ريحة فروة شعرك مو ريحة شعرك انتبهي! لشعر جذاب
عنوان الموضوع : ريحة فروة شعرك مو ريحة شعرك انتبهي! لشعر جذاب
مقدم من طرف منتديات العندليب
ريحة فروة شعرك مو ريحة شعرك انتبهي!
بسم الله الرحمن الرحيم
السلام عليكم ورحمة الله وبركاته
رائحة جسمك وملابسك الرائعة لابد ان يتماشى معها رائحة شعرك
طيب رائحة شعرك الجميلة من وين تجي؟؟
وش يتقولون؟
شامبو ريحته حلوة؟
خمرية؟
بخور؟
بقولكم قبل كذا ، رائحة شعرك تبدأ من رائحة الفروة نفسها!!
لاتقولون ماتبيّن !!
إذ حدث لي موقف نبهني لرائحة فروة الشعر وكيف ممكن تنسف كل أناقتك ونظافتك وهو إننا بعد عطلة طويلة أيام الجامعة مع بدء الدراسة تبادلنا السلام مع زميلاتي وكانت إحداهن في كامل اناقتها وهي ذات شعر جميل وطويل
فكانت مسشورة شعرها وفاكته ولما قربت مني وسلمت علي وانسدل شعرها علي يالله يالريحةhttps://smileys.lail-alsahara.com/smileys-36/9.gif لاتوصف من كثر ماهي مقرفة حسيت بقرف من زميلتي وعطاني انطباع سيء عنها رغم إني أعرفها وأعرف نظافتها الريحة تشبه ريحة شعر الرجال لما يطولون ماغسلوا شعورهم.
ومرة سشورت شعر أختي وتوها متروشة ياويلي يالقرف https://smileys.lail-alsahara.com/smileys-36/8.gifماكأنها غاسلة شعرها وقلتلها على السبب وهو إنه الفروة ماتنظفت من زمان.
عشان كذا لازم تكون ريحة الفروة وافرازاتها ذات رائحة عطرة حتى لما تطولين ماغسلت شعرك أو يزيت لازم ماتطلع له ريح تشبه ريحة راس وشعر الرجال لما يطولون عن الترويش وانتبهي الشامبو أبداً مايحسن ريحة افرازات الفروة .
طيب كيف تعرفين إن ريحة فروتك كويسة أو لا
سوي اختبار الفروة!!
عن طريق تدليك فروة رأسك بأطراف اصابعك بعدين شمي واخيرً احكمي او خلي اختك تحكم (يله الحين سويه)
وبالنسبة للي يحطون حنا مابين فترة والأخرى ماعندهم المشكلة هذي اما اللي تصبغ وما تقدرتقرب للحنا عندها السدر والبلالة ....(تعرفونها) فالحنا معروف مفعولها المطهرللفروة والمزيل للقشرة والسدر برضه منظف للفروة
والطريقة إنك تعجنين السدر بالموية وإذا عند ك بلالة اخلطي معة شوية ملعقة صغيرة يعني لاتكثرين لأن ريحتها إذا صارت قوية تصير بلدي مرة وتحسين نفسك من عجز اول الله يجزاهن الجنة لكن على أيامهن كانت هذي قمة الأناقة ولماتعجنين السدر تحطينه على شعرك وحاولي تدهنين الأطراف قبله لأنه يجفف الشعروادعكي الفروة وخليه لين مايجف عشان يلتقط كل الدهون المتراكمة عليها والشوائب اللي فيها
بعدين احسن واسهل مافي الموضوع انه الفروة تبقى لفترة طويلة ريحتها نظيفة يعني أكثر من شهر يعني ماتتكاسلين او تقولين يوه ماعندي وقت والحين انا اكتب الموضوع وعلى شعري سدر معجون بمغلي قرنفل وبابونج احب ريحتهم البابونج والقرنفل ولو كنت عند امي كان حطيت من بلالتها
ودايما سوي الاختبار ترى ياحريم فشيلة خصوصا المتزوجات .
عاد الشعر سهل تعطيره بخور وهو رطب عشان تبقى الريحة لفترة طويلة أوخمرية أتمنى أكون أفدتكم
ونبهتكم لشي جديد.
وسلامتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جزاك الله خيرا
__________________________________________________ __________
>>>> الرد الثاني :
شكرا وجزاك الله حير
__________________________________________________ __________
>>>> الرد الثالث :
ماشالله عليك والله فعلاااااااااااا
اهم شي ريحه الشعر
ومو بلعطر وانتي ماشيه
يبيله قومه وقعدة ههههههههه
ومشكورة يالغلا يالله لاتنسينا من خبرااااتك ياحلوة
تسلمي يالغلاااااااااااااا ويستحق التقييم**
__________________________________________________ __________
>>>> الرد الرابع :
عزيزاتي نسيت انبه إن الشعر لازم ينحط عليه بلسم لما تغسلينه
لأن السدر يسبب تشابك الشعر أثناء غسله
رجاءً احسبوا حسابكم لاتزعلون مني بعدين وتدعون علي وعلى فكرتي
أبله هتاف ممكن تدبرينا وتضيفين هالملاحظة للموضوع أخاف الخوات يقطعون شعورهم https://3andlib.xplainer.net/images/smilies/001111.gifوتخبرين أنا عندي حساسية من موضوع التقطيع في موضوعي حق منتدى البشرة كنت أوصي لاتقطعون أعماركم والحين أوصي لاتقطعون شعوركمhttps://3andlib.xplainer.net/images/smilies/icon18.gif
__________________________________________________ __________
>>>> الرد الخامس :
سموحة7
وياك واسعدني مرورك
هلاوغلا
العفو وواجبنا تبادل الخبرات وأسعدني مرورك
هتاف القصيم
ماشالله عليك والله فعلاااااااااااا
اهم شي ريحه الشعر
ومو بلعطر وانتي ماشيه
يبيله قومه وقعدة ههههههههه
ومشكورة يالغلا يالله لاتنسينا من خبرااااتك ياحلوة |
مافي أشين من ريحة العطر على الخياس تكرمون لازم العطر ينحط على نظافة عشان كذا فعلاً مايصلح ترشين العطر وانتي ماشية
والعفو ماسويت الا الواجب
مرورك أسعدني ومرورك في أي موضوع لي أو لغيري ينشر البهجة بين سطورهhttps://3andlib.xplainer.net/images/smilies/flowers.gif
