علاج لتساقط الشعر في اسبوع يلا للعناية بالشعر
عنوان الموضوع : علاج لتساقط الشعر في اسبوع يلا للعناية بالشعر
مقدم من طرف منتديات العندليب
علاج لتساقط الشعر في اسبوع يلا
(علاج لتساقط الشعر في اسبوع من السنة النبوية (والله معجزة))
بسم الله الرحمن الرحيم
شخباركــ ـممًِ
بصوا بقا انا كنت بدخل القسم دا اقرا وصفات للشعر وكنت بنفذها وما استمرش عليها
وبعيدن حتي اللي محتاجه تنفيذ صعبة اوي زي التوم والبصل وكدا
خلاصة الموضوع :
أنتي لما شعرك بيقع وتيجي تدوريله علي حل للأسف الشديد بتنسي ان شعرك بيقع
علشان الغذا
لانه مش متغذي كويس من جوا فبتقومي تحطي وصفات علي راسك وتقولي دا منفعش معاه
حتي لما تروحي لدكتور جلدية بيديكي كبسولات دي علشان اللي الجسم محتاجه
وبيديكي حاجات تدهنيها علي شعرك يعني بيشتغل علي جوا وبرا تماما كدا ؟
طيب هتقوليلي اتغذا علي ايييييييييييييييييييه منا باكل طول النهار وكل الانواع ومع ذلك عندي انيميا حادة بردو
هقولك وانا زيك في اصناف مش باكلها وبالتالي كدا يبقا شعري مش هيتصلح ولا ايه ؟؟؟؟
عارفه الحل جه معايا قدرا و و الله العظيم مفعولة رااااااااااااااااااااااااااااااااااااائع رااااااااااااااااااااااائع تحفة ما شاء الله
مهو لازم يكون تحفة لانه من الرسول صلي الله عليه وسلم ومفيش اسهل من كدا
في حديث عن الرسول صلي الله عليه وسلم بيقول :
( من تصبح بسبع تمرات ) وفي لفظ: ( من تمر العالية لم يضره ذلك اليوم سم ولا سحر )
( بيت لاتمر فيه جياع أهله )
انا بقا الموضوع دا جه معايا قدرا لاني كنت بقوم اصلي الفجر واكل علي الريق 7 تمرات علشان ما يصبنيش لا عين ولا حسد ولا سم ولا سحر وقولت اكيد فوايده كتيره
لاني شوفت دكتورة في التليفزيون قالت انهم عندهم جهاز بيصور الطاقة المنبعثة من الجسم وجدوا ان الشخص اللي بياكل ال7 تمرات علي الريق بيفض طول اليوم حوالين جسمه هاله زرقا
تحميه سبحان الله
بس لازم تاكليه علي الريق
و الله العظيم يا بنات كنت وانا بسرح شعري ببقا هعييييييييط من كتر الشعر اللي بينزل منه كتل وخصل كامله مع بعضها
و الله العظيم بعد اسبوع مداومه علي التمر علي الريق
بسرح شعري ابص الاقي المشط مفيهوش غير شوية صغيرين يومين تلاته كمان لقيت هما بتاع 7 شعرات اللي بيقعوا بالكتير الحمد لله قولوا ما شاء الله بقا احلى ابتسامة
وبعدين بقرا علي النت بعدها لقيت ان التمر بيدي الجسم الفيتامينات والحديد بكمية كافيه جدا ولقيت ان فوايده منع تساقط الشعر وهنزلكو فوايد التمر في المشاركة الجاية ان شاء الله
وياريت اللي تستفاد تدعيلي انا ومحمد خطيبي ربنا يتمملنا علي خير يارب
بس ياريت بجد تقيموا الموضوع علشان يتثبت في الصفحة الرئيسية
وياريت اللي تجرب التمر تيجي تقولنا في موضوع خاص بيها علي تجربتها وكلها اسبوع وتشوفي شعرك ان شاء الله
منقول للفائده
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
رووووعه تسلمي
__________________________________________________ __________
>>>> الرد الثاني :
تسلمي يا حلوه
وربنا يتمملك علي خير انت ومحمد
__________________________________________________ __________
>>>> الرد الثالث :
شكرا لك عزيزتي
ربنا يسعدك دنيا واخرة
__________________________________________________ __________
>>>> الرد الرابع :
تسلمين يااختي
انا اريد اجرب وان شاء الله اشوف فرق على شعري لانه تعبان كثيير من الحمل والرضاعه
__________________________________________________ __________
