ســـر وجــود مادة الفـورمالين في الكــيراتيـن .. ما لــه ... وما علــيه ~ لشعر صحي

عنوان الموضوع : ســـر وجــود مادة الفـورمالين في الكــيراتيـن .. ما لــه ... وما علــيه ~ لشعر صحي
مقدم من طرف منتديات العندليب

ســـر وجــود مادة الفـورمالين في الكــيراتيـن .. ما لــه ... وما علــيه ~



https://3andlib.xplainer.net/imageho...1292109285.gif
|| يُثبّت الموضوع ||
ويُضاف إليه شعار التميّز ،
تقديرًا لهذا الإبداع الرائع..
وأتمنى أن يعود بالنفع والفائدة على الجميع..،،

صباح الخيراااااااااااات عليكم

طبعا كلنا سمعنا عن الكيراتين كمنتج لفرد وعلاج الشعر وكلنا سمعنا عن مادة الفورمالين ووجودها فى الكيراتين ومحتارين نصدق مين والا نكذب مين هل هى ضارة فعلا ...طيب ايه نسبة الامان ليه ...هى بتبقى موجودة ليه كـــــــــــــــــــــــــــــــــــــــــــــــــ ــــــــــل الاسئلة دى انا عارفة انها بدور فى دماغنا كلنا علشان كدة ومن حكم مهنتى كدكتورة صيدلانية ومن خلال خبرتى فى شغلى فى الكيراتين لفترة طويلة انا هحاول اتكلم معاكم فى الموضوع دة ببساطة علشان كلنا نستوعب الموضوع صح واى حد عنده اى استفسار انا عيونى ليه وبوضحه وانا تحت امركم فى اى وقت للاستفسار عن اى سؤال بخصوص الكيراتين




الاول هنعرف ايه سر وجود ماده الفورمالين ( الفورمالدهيد ) في أنواع الكيراتين المختلفه



طبعا توجد ماده الفورمالين أو بدائلها في مستحضرات التجميل وخصوصا منتجات فرد الشعر زى الكيراتين ودة طبعا مش بغرض ان تقوم مادة الفورمالين بفرد الشعر زى ما معظمنا عارف كدة بس وجود الفورمالين في الكيراتين بيكون لسببين:
السبب الاول : أنه بيعمل كمادة حافظة للكيراتين

ودة طبعا لان الكيراتين هو عبارة عن بروتين محضر معمليا ليكون فى حالة خمول وعلشان نضمن عدم تعرض البروتين الحيوى دة للتلف لازم نحفظه بمادة حافظة فاستخدموا الفورمالين للغرض دة ودة طبعا بيخضع لمعايير ونسب لا يسمح بتجاوزها وبكدة بنضمن حصولنا على منتج فعال ليعطى الغرض المستخدم ليه وطبعا الكيراتين مش بيكون فعال الا عن طريق التعرض لحرارة البيبى ليس أثناء تطبيق الكيراتين على الشعر

السبب الثانى : والسبب دة لازم نفهمه كويس علشان نصحح مفهومنا عن الفورمالين

وهو ان وجوده هو اللى بيحافظ على شكل الشعر مفرود بعد دخول مادة الكيراتين داخل الشعر وقيامها بعلاج وفرد الشعر وبكرر المحافظة على شكل الشعر مفرود مش فرد الشعر لان الكيراتين هو المسؤل عن فرد وعلاج الشعر مش الفورمالين وممكن اوضح الفكرة دى بمثال بسيط وهو ان الناس اللى بيبقى شعرهم كويس من غير ما يعملوا كيراتين بيكون سببه ايه ؟؟؟؟؟؟؟


ببساطة كدة أكيد سببه ان نسبة الكيراتين فى الشعر كويسة والشعر عندهم محتفظ بيها فشعرهم بيتمتع بصحة وحيوية وممكن كمان يبقى مفرود ومش مجعد مش علشان ان فى نسبة فورمالين فى شعرهم لالالالالالالالالالالالالالالا طبعا دة علشان شعرهم بيكون غنى بالكيراتين

https://l.yimg.com/lo/api/res/1.2/tB...1/dEM88290.gif
طيب واحدة هتسألنى وتقولى طيب يعنى هو الفورمالين دة مادة ضارة والا مش ضارة ؟؟؟؟؟؟؟؟؟؟

طبعا ما فيش حد يقدر ينكر خطورة المادة دى على صحة الانسان علشان كدة وجودها زى ما قولت بيخضع لمعايير ونسب لا يسمح بتجاوزها وعلشان كدة لما نفكر نستخدم الكيراتين لازم نفكر ونتحرى اننا نستخدم منتج يكون مضمون ويكون نسبة الفورمالين فيه معروفة ومحددة ونتحرى عنها بدقة ودة حق اىىىىىىىىى واحدة عايزة تعمل كيراتين لان النقطة دى هى اللى بتقلق اى واحدة حابة تستعمل الكيراتين وبدون مبالغة صدقونى لو قولتلكم ما فيش مكالمة كانت واحدة بتسألنى فيها عن الكيراتين الا وبتستفسر على نسبة الفورمالين والامان وازاى تضمن جودة المنتج ودة طبعا حق اى حد انه يخاف على صحته وصحة شعره لان الموضوع لما بيحصل فيه غلطة مش بيكون موضوع خسارة فلوس زى ما بيكون خسارة للشعر وزى ما كلنا عارفين ان علاج الشعر بيكون من اصعب العلاجات

https://l.yimg.com/lo/api/res/1.2/tB...1/dEM88290.gif

طيب ايه هى أضرار المادة دى على الشعر بصفة خاصة والصحة بصفة عامة ؟؟؟؟؟؟؟

طبعا ليها أضرار كتير والاضرار دى بتبان لما بتكون النسبة عالية او الكيراتين يكون مغشوش علشان كدة بنصح اى حد حابب يعمل كيراتين لاااااااااااااااااااااااااااااااااااااازم يدور كويس جدا على منتج كويس ويكون معروف ومتجرب ويكون المصدر موثوق فيه علشان بعد كدة ما نجيش نندم وساعتها مش هينفع الندم لان صدقونى والله العظيم الضرر اللى بيسببه زيادة الفورمالين على الشعر مش هبالغ لو قولتلكم لالالالالالالالالالا يمكن علاجه علشان كدة لازم كل واحدة تسأل وتستفسر كويس أوى ودة حقك قبل ما تشترى اى منتج هتستعمليه انك تسألى مرة واتنين وتلاتة لحد ما توصلى للافضل

مش هرغى كتيييييييير انا عارفة انى زهقتكم
طبعا اضراره بتتمثل فى حرق الشعر ودة معناه
1-انه بيدمر بصيلة الشعر نفسها ودة اكبر مشكلة لانه بكدة حتى الشعر الجديد بيكون محروق
2-هيشان فظيع
3-تقصف
4-التساااااااااااااااقط الفظيع اللى بيحصل للشعر
5-التهاب فى فروة الراس
6-غير كدة بقى فى ناس ما بتستحملشى ريحته القوية فممكن الدخان الكتير الناتج عن وجود نسبة عالية من الفورمالين فبيسبب ليها حساسية

شوفتو بقى استخدام منتج بيحتوى على نسبة عالية من الفورمالين ممكن يعمل اييييييييه علشان كدة لازم التأنى والتفكير كويس قبل ما نستخدم اى منتج على الشعر

https://l.yimg.com/lo/api/res/1.2/tB...1/dEM88290.gif


طيب ايه هى النسبة المسموح بوجودها فى الكيراتين ؟؟؟؟؟؟؟؟

طبعا خوفنا من من مادة الفورمالين بيتلخص فى اننا نستخدم منتج فيه نسبة عالية من الفورمالين علشان كدة لازم كلنا نبقى عارفين ايه هى نسبته المسموح بيها وخصوصا بعد ما عرفنا أضراره وطبعا نسبة الفورمالين فى المحاليل لالالالالالالالالا يجوز نهائياااااااااااااااااا ان تزيد على 4% مهما كانت الاسباب وطبعا هى دى النسبة المصرح بيها عالميا

طيب هتسألونى كلكم وتقولى لالالالالا الكلام دة مش صح ازاى نسبة الفورمالين تكون 4 % دى مستحيل توصل للنسبة دى دا النسبة المسموح بيها اقل من كدة بكتيييييييييييييييير جدا وهى تقريبا

وفيه فرق كبييييييييييييييييييير بين النسبتين 0.2 %؟؟؟؟؟؟؟؟

طبعا كلكم هتستغربو لو قولتلكم كلاامكم صح 100% بس اللى احنا مش فاهمينه ان النسبة دى

هى نسبة تركيز الابخره الناتجه من تعرض الفورمالين لحرارة البييبى ليس عند تطبيق الكيراتين على الشعر في الهواء والتى يجب الا تتعدى 0.2 % وكل النسب دي انا عرفتها من خلال خبرتي وتواصلي الدائم مع شركات الكيراتين المختلفه

وطبعا برغم كدة دائما وابدا بنتحرى اننا نستخدم منتجات يا اما خالية تماما من الفورمالين او نسبة الفورمالين فيها اقل ما يمكن بما يتماشى مع رغبتنا فى النتيجة اللى حبين نشوفها على شعرنا

وعموما حاااليا كل الشركات بتحاول انها تنتج منتجات طبيعية تعطى نتائج بنسب كبيرة وتتفادى وجود مادة الفورمالين فى منتجاتها



https://l.yimg.com/lo/api/res/1.2/tB...1/dEM88290.gif

واحدة كمان هتسالنى تقولى طيب ازاى منتج ما فيهووووووووووووش فورمالين نهائى وهيفرد الشعر؟؟؟؟؟؟؟


طبعا احنا خلاص اتفقنا ان الكيراتين هو اللى بيفرد

بس المنتجات اللى بتكون خالية من الفورمالين الشركات بتكون مستبدلة مادة الفورمالين فيها بمركبات طبيعية مهمتها انها تحافظ على شكل الشعر المعلاج والمفرود بالكيراتين بس طبعا المنتجات دى لانها طبيعية عمرها ما هتكون بقوة مادة كيميائية زى الفورمالين علشان كدة بنلاحظ ان الفرد بيبقى ضعيف فى المنتجات دى وغير كدة ان المنتج مش بيفضل على الشعر مدة طويلة بس فى كل الاحوال انتى بتضمنى استخدام منتج طبيعى تماما


وطبعا كلنا عارفين ان كل يوم فى جديد وكل يوم فى تقنية جديدة علشان كدة بعض الشركات دلوقتى استبدلت المواد الطبيعية دى اللى الغرض منها الحفاظ على الكيراتين فى الشعر بالاحماض الامينية المسؤلة فعلا عن الفرد والنعومة ودة بنلاقيه فى منتجات البروتين واوعدكم ان شاء الله انى انزلكم موضوع شامل بكل المعلومات اللى ممكن تحتاجو تعرفوها عن المنتجات دى



https://l.yimg.com/lo/api/res/1.2/tB...1/dEM88290.gif



طيب ازاى نعرف ان الكيراتين بيحتوى على ماده ( الفورمالدهيد ) الفورمالين؟؟؟؟؟

أول حاجة بما ان ماده الفورمالين ليها رائحه نفاذه لا يختلف عليها اتنين

1- فأول حاجه قبل حتى ما تقري اللي موجود على العبوه تمسكي العبوه وتشميها كويس جدا لو لقيتي للمنتج رائحه نفاذه اعرفي انه محتوي على الفورمالين ولو ما كانشى ليه رائحه نفاذة يبقى كدة المنتج كويس.


2 - في اي منتج او مستحضر في العالم بيكون في ظهر العبوه التركيبه ( Ingredients ) تدوري على كلمة فورمالدهيد وتتأكدى من نسبته لو وجد ولازم تاخدى بالك ان اغلب الشركات دلوقتى بقت تحط بديل عن الفورمالين ومش بيكتبو على العبوات ان فيها فورمالين اصلا وبعض الشركات بتنكر اصلا ان في منتجها فورمالين


3-وانتي بتقومي بتطبيق المنتج و خصوصا في خطوة المكواه او البيبي ليس لو ما فيش اى رائحه نفاذه او ابخره كثيفه ومش حصل ليكى حرقان واحمرار في العين ولا ضيق في التنفس ولا عينك تدمع يبقى المنتج كويس



https://l.yimg.com/lo/api/res/1.2/tB...1/dEM88290.gif

ودى بعض بدائل الفورمالين التي يحتوي عليها الكيراتين علشان لو لقيتى مركب منهم يبقى برضو المنتج محتوى عالفورمالين


Formaldehyde

formol

Methyl aldehyde

Methylene glycol

Methylene oxide



https://l.yimg.com/lo/api/res/1.2/tB...1/dEM88290.gif

وبرغم العيوب الكتير للمادة دى الا ان ليها استخدامات مختلفه في حياتنا فمثلا

يستعمل الفورمالين خاصة في المجال الطبي والبيولوجي بحيث أنه يُفقد البكتريا قدرتها الممرضة فتصبح (موهَنة) من أجل أن يجعل جسم الإنسان ممنعا ضد أمراض معينة بعد حقنه للبيكتيريا المسببة للمرض في شكلها الغير الممرض. كما أنه له الاستخدامات التالية:

مطهر : وخاصة في الطب البيطري (تعقيم footbaths).
التحنيط : كمادة حافظة للحيوانات النافقة أو للبشر (من أجل التشريح في كليات الطب على سبيل المثال) .
يستخدم كمادة حافظة في بعض الألبان والأجبان .
غالبا ما تستخدم في المواد اللاصقة ، مثل تلك المستخدمة في صنع اللوح، والخشب الرقائقي أو السجاد، وتستخدم في صناعة مواد الطلاء والمتفجرات.

انا فى الموضوع دة حاولت اوضح ايه هو الفورمالين وما له وما عليه



https://l.yimg.com/lo/api/res/1.2/tB...1/dEM88290.gif

وعموما اى استفسار انا تحت امركم وانا والله كاتبه كل كلمه بايدي وكله مجهود شخصي فماتبخلوش عليا بالتقيم والردود

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

جـًزًأكـً الله خِيَرْ
مًوُضَوًعَ بِقِمْةُ
أًلأً بـِدًأًعٍ.https://uploads.sedty.com/imagehosti...1329960376.gif:
وًاًصِلِىِ عًزِيِزًتًيِ.:
أًنًـتًضَـرً جًدِيَدًكً
https://uploads.sedty.com/imagehosti...1329960376.gif بشً ـوَقٌ
تًحيًَاإًأِتـيًُ
نعومه’
__________________________________________________ __________

>>>> الرد الثاني :


انتقاء رائـــع
تسلــم لنا انــاملك الــرآآآئعه
دامــا لنا هذا العطــاء ،،الــذي لايتوقف
لاعدمنــآآآآآك
لـــكـ ودي ..~



__________________________________________________ __________

>>>> الرد الثالث :

شكرااا لك

يسلموو عسووله

ولا عدمناكـ.
__________________________________________________ __________

>>>> الرد الرابع :

يسلمو حبيبتى
بارك الله فيك
على مجهودك الطيب
ننتظر منك كل جديد مميز

يقيم بالنقاط والنجوم
محبتى

__________________________________________________ __________

>>>> الرد الخامس :

يثبت للفائدة