اقوى علاج للشعر طول وكثافه وفرد.من ايام جداتنا لشعر طويل

عنوان الموضوع : اقوى علاج للشعر طول وكثافه وفرد.من ايام جداتنا لشعر طويل
مقدم من طرف منتديات العندليب

اقوى علاج للشعر طول وكثافه وفرد.من ايام جداتنا



السلام عليكم ورحمه الله وبركاته ..

اخباركم بنات..

كلنا نحاول نعالج شعورنا عشان تطول وتكثف ..ونستخدم زيوت وخلطات ..

احسن علاج للشعر يكون بمواد طبيعيه لان مالها اضرار ..

المعروف ان الحناء اقووووى علاج للشعر ..لانها تنظفه وتكثفه وتطوله وتعطيه لون ولمعه ..

من وعينا على الدنيا ريحت الحناء بشعور جداتنا وامهاتنا ترد الروح ..

لكن كل قديم لابد يجدد ويطور ..قديما يبلون الحناء بماء ويحطونها

هذه الطريقه متنفع بهذا الزمن لان شعورنا محتاجه خلطات قووووويه ..عشان يبان المفعول لان التغذيه والظروف المناخيه وكل شى يختلف عن قبل ..

اليوم جبت لكم خلطه بالحناء الطبيعيه (الخضراء ) اذا داومتي عليها مرتين او مره بالاسبوع ..تخلي شعرك خياااااااالي ..طول كثافه نعومه باختصار تمنحك شعر صحي ..

الخلطه :
حناء
ملعقتين زبادي
ملعقتين خل تفاح
ليمونتين
محلب ملعقه
حلبه ملعقه
شاهي (تاخذين كيس الشاهي وتفرغين اللي داخله مع الخلطه )
كركم او بن قهوه (اللي يريحك)
ملعقين زيت يستحسن زيت هندي كيشو الدهني او غيره
خميره (خميره الكيك ملعقه)
مسمار مطحون(قرنفل )
قرفه مطحونه
ملعقه سدر
ملعقه دم الغزال(العكر الفارسي)
كركديه (شاي الغجر)

الطريقه:
ناخذ كميه من الكركديه ونزيده ماي ونغليه ..اذا غلاء نطفيه
بعدين ناخذ الحناء ونحط معها جميع الاعشاب المذكوره فوق ..وبعدين نعصر الليمون ونضيف الخل تفاح والزبادي والزيت يعني نخلط كل المقادير مع بعض ..وبعدين نبل الحناء بالكركديه ونخلطه جميع المقادير زين ..ونخمرها ساعه او ثلاث بالكثير ..

بعدين نقسم الشعر اربع اقسام ونغرق الشعر بالحناء ..ونركز على الفروره ..

ماتترك اقل من6 ساعات..والافضل تنامون فيها من الليل والصبح ..

اذا صحيتي غسلي شعرك بالماء بس..بعدين لنشف زيته بدابر املا ..
وبعدين غسلي الزيت بشامبو ..

جربوها وشوفوا الطول والكثافه والنعومه حتى الفرد تفرد ..


ادري كثير من بنات مايحبون الحناء ..يقلون تسيل ومدري ايش ..هذه المشكله تعالجينها بانك تخلين قوام الحناء مايل للثقل يعني مو سايل مره ..وانا كنت زيكم مااحبها بس كنت ابي اعالج شعري باي طريقه ..واستخدمت زيوت وخلطات بالالاف ..بس زي مفعول الحناء مااااااافيه ..بالبدايه بتحسين بكسل وانها سالفه بس لمن تبهرك النتيجه بتدمنين عليها ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوررره اختي
__________________________________________________ __________

>>>> الرد الثاني :

شكرا ليك يسلمو
__________________________________________________ __________

>>>> الرد الثالث :

تسلم ايدك خلطة جميله جدا
__________________________________________________ __________

>>>> الرد الرابع :

يسلمووو بارك الله فيك

ع طرحك المميز

محبتي

__________________________________________________ __________

>>>> الرد الخامس :

حنه + حلبه + محلب اكيد النتيجه بتكون شي خيالي تسلمين يالغلا وجاري التجربه