https://www8.0zz0.com/2015/03/23/06/435137477.jpg
مجموعة اللافندر العضوي للعناية بالقدم من إيف روشيه
هالمجموعة لها شهرين عندي أستخدمها من مرة إلى مرتين في الأسبوع حسب وقتي ومزاجي..
المجموعة هذا حجمها.. كأنها ميني ..مافيه أكبر
اليمين : المقشر الملمع للقدم
هو جل تقشير للقدم يستخدم مع البديكير أو عناية عامة بالقدم .. أتوقع مسمينه الملمع ﻷن بعده تحسين كأن جلد رجلك جديد أبيض يلمع ههههههه ...
طبعا إذا رجولك جافة و متشققة هذي حالة ثانية تستلزم عناية وتحضير مسبق.. ابدأي بعصا التقشير الجاف من بودي شوب اللي موجود في الصورة .. وقشري فيه رجلك وركزي عالأماكن المتضررة ..
اشطفي رجلك بالماء ثم أضيفي المقشر ودلكي سواء بيدك أو بالفرشة الصغيرة واغسليه كويس..
بعدين أضيفي الخطوة الثانية المرطب المركز لترميم القدم (الثاني من اليمين) ..
المرطب كثيف وثقيل يادوب ينعصر وريحته ماتختلف عن ريحة زبدة الشيا الخاصة بالأقدام من لوكستيان... أحيانا أفضل أخففه شوي بالبايو أويل.. وأستمر بالتدليك إلى أن تتشرب البشرة 50% منه عالأقل(بما أنه كثيف وصعب الامتصاص)
بعدها ألبس شرابات وأظل فيها طول اليوم أو أنام فيه..
وطبعا كل شي يتصلح بالمداومة لا تتوقعوا أنه فيه منتج سحري بيرقع اهمال سنين في يوم وليلة ..
بالنسبة لباقي المجموعة..
الموف الفاتح هذا ديودرنت (مزيل رائحة) للأرجل .. أحطه لما ألبس جزمة مقفلة -أعزكم الله- .. مذكور يستمر مفعوله 12ساعة وماقد جربته أكثر من 9ساعات صراحة... لكن أشوفه مفيد وفعال لأهل الدوامات والوقفة على الرجل طول اليوم..
الأخير عبارة عن جل مبرد ضد الارهاق والتعب.. عاد أكثر استخدامي له وقت الاسترخاء وأوقات لما أحس رجولي حارة ..
وبشكل عام كل المجموعة لا تمت ريحتها لريحة اللافندر بصلة.. يعني لايغركم الشكل.. ريحتهم منثول فكسية قوية موب عطرية أبد.
سعر المجموعة كاملة ما أذكر بالضبط لكن أقل من 200 ريال..أغلى مافيها الكريم المرمم وسعره بحدود ال50 ريال.
