تعالى اعملى كريم لشعرك بنفسك جديدة
عنوان الموضوع : تعالى اعملى كريم لشعرك بنفسك جديدة
مقدم من طرف منتديات العندليب
تعالى اعملى كريم لشعرك بنفسك
السلام عليكم
اولا الموضوع ده اهداء اجروب تعبتى من شكل جسمك تعالى انضمى لينا
الموضوع ده انا عرفته هنا من عضوه فى المنتدى بس مش فاكره اسمها ربنا يجازيها كل خير
الميزه فيه ان الواحده ممكن تعمل الكريم بالمكونات اللى شعرها بيتحسن عليها مش هطول عليكم هاقولكم الخطوات
واعذرونى عشان ها اجيب الصور من النت بس صدقونى النتيجه روعه
اولا نجيب علبه فازلين طبى من الصيدليه تقريبا ب5 جنيه
نحطه فى طبق كبير استانلس او زجاج ونحطه على حمام ميه
عشان يسيح وان كان عندى زبده الشيا ضفت معلقه منها على الفازلين ودى اختيارى انا عملته قبل كده من غيرها وبرده كان روعه
تانيا بمجرد مايسيح الفزلين نشيله من على النار ونبدأ نحط الزيوت اللى بنرتاح لها زى انا حطيت حوالى نص كوب من زيت الزيتون
وحطيت كمان زيت الخروع نص ازازه وممكن تضيفى زيت حوز الهند او غيره (اللى بتفضليه)
ثالثا ضفت 6 كبسولات فيتامين e
وبعدين قلبت الخليط كويس جدا وعبيته فى برطمان نضيف
وسبتها لما بردت بقت شكل الكريم
وممكن تحطيها فى التلاجه لو مستعجله
بجد يا بنات جربوه وكل مره حطى زيوت مختلفه وجربى والله جميل للشعر وبيدى لمعه حلوه للشعر ويخليه ناعم وان كنتى عايزه تضيفى ريحه حلوه له ممكن تحطتى كام نقطه من اى زيت عطرى بتفضليه
وان كمان كنت بحط ساعات امبولات الصبار
جربوه ومش هتندموا بس امانه عليكم تدعولى انى ربنا يغفرلى ويباركلى فى زوجى واولادى واخس واوصل للهدف اللى نفسى فيه
لا تبخلوا من الرد اترككم فى امان الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
رفع
__________________________________________________ __________
>>>> الرد الثاني :
,,,,,,,,,,,,,,,
__________________________________________________ __________
>>>> الرد الثالث :
https://uploads.sedty.com/imagehosti...1361581533.gif
__________________________________________________ __________
>>>> الرد الرابع :
جزاك الله خير
__________________________________________________ __________
