الخلطه الهنديه العجيبه لانبات واطاله وليونه ولمعان الشعر

عنوان الموضوع : الخلطه الهنديه العجيبه لانبات واطاله وليونه ولمعان الشعر
مقدم من طرف منتديات العندليب

الخلطه الهنديه العجيبه لانبات واطاله وليونه ولمعان الشعر



هذي الخلطه تنبت الشعر 100% وايضا تخليه طري وناعم ولامع وتطوله بعد


الاشياء اللي نحتاجها
1- زيت Anoop تحصلونه في محلات الهنود هو زيت لون علبته خضراء

2- زيت جوز الهند حتى لو كان برشوت لان برشوت ايضا جيد

3-زيت اللوز

4-زيت الخروع

5- ماء ساخن

6-فوطه خاصه للشعر ((طبعا بتوصخ))

7- كاب للشعر

8-قطن الخاص بالوجه

9-ورق نايلون ((الخاص بالاكل))

الطريقه : :


تاخذين طاسه صغيره وتحطين الزيوت بكميات متساويه وتكثرين من جوز الهند ...

الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه

فهمتووو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه

لين خلصتوووو الحين نسوي تدلين باطراف الاصابع مانضغط بقوه تحملوووو يطيح الشعر هالطريقه

بحركات دائريه بخفه نركز على الفروه مهب الشعر .

الحين بعد ماخلصنا من وضع الزيت في الشعر و التدليلك نلفه بطريقه محكمه ...

الحين ناخذ النايلون ونلفه على الشعر كله مانخلي مجال للهواء تحملوووو الزيت يوصل للجبهه لانه ينبت الشعررر مب تقولوووون انا ماقلت

ونحط الكاب على النايلون ...

نحط الفوطه في الماء الساخن ((تحملو تحرقون ايديكم )) ونعصرها زين مازين ....

بس نحاول ان البخار يتم فيها ونحطه على الراس ونلفه مثل (((سندباد )) هههههههههههه يعني عمامه

لالا ااتغشمر وياكم بس لازم تلفينها بطريقه ان الحراره اتم في الفوطه ....

ونخليه لين تبرد الفوطه بامكانا نكرر هالعمليه اللي هي الفوطه

بس لازم لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه ...


وصدقوني مايكمل 3 يوووم الا النتايج طالعه ... واستمرووو عليه لمده شهر على الاقل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جزاك الله خيرا
__________________________________________________ __________

>>>> الرد الثاني :

تسلمين و الله محتاجين لها (زين مازين)خخخخخخخخخخخخخ
مشكورة على الوصفة ننتضر منك الجديد في اقرب وقت
__________________________________________________ __________

>>>> الرد الثالث :

مشكورة كتير على الوصفة وان شاء الله بنجربها
__________________________________________________ __________

>>>> الرد الرابع :

باااااااااارك الله فيك
وننتظر جديدك
تحيااااتي
__________________________________________________ __________

>>>> الرد الخامس :

جزاك الله خير

يسلمو يالغلا

ربي يسعدك