وشعرك الطويل ع خصرك يميل ..!! لتعتني بشعرك

عنوان الموضوع : وشعرك الطويل ع خصرك يميل ..!! لتعتني بشعرك
مقدم من طرف منتديات العندليب

وشعرك الطويل ع خصرك يميل ..!!



خفتوا ؟ . هذي بس عشان تنخرشون لا تصير شعوركم كشش مثل كذا.. وساعتها بتقرون الموضوع بضمير .. < تسمع بالتشويق
السلام عليكم ...شلونكم؟ عساكم بخير ؟
انا طبعا لما شفتنا ماسكين سرا في موضوع الكحل والاي لاينر طلبت اغيره.. و ما قصرت ..واخذت موضوع الشعر..
ويوم جيت ادور عن هالموضوع بالنت لقيت مالا يعد ولا يحصى من الهذرة عن الشعر ....بس حبيت ما اجيب الا اكثر شي سمعت انه مفيد ..يعني الي سمعت عنه بالنت وبرا النت ..<الربح السريع ليس هدفنا رضا العميل غايتنا < محل مهب موضوع




نعرف ان الشعر تاج جمال المراة ..وكل بنت اول ما تبدا تهتم بنفسها تبدا بشعرها ..
ببداية الموضوع راح نستعرض اهم مشاكل الشعر وبعدها العلاجات < مهيب عاقلة خبيرة التجميل






* تساقط الشعر :

مافيه احد ما يشتكي من التساقط ..بس تمر فترة يزيد فيها ..لظروف مختلفة .اما لانه هذا وقت سقوطه وهو فصل الخريف < شجرة مهب شعر ..
او كنتي مسوية ريجيم ..او اكلتس ذاك الشهر حواق ما ركزتي على الفتيامينات ..ومغير كريسبي وبيتزا ..< ..اهم شي لا تخافين ..وتقعدين تجربين في زيوت وخلطات وتسمعين لكل من هب ودب لانتس ساعتها راح تدورين في حلقة مفرغه من التساقط ..حيث ان استعمال الزيوت الجديدة يسبب تساقط في اول فترة لحد ما يعتاد عليها الشعر..بحاول اذكر بعض الاسباب ..المؤقته للتساقط والي تروح بإذن الله :

1- التوتر العصبي النفسي: لذلك يجب البعد عن ذلك، وقد قيل إن الغذاء الجيد + هدوء الأعصاب = شعر سليم...- "

-2الإصابة ببعض الأمراض كالأنيميا ونقص التغذية.

-3استخدام المكواه أو مجفف الشعر لفترات طويلة وتحت حرارة عالية.

-4اتباع نظام غذائي قاس " رجيم " دون إشراف من إحدي الطبيبات فإن هذا يكون سبب رئيسي لسقوط الشعر بكثرة.

-5الإصابة ببعض الأمراض الجلدية كالثعلبة والالتهابات الفطرية عفا الله جميع المسلمات من هذه الأمراض..

-6ارتفاع درجة حرارة الجسم والإصابة بحمي مثل حمي التيفود والعياذ بالله فإنه بعد انخفاض الحرارة إلي معدلها الطبيعي يبدأ سقوط الشعر بوضوح.

-7إجراء العمليات الجراحية يمكن أن يؤدي إلي سقوط الشعر وخاصة إن كان هناك تخدير عام...

-8بالنسبة للنساء فإن الحمل والولادة من أهم العوامل التي تؤدي إلي سقوط الشعر بشكل مؤقت ولكن سرعان ما تعود الأمور إلي حالتها الطبيعية...

-9تناول بعض الأدوية التي تسبب زيادة سيولة الدم وخفض الكوليسترول

-10ضعف الدورة الدموية في فروة الرأس نتيجة عدم تمشيط الشعر لفترات طويلة وعدم التعرض للهواء الطلق النقي "



*اذا لا ذي ولا ذيك من الاسباب الي قلتها صارت معتس اجل يمكن عين ..< وجه فاحط حاس بالمعاناة
هنا انصحتس تروحين لاقرب مطوع ,,وخليه يقرا في زيت وزيتي به شعرك ..< قلبت طب شعبي مهب موضوع ..





* تقصف الشعر :
كل وحده شعرها طويل او قصير تشكي اكيد من التقصف اذا اهملته..نبي نعرفتس على اسباب التقصف عشان تتجنبينها ..وكيفية العلاج منه ..< حاسين اني جويل صح
* اسبابه:

-1كثرة الاستشوار ..
-2تعرض الشعر للهواء الطلق أو المراوح بعد الخروج من الحمام> عشان كذا اذكر اخصائية مرة قالتلي اذا طلعتي من الحمام لا تشيلين الفوطة من شعرتس لمدة خمس دقايق لحد ما ياخذ الشعرد رجة حرارة الغرفة الي انتقلتي لها ..

* اما طريقة علاج التقصف :
-1قص اطراف الشعر
-2عمل حمام الزيت

طريقة حمامات الزيت : تدلكين فروة راسك بالزيت الي تستعملينه لمدة 20 انا افضل الخفيفة مثل زيت اللوز ..بعدين تلفينه بفوطه ..وتشغلين الاستشوار ..عليه من فوقها..مهب تحرقين راسك بالحرارة .انتبهي ..ترا بعدين يتساقط .لا حسيته سخن شوي .. خلاص خليه و اجلسي نص ساعه وغسلية بعدها

قص اطراف الشعر عادي اعتقد كلكم تعرفون < لا تكفين قولي






* الشيب:



الشيب شفته في المراية وصديت ......// .....ما كنت اصدق ان ذا الشيب فيّه








كلنا ملاحظين هالايام ان حتى الشباب الصغار يطلع فيهم شيب ..ماعاد هو علامة على كبر السن ..بنت خالتي شعرها مليان شيب وهي ما كملت 19..
طيب وش الاسباب ؟؟
(( تقول دراسة ان الشيب عند صغار السن سببه سوء التغذية ونقص الفيتامينات ,,بالاضافة الى الاكلات السريعة التي لا تسمن ولا تغني من جوع
والتي تمتد اضرارها لتشمل كل جزء من اجسامنا لتحطم صحته وتدمر عافيته ... وكذلك لا ننسى الضغوط النفسية والتوتر الدائم والقلق-))
فعشان نتجنب شيب الصغار لازم تكثرين من الزنك والخضار والفاكهه ..وفيه حبوب وفيتامينات تستعمل لمدة اربعة اشهر تقلل من الشيب وتأخره.
واهم شي اذا طلعت لك شيبه قصيها لا تقلعينها لانها اذا قلعتيها تكثررر..
وربي آن فيني شيبه وحده بس خآيفه مدري وش آسوي فيهآ
.من الحبوب الغنية بالفيتامينات الي يستحب اكلها لتأخير الشيب و تغذيته بشكل عام ذا:
* شفت نصيحة بمنتديات وانا افرفر ادور عن هالموضوع عجبتني ..تقول اذا كان شعرك اسود والشيب الي طالع قليل..غطيها بالمسكرة السوداء ..
اما اذا كان كثير مالك الا تصبغينه باحد هالصبغات اما الكولستون البني الغامق ..او البابونج ..









* قصت شعري مرّة جعل يدها القص <



كم مرة رحتي للصالون ..وكانت الكوافيرة متحمسة وشالت من شعرك. اكثر من الي قلتيلها ..والله ياهي رفعة ضغط خاصة لا صارت فيه مناسبة قريبة ..طبعا اول شي بردي قلبك وهاوشيها .. و بقولكم عن كريم استعملته وحده بالكلية حلو يطول الشعر بسرعه ..*هو من شركة بالمرز ..بس مخصص لزيادة النمو ..هذا هو :











* وكلنا نعرف طبعا ان السدر يطول الشعر ..









* خلطات وماسكات :




الماسكات الجاهزة :
انا عندي مشكلة مع الماسكات الجاهزة الي تباع في السوق دايما تطيح شعري ..مثل فاشكول وطقته..اجربه اول مره والباقي يقعد بعلبته لحد ما اقطه ..
وما انصحكم فيها لان الاغلب تسويلهم كذا ..



اذا بستعمل ماسكات جاهزة تكون من الصالونات .. لانهم يكونون مسوينه فريش مهب مثل الي بالسوق ناقعه فيه من سنة جدي .. خلطاتهم حلوة مفيدة للشعر .كلها فيتامينات.واشياء مغذيه ومقوية للشعر ..




الماسكات الطبيعيه :
طبعا هي الاضمن لانك عارفه مكوناتها وكلش فيها طبيعي..







1- المايونيز خطير على الشعر ..الاستشوار بعده يطلع روعه ..بس مشكلته ما يطلع بسهوله عشان كذا حلو لو تجمعينه مع السدر ..ذا يزيت وذا ينشف ..






2- صفار البيض +زيت زيتون = للشعر الجاف ..تخلطينهم وتحطينها مثل الماسك على شعرك مدة نص ساعه او ساعه ..بعدها غسلية .الاستشوار بعده غير ..




3- السدر ..معروف السدر يكثر الشعر ويطوله بسرعه ويطهر فروة الراس ..صحيح انه ينشف الشعر بس عشان تتجنبين هالشي اول غرقي شعرك بالزيت الي تستعملينه تغريق لحد ما تصيرين كنتس هنديه الزيت يقوطر على عيونتس ..
طبعا الزيت اقصى مدة تحطينها له 6 ساعات اكثر من كذا يقصفه ..



اذا خلاص ما بقى الا اربع ساعات او ساعتين على غسلة حطي السدر ..وبعدها غسليه بموية بس ..مو بشامبو ..بعدين ادهنيه بكريم عادي ..وغسليه عاد بشامبو < الحوسة ذي ما يصلحلها الا خميس وجمعه



4- زيت العافية + حلبة ..اعتقد هالخلطة انتشرت عند الكل وصار الكل يعرف نتايجها ..ومثل ما قلت قبل اختي استعملتها ..وشفت الفرق فيها والله ..انا مدري.. هي صحيح من اول اصل شعرها ناعم ..<عشان ماتقولون استعملناها ولا سوت شي ..بس لاعبة فيه بالصبغات كل شهر صبغه لحد ما اندمر وتقصف .وصار كشه فوقها حتى الاستشوار ما ينفع به يقعد شوي هابط وبعدين يقب ..بعد ما استعملتها صار ناعم وقوي وراح التقصف . حتى الاستشوار ..ما عاد تستعمله ..ينشف من الموية وهو قطعة وحده ..يعني يشيل كل الاثار الكيماوية ويقوي..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلمت يداكي

مشكوووره
__________________________________________________ __________

>>>> الرد الثاني :

الله يجزاك خير
__________________________________________________ __________

>>>> الرد الثالث :

تسلم اناملك يا الغالية
__________________________________________________ __________

>>>> الرد الرابع :

مشكورة عالموضوع الرائع
__________________________________________________ __________

>>>> الرد الخامس :

جزاكـ الله خيراااا

على الطرح القيم....