اى وصفة للشعر محتاجاها قوليلى عليها لتعتني بشعرك
عنوان الموضوع : اى وصفة للشعر محتاجاها قوليلى عليها لتعتني بشعرك
مقدم من طرف منتديات العندليب
اى وصفة للشعر محتاجاها قوليلى عليها
السلام عليكم ورحمة الله وبركاته
ازيكم كلكم يارب تكونوا فى افضل صحة وحال
موضوعى عبارة عن ان اى حد محتاج وصفات للشعر يكتبها هنا فى الموضوع ده وهقوله عليها ان شاء الله
الوصفات دى على اساس علمى اخدتها من دكتور صيدلى وهو مدير بحوث وتطوير فى شركة فارما كير اسمه دكتور حكيم وربنا يجازيه كله خير عشان مابخلش عليا باى معلومة بسأله عنها
وكل الوصفات اللى اخدتها منه هجيبهالكم ان شاء الله هنا
https://3andlib.xplainer.net/images/...6-ehrx1i9o.gifhttps://3andlib.xplainer.net/images/...6-ehrx1i9o.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتى الغالية أنا شعرى مقصف جدا ودايما هايش وأطراف الشعر مقسومة ومتكسرة أستخدمت حمامات كريم غالية وأستخدمت حمامات زيت عبارة عن زيت(زيتون - خروع- نخاع ) وبرضة النتيجة بسيطة جدا والمشكلة إن فرحى قريب إن شاء الله وهضطر إنى اعملة فرد علشان يكون شكلة كويس أيام الفرح
أرجوكى لو عندك حل ساعدينى بية
وعلى فكرة أنا حاليا بأخذ فيتامين للشعر إسمة بانتوجار
__________________________________________________ __________
>>>> الرد الثاني :
بصى ياقمر انا سألت دكتور حكيم وده كان رده
تاخدى كبسولات البرايم روز لمدة شهر.....و تحاولى تقص اطراف الشعر طبعا
.و تستخدمى حمام كريم العسل الاسود وده الماسك :_
تتكون التركيبة من الاتى :
ربع فنجان عسل اسود وده مرطب قوى للشعر
معلقة كبيرة عسل ابيض
معلقة كبيرة زيت زيتون
معلقة كبيرة زبدة كاكاو
معلقة كبيرة زيت خروع
ثلاث امبولات بانثينول من الصيدليه
ربع فنجان ماء مقطر
صفار بيضة متوسطة
5 نقط زيت روزمارى اساسى
5 نقط زيت لافندر اساسى
دفى الماية ..و اضيفى لها الصفار ..ثم اكسرى الامبولات و اضيفيها وحركى بسرعه حتى تمتزج
اضيفى بقية المكونات فى اناء ستينلس ما عدا الزيوت الاساسية ..ضعيها فى حمام مائى يعنى اناء فيه مية بتغلى كدة
اتركيهم فى الحمام حتى يمتزجو تماما و تختلط المكونات
اضيفى المخلوط الاول للثانى مع التقليب بمضرب يدوى او بسرعة حتى يعطى قواما مناسبا
ضعى الزيوت الاساسية ....وهو دافىء و قلبى جيدا
لديك الان دهان او ماسك او زى متسميه فيه بصراحة كل حاجة كويسة للشعر ..مرطب و مغذى ومانع للتساقط كمان ..استخدميه مرتين فى الاسبوع ..ومعا نخلص الحريم من الهيشان ....ونريح كل راجل من شعر مراته تعبان ..ونديله تركيبة ...فى المليان
و تستخدم معاه زيت الجوجوبا
الجوجوبا يوم بعد يوم
و الماسك مرتين فى الاسبوع
و الكبسولات يوميا
واى خدمة ياقمر
__________________________________________________ __________
>>>> الرد الثالث :
يالالا ياقمرات اللى عندها سؤال هرد عليها فى الحال ان شاء الله
__________________________________________________ __________
>>>> الرد الرابع :
شكرا حبيبتى على مجهودك واهتمامك
بس انا عندى مشكلة بعانى منها ومش عارفة ليها حل والله
انا شعرى من قدام خفيف جدا جدا لدرجة انى حاسة انى عندى صلع
ومش عارفة اعمل اية وكل ما يروح شوية الاقية الصله بيظهر اكتر واكتر
ياريت تفيدينى اختى
وجزاكى الله خير
والله يعطيك العافية يارب
__________________________________________________ __________
>>>> الرد الخامس :
ميرسى ياقمر على ردك وإهتمامك وجزاك الله كل خير
