اليوم راح اقوللكم طريقة واسرار للقضاء على السيلوليت والتشققات اللي نسميها لبشرة فاتحة
عنوان الموضوع : اليوم راح اقوللكم طريقة واسرار للقضاء على السيلوليت والتشققات اللي نسميها لبشرة فاتحة
مقدم من طرف منتديات العندليب
اليوم راح اقوللكم طريقة واسرار للقضاء على السيلوليت والتشققات اللي نسميها
اليوم راح اقوللكم طريقتي واسراري للقضاء على السيلوليت والتشققات اللي نسميها الستريج ماركس
عن ابي حمزه انس بن مالك رضي الله عنه.عن النبي صلى الله عليه وسلم:
لا يؤمن احدكم حتى يحب لأخيه ما يحب لنفسه} رواه البخاري ومسلم
انا من النوع الي امتن وارد اضعف ووزني مو ثابت وعانيت من وايد مشاكل
منها التشققات والسيلوليت وعدم توحد لون البشره
ملاحظه: بعد مالاحظت ان وايد بنات يبون يقضون على السيلوليت والخطوط الي بالجسم ومستصعبين السالفه ومو عارفين شلون والطب الحديث يقول انها ما تروح 100%
وانا اقول انها تروح و 100% !! ووايد سهله بس سووها خطوه بخوطه وركزوا معاي
((الخطوط البيضه لازم نخليها تتحول حمره عشان نعالجها وتروح ))... وراح اقوللكم شنو الكريم الي يخليها جذي
وراح اريحكم من هالاشياء ولا اتعبون نفسكم وتسوون تجارب بروحكم يمكن تضركم
سمعوا كلامي وراح تدعولي دنيا واخره
اولا راح اتكلم عن الخطوط البيضاء والحمراء
[img]299148935[/img]
اول تجاربي كانت مع كريمات السترتش مارك
[img]180435414[/img]
طبعا ما يسوي ولا شي وحده اي شي
[img]747647166[/img]
مجموعة فازلين زبدة الكاكاو حلوه حق النعومه ومفيده بس حق الخطوط ما تسوي اي شي[img]957306174[/img]
وااايد حلوه بعد حق النعومه بس مافادت مع الخطوط , بس تنعمها J
وبعدين استعملت الخلطة المشهوره
زبدة كاكاو + زبدة الشيا + جنين القمح "وادي النحل" + زيت زيتون اصلي + وايد اشياء من عندي وقريت عنها بالنت
سويت الخلطه بصراااااااحه شي عجييييب وايد يابت نتيجه
مع جهاز المساج والجلسات خفت بنسبة 70% باول شهر وبعدين صارت ناعمه
لي ثاني شهر! والنتيجه بدأت تقل وتضعف وفقدت الامل...
وبعدين انصحتني وحده من صديقاتي بكريم مجربته وياب معاها نتيجه واحلفتلي انه غير عن كل شي واذا ماشفتي منه فايده يردولج فلوسج !!
وقلت يالله اجرب ماظل شي ما جربته واستعملته وبصراحه وايد قوي وقضى على الخطوط بطريقتي
المهم
طريقتي الاكيدة من بعد كل التجارب الشبه فاشله
الاغراض المطلوبه ركزوا معاي زين " وييبوا ورقه وقلم وشدوا حيلكم ولا تنسوني الي تروح تشققاتها تنشر طريقتي ولها الاجر!!"
جهاز مساج + اي لوشن او زبدة شيا او كاكاو او لوشن كولاجين الي تحبينه استخدميه "حتى لو بس فازلين عادي"+ الزبدة العجيبه بي كي +
[img]854585885[/img]
هذا نفس جهازي سعره 7 دنانير (من سيتي سنتر) ومتوفر بكل مكان واهتزازه قوي .. و نستعمل (الراس المدبب)نفس الي عندي عشان حق التشققات لانه يفرق الخطوط ويهزها عدل وتصير المنطقه حاره وحمراء ولا تخافين ترى عادي (الحراره ضرورية)
وهو الافضل حق السيلوليت و نستعمل الراس الاملس العادي ( تذكروا هالشي) لاني راح اتكلم عنه
[img]487677688[/img]
[img]288996368[/img]
هذا جهاز المساج السحري اهوا الافضل للخطوط !! سعره 17 دينار موجود بالجرايد الاعلانية .. بس ما انصح فيه حق السالوليت لانه (براس واحد)
2- لوشن فازلين "تجديد البشرة" البنفسجي ,او تستعملين الزبده السحريه نفسها
بدون لوشن الفازلين يكون العلاج افضل واسرع .. وتخلين لوشن الفازلين حق الصبح
[img]263427974[/img]
3- الزبدة السحريه MAGIC BUTTERBK –
[img]579405482[/img]
وهذي سر ازالة التشققات ويخليها تتحول من بيضا لي حمرا ( والسيلوليت ) صج سحرية تحطينها مع المساج تحول الخطوط البيضاء الى حمراء وجنها توها طالعه ويديده وبعدين تعالجها وتتختفي يوم ورى يوم
الحين نيي حق الطريقة
1- ننظف المنطقه الي فيها تشققات ونسويلها سنفره
2- ندهن المنطقه حق المساج
3- نستعمل جهاز المساج الي فيه راسين (مدببين) ويفضل جهاز المساج السحري
تنطرين 5 دقايق او 10 دقايق ليمن تصير المنطقة حاره ولونها احمر "والخطوط البيضاء تصير حمراء"
وتكررين المساج يوم وترك او كل يومين
4- نغسل المنطقه وندهنها بالزبده السحرية مع التدليك
هذا بالنسبه حق التشققات وما يهم مهما كانت قديمه 4 سنين واكثر وجذاب الي يقول ما تروح 100%
الحين نيي حق السيلوليت الي يخرب شكل الجسم
هذا شكلها حق الي مايعرفونها
[img]260573367[/img]
طبعا حسب خبرتي انها ما تروح الا بالرياضه وتحريك الدوره الدمويه في المنطقه
وفي كريمات تساعد وتقللها عندج مثلا النيفيا وكذا مستحضر
انا عن نفسي جربتهم بس نتيجتهم وايد طولت وقللتها فعلا بس مو مثل ما ابي
وافضل طريقه المساج الهزااااااز
[img]854585885[/img]
هذا جهازي المفضل حق السالوليت J لانه فيه راسين واهتزازه قوي وصج يوخره
افضل من الحزام الهزاز مال السونا وقطيته في الكبت ما قمت استعمله
الطريقه سهله ومايبيلها شرح
الاغراض المطلوبه
جهاز المساج + جل نيفيا او اي كريم حق السالوليت
انا عن نفسي افضل الزبدة السحريه لانها هم وايد تنفع حق السيلوليت
وقضيت عليه بشهر لاني كنت اسويلهم مساج 3 مرات في اليوم
الطريقه : تدهنين المكان وتسويله مساج بحركه دائريه مع الضغط
المده كل ما طولت كان افضل انا عن نفسي نصف ساعه
يا بنات الي تبي جسم حلو ومشدود وصافي وبدون تشققات تشد حيلها
وتهتم بنفسها وتواضب وتلتزم واهتموا بالترطيب واخذوا فيتامينات وديروا بالكم من الاكل الغير صحي والمطاعم
!! ترى وراكم ريياييل
ما يحبون هالاشياء متعودين على الاجنبيات الفصعات ههههههه حق المتزوجات والي انشاللله بالطريج
فديتكم حبيباتي
أي استفسار انا حاظره https://3andlib.xplainer.net/images/smilies/rose.gifhttps://3andlib.xplainer.net/images/smilies/rose.gifمنقووووووووول لعيونكم حبيبااااتي دعاء الي الله يسر زواجي https://3andlib.xplainer.net/images/smilies/rose.gifhttps://3andlib.xplainer.net/images/smilies/rose.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسعدني اكون اول وحده تقول لك انتي مبدعه
تقبلي مروري
__________________________________________________ __________
>>>> الرد الثاني :
خزيران22
جزاك الله خير
بس جهاز المسااج
مضر للحامل
لآن أنا فيني تشققات وخطوط فـ بطني
مسببتلي إحراج
__________________________________________________ __________
>>>> الرد الثالث :
حبيباتي ضحكة ولدي ووو الكسندرااا شكرا حبيباتي على مروركم الطيب تستااهلو كل خير وشكرااا الكسندراااا على المعلومة مفيدة تسلم اناملكم
https://3andlib.xplainer.net/images/smilies/rose.gifhttps://3andlib.xplainer.net/images/smilies/rose.gifمواااااااااااااااااااااحhttps://3andlib.xplainer.net/images/smilies/rose.gifhttps://3andlib.xplainer.net/images/smilies/rose.gif
__________________________________________________ __________
>>>> الرد الرابع :
حبيباتي ضحكة ولدي ووو الكسندرااا شكرا حبيباتي على مروركم الطيب تستااهلو كل خير وشكرااا الكسندراااا على المعلومة مفيدة تسلم اناملكم
__________________________________________________ __________
>>>> الرد الخامس :
مشكووره بس وربي مافهمت عليك لان صور مو واضحه
من وين نجيب جهاز المساج والزبده السحريه
وكيف الطريقه وكم مرره باليوم
متى نحط لوشن الفازلين ومتى نحط الزبده السحريه
ياليت بالتفصيل الملل
