تجهيزات عرايس مصر (الجزء الاول) عروستنا
عنوان الموضوع : تجهيزات عرايس مصر (الجزء الاول) عروستنا
مقدم من طرف منتديات العندليب
تجهيزات عرايس مصر (الجزء الاول)
السلام عليكم ورحمة الله و بركاتة
فكرة التجهيزات دى ان كل بنات مصر المقبلات على الزواج يعنى اللى فرحها قرب او خطوبتها كتب كتبها و عندها اى استفسار بخصوص تجهيز شقتها و عفشها و لبسها ..... الخ اى استفسار و البنات تساعد بعدها وكل واحدة تعرف حاجة بخصوص اسعار اجهزة او ملابس او اى شىء يخص العروسة تدخل تفيد اخوتها العرايس
ومثلا اشتريتى حاجة جديدة و عاوزة تخدى راى البنات ممكن تنزلى صورتها و احنا نقولك رانا و نفيدك و كلنا نفيد بعض بافكار و نفرج بعض على حاجتنا الجديدة
مثلا لو محتارة فى شكل غرفة نوم معيشة صالون سفرة اى حاجة تدخلى هنا و تسالى و احنا نقولك راينا و نفيدك و تفدينا https://3andlib.xplainer.net/images/smilies/icon18.gif
كل عروسة فرحها قريب خطوبتها قربت تدخل نقولنا المعاد بتعا الفرح او الخطوبة او كتب الكتاب علشان نعمل جدول للعرايس
يعنى مثلا
عرايس شهر مارس
فرح فلانه يوم 25\3\2016
خطوبة فلانه يوم 28\3\2016
كتب كتاب فلانه يوم 27\3\2016
وكل شهر نكتب العرايس اللى حتتجوز او حتتخطب او حيتكتب كتبها فبة
التعليمات للمشاركة فى الموضوع
عدم الدخول فى درشة او حوارات جانبية
عدم وضع عناوين و ارقام تلفونات
(اى استفسار عن عنوان محل او رقم تلفون يكون على الخاص) مسموح فقط بذكر اسماء المحلات و الاسعار فقط
عدم تجاوز حدود الكلام (يعنى محدش يغلط فى حد)https://3andlib.xplainer.net/images/...6-ehrx1i9o.gifhttps://3andlib.xplainer.net/images/...6-ehrx1i9o.gif
سورة الأنفال " لو أنفقت ما فى الأرض جميعا ما ألفت بين قلوبهم و لكن الله ألف بينهم إنه عزيز حكيم" (63)
سورة الروم "و من آياته أن خلق لكم من أنفسكم أزواجا لتسكنوا إليها و جعل بينكم مودةً و رحمةً إن فى ذلك لأيات لقوم يتفكرون"(21)
سورة الذاريات "و من كل شئ خلقنا زوجين لعلكم تذكرون "( 49)
سورة القصص "و ربُك يخلق ما يشاءُُ و يختارُ ما كان لهم الخيرةُ سبحان الله و تعالى عما يشركون " (68)
سورة الانسان "و ما تشاءون إلا أن يشاء الله إن الله كان عليماً حكيماً " (30)
سورة الأنبياء "لا اله الا أنت سبحانك انى كنت من الظالمين "(87)
سورة النبأ "و خلقناكم أزواجا "(8)
سورة الفرقان "ربنا هب لنا من أزواجنا و ذرياتنا قرة أعين" (74 )
سورة الأنبياء "ربى إنى مسنى الضر وأنت أرحم الراحمين "(83)
سورة يوسف " إنما أشكو بثى و حزنى إلى الله وأعلم من الله ما لا تعلمون "(86)
سورة الأعراف " هو الذى خلقكم من نفس واحدة وجعل منها زوجها ليسكن إليها"(189)
يا حى يا قيوم برحمتك استغيث
- لا حول و لا قوة الا بالله
اتمنى الموضوع ينال اعجبكم
مع السلامة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الموضوع وحش ولا اية
__________________________________________________ __________
>>>> الرد الثاني :
موضوعك حلو اوى اوى
وانا مخطوبه
وان شاء الله هجوز لما اخلص بس لسه ماحددناش امته يعنى لما اخلص دراسه ان شاء الله يعنى السنه الجايه ان شاء الله
__________________________________________________ __________
>>>> الرد الثالث :
فكرة حلوة يا قمر
__________________________________________________ __________
>>>> الرد الرابع :
لو عندك اى استفسار اسالى اكيد انت ىبتجهزى دلوقتى
__________________________________________________ __________
>>>> الرد الخامس :
فرحي بعد العيد الصغير
وأنا مش عارفه أعمل إيه
ياريت حد يساعدني ويكون له الاجر
يعني أبدأ أعمل إيه مع خطيبي نتكلم في ايه؟
الشقه؟
العنايه الشخصيه إزاي ؟
أنا رفيعه وعايزه أسمن شويه ؟
عندي حبوب في البشره تظهر مع كل دوره ؟
أنا بشتغل ومافيش عندي وقت ؟إلا الليل
مش عايزه أخاف من خطيبي ؟
عايزه أفهمه أكتر وأعرف كل شئ عنه من غير مايشعر أني بأخذ منه معلومات ؟؟؟؟؟؟؟؟؟؟؟
أنا مافيش عني خبره للان دي أول راجل وأول حب في حياتي
https://3andlib.xplainer.net/images/...8-dbttwedi.gif https://3andlib.xplainer.net/images/...8-dbttwedi.gif https://3andlib.xplainer.net/images/...8-dbttwedi.gif
ياريت اللي عندها أي معلومه أو أي خبره ترد عليا
ماتبخلوش عليا بردكم
أنا حقيقي محتاجه لكم
هتقفوا جنبي ولا هاتسبوني ؟؟؟؟؟؟؟؟؟؟
https://3andlib.xplainer.net/images/smilies/rose.gif https://3andlib.xplainer.net/images/smilies/rose.gif
أنتظر ردكم عليا
صدقوني لكم الاجر من عند الله
أحبكم في الله
أنتظر مشاركتكم .......أحبكم
