة ايضا ويحفظ فالثلاجة ل15 يوم فقط
صابونة الجلسرين من العطار تنفع لجميع انواع البشرة
التونر
يعتبر الليمون تونر طبيعى للبشرة ويساعد غالتفتيح
لما تيجى تدخلى الليمون فى اى وصفة من وصفاتك او تستخدمى كتونر لا تتعرضى للشمس عشان بيغمق ويسمر
مكعبات الثلج رائعه
سواء عملتى مكعبات ثلج ماء ورد او مية عادية من الحنفيه وتضعيها فالفريزر وتتجمد وتستخدم
وممكن كمان تعملى مكعبات الثلج بزيوت عطرية اللى تعجبك ازاى؟
بتضعى المية العادية فمكعبات الثلج وتضعى فى كل مكعب نقطة من اى زيت عطرى يعجبك
سواء بريحة العود او المسك الابيض او بروائح فواكة او ورود او برفانات مثل اسكيب وارجانزا
وممكن تعملى كل مكعب بريحة شكل وتضعيها فالفريزر لغاية لما تتجمد وتستخدم
ماء الورد يستخدم كتونر للبشرة
المية الباردة اللى من الحنفيه تعتبر كتونر للبشرة
يعنى بعد ما اخدتى الشاور بتاعك تفتحى المية الساقعه بس وتشطفى بيها بشرتك وجسمك وشعرك
وتقفى تحتها لمدة 5 دقائق لقفل المسام
لو حتشترى منتجات جاهزة من الغسول والمقشر والتونر لازم تخلى بالك من نقطة مهمة جدااااااااااااااااااااااا
البشرة الدهنيه والمختلطة تستخدم الغسول والمقشر والتونر خالي من الزيوت
والبشرة الجافة تستخدم الغسول والمقشر والتونر بيحتوى على زيوت
لان البشرة الجافة عكس الدهنيه
لا تنسوا تقيييييييييييييييم الموضوع
الحمد لله الذى هدانا لهذا وما كنا نهتدى لولا ان هدانا الله
ولا تنسوووووووووووووووووا الدعاء لى بظهر الغيب
منقوووووووووووووووووووول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
معلومات جميلة
__________________________________________________ __________
>>>> الرد الثاني :
مرورك الاجمل اختى
نوررررررررررتى
__________________________________________________ __________
>>>> الرد الثالث :
مرسي على المعلومات الحلوة ده يا قمر ربنا ينولك اللي تتمنيه
__________________________________________________ __________
