||... كـل عـروس تبي تصير امــيرة ف زوآآجهــآ ... | عروستنا

عنوان الموضوع : ||... كـل عـروس تبي تصير امــيرة ف زوآآجهــآ ... | عروستنا
مقدم من طرف منتديات العندليب

||... كـل عـروس تبي تصير امــيرة ف زوآآجهــآ ... |



السلام عليكم ورحمه الله وبركاتهـ

اول شي الموضوع شوي كبير بس كتيرررر مفيد والي ما بتقرأو كلو راح نص عمرها وبتمنى من المشرفات التثبيت لانو موضوع يستحق القرأه والتثبيت

انا جايبة لكم موضوع مره مفيد
لكل عروسة
وحبيت افيدكم فيه ...
وما راح يكون عندك ان شاء الله اي حيرة
وهو عبـآرة عن اجزآء مهمه لكـل
عروسهـ سوآء وقت الفرح وعندمـأ تكون
في مملكتهــآ الخاصه <<مالكم بالطويلهـ
خلينـآ ننتقل للأجزآآء




الأجزاء راح تتكلم عن :




1- الاشياء اللي على أي بنت تسويها قبل الخطوبه.




2-الاشياء اللي لازم تسويها عند خطبتها.



3- التجهيز للملكه.



4- ايام الملكه.



5- التجهيز بالتفصيل الممل



6- العنايه بالجسم



7- ترتيب الشنط والاشياء اللي تسوينها فبل زواجل بيوم



8- ليله الدخله والصباحيه



10-نصائح مفييده جدا ومسك الختام




وان شاء الله راح ابدء انزل لكم الأجزاء
وان شاء الله الاقي منكم تفاعل ياعرايس



واي وحده عندها فكره او معلومه
شافتها من مكان آخر او نصيحة لا تبخل فيها ..



ولا تنسون إن هالموضوع مفيد جدآ
ومنقول لما فيه من فائدة لعيونكم الحلوة


**



يــــتــــبـــع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الجزء الأول

الاشياء اللي على البنت تسويها قبل الخطبه
وهي تنقسم لاقسام

1-علاقه البنت بربها


أي بنت تبي ربي يوفقها ويرزقها باللي تبي
تتقرب الى الله (اكيد كلكم تصلون وتصومون)
لكن فيه أشياء نهملها احيانا وهي
#الصدقه# تراها دفع بلاء
#الدعاء# وخاصه في الثلث الخير من الليل
يابنات ربي بعزته وجلاله ينزل الى السماء
الدنياعشان ندعي والوحده ولا همها
ما تكلف نفسها تروح تصلي ركعتين
نصيحتي قومي من نومك قبل اذان الفجر
بنص ساعه وتوضي وتجهز مكان هادئ
والضوء خافت وتلتجأ الى الله تقرا لو
صفحه واحده من القران وتصلي ركعتين وترفع
يدينها للسماء تستغفر لذنوبها وتدعي الله
جربوها صدقوني اللي يصير انشراح
بالصدر وشعور غريب وحلو
ولا تنسين وانت تدعين تخيلي
الجنه تنتظرك باذن الله..
# الابتسامه# اولا صدقه
ثانيا تخلي الوجه احلى وترفع الخدود


2- علاقه البنت مع جمالها وجسمه
- حافظي على نظافتك بشكل دقيق
وخلي ريحتك دايم عطره
-سوي لنفسك جدول للعنايه بالبشره
والشعر ولا تهملين الرياضه.
- رطبي جسمل طوال اليوم خاصه بعد الشور
وخلي اخر مويه تنزل عليك بارده عشان الجسم ينشد
- النوم وما ادراك ما النوم لازم تامين بالليل
(علمي روحك) انا اذا نمت باليل وصحيت ياي
تقولون ملكه جمال بس تدرون وين السر
انه يكون نوم ليل
وانك تكتفين يعني تشبعيناهتمي بنظافه اسنانك
واي مشكله من البدايه روحي لطبيبه
بالنسبه للمكياج واللبس كل واحد وذوقها لكن لاحظي
مكياج الصباح والليل يختلفون
ملابسك قللي الالوان الغامقه وكثري الفاتحه خليك زي
الفراشه البسي الي يناسب عمرك وجسمك

3-عنايه الفتاه بالمنطقه الحساسه

فيه نصائح لازم تمشين عليها
1- لاتمشين على شي بارد وانت حافيه القدمين
2- لاتجلسين على شي بادر
3- لا تحملين شي ثقيل مهما كان
4- اذا جت الدوره البسي فوق الكلوت شورت
اوبنطلون لازم ولا ترى يدخل الهواء والبرد
ويسببون لك مشاكل واشربي يانسون
قرفه شمر بس لا تكثرين
5- قللي من الزبادي والباميه والاشياء اللزجه
وكثري من الخضروات والفواكه
-اهتمي بنظافتها وبعد الدوره حطي
مسك

4- التغذيه
باختصار خلي غذائك متكامل وشوفي البشره المتغذيه
( هالنقطه راح اتكلم عنها بعدين)


5- شخصيه الفتاه وعلاقتها بالمجتمع
-خليك مبتسمه دائما وعودي نفسك
-كوني ذوق مع الناس ودبلوماسه بتصرفاتك
وكلامك واذا طلب شخص منك خدمه
اذاتقدرين .. قدميها بطيب نفس وكلام حلو
اذا ما تقدرين.. اعتذري باسلوب راقي
-حاولي ما تنامين واحد زعلان عليك او انت
زعلانه على احد
-مشيتك لازم تكون راكزه وكتوفك مرفوعه وراسك
لقدام ومشيتك كلها نعومه وانوثه
- ثقي بنفسك مهما كانت عيوبك حاولي تعدلينها مو
تفقدين الثقه( اللي يمشي واثق يمشي ملك)
-خلي صوتك دايم هادي وكلامك قليل ومفيد
ولا تقاطعين احد بكلامه
واذا تكلمتي مع مجموعه لا تقدمين راسك خليك ثابته
وكلامك شوي شوي.
انتبهي لطريقه اكلك وتعلمي الاتكيت.
ثقفي نفسك بكل المجالات ولو معلوات بسيطه
وكثره القراء بتغير من شخصيتك للافضل بدون ما تحسين
ثقفي نفسك بامور الزواج وخلي المعلومات
توصلك من اماكن موثوقه ومحترمه.



انتهى الجزء الأول
يــــتــــبع
__________________________________________________ __________

>>>> الرد الثاني :

الجزء الثاني / الاشياء اللي لازم تسويها عند خطبتها

اول خطوه مو عليك هاذي على اهلك..
السؤال لازم اهلك يسألون عنه كويس حتى لو كان قريبكم
(في المسجد..جيرانه.. زملائه في العمل واصدقائه )
صدقوني هالخطوه مهمه مويومين او ثلاث وتقولون ايه زين
(ترى اذا فات الفوت ما ينفع الصوت)
وعلى فكره الوسامه والمركز الاجتماعي وكثره المال
مو هي اللي بتخليه يسعدك لاكن اذا كان زين
والاشياء او بعضها فيه خير على خير
بس صدقوني وهالكلام يعرفونه المتزوجات
اهم شي الاخلاق والدين
اهم شي صدقوني


ثاني خطوه..

والله سألتوا عنه وطلع الرجال زين وصار فيه
ارتياح نفسي مبدئي تروحين حبيبتي توضين وتفرشين
السجاده وتصلين وتستخيرين الله يعني تدعين
( اللهم اني استخيرك بعلمك واستقدرك بقدرتك واسألك
من فضلك العظيم فانك تقدر ولا اقدر وانت تعلم
ولا اعلم وانت علام الغيوب
اللهم ان كنت تعلم ان زواجي من فلان خير لي
في ديني ودنياي وعاقبة امري فقدره لي ويسره
لي ثم بارك لي فيه وان كنت تعلم ان زواجي
من فلان شر لي في ديني ودنياي وعاقبه امري
فاصرفه عني واصرفني عنه واقدر لي الخير
حيث تشاء ثم بارك لي فيه) ادعي وانت خاشعه وبعدها
ان حسيتي براحه توكلي على الله ووافقي
وان حسيتي بضيقه صدر الله يرزقك غيره
واذا ما حسيتي بشي توكلي على الله واذا مو
خيره ربي راح يصرفه عنك

ثالث خطوه
.. الان تمت الموافقه تجي النظره الشرعيه
-لاتبالغين في شكلك بعدين ينصم فيك بعد
الزواج ويمكن يسمعك كلام ما تحبين تسمعينه.
-الشعر سرحيه تسريحه حلوه وبسيطه اهم شي
مايكون على وجهك عشان يبان الوجه واذا شعرك
مو ناعم لا تستشورينه الافضل تحطين جل وتجعدينه
وتحطين ورده صدقيني بيطلع حلو وخليك طبيعيه احلى.
المكياج .. ان كا ن ولا بد فاونديشن خفيف..
ولا تخفين عيوب وجهك الكبيره
كحل من جوا العين
بلاشر خفيف .. لانه يمكن مع الخوف
يصفر وجهك فيصير تعويض
قلوس خفيف.. وصدقيني مع الابتسامه
الحلوه بتطلعين قمر
وعلى فكره اصلا الرجال الاغلبيه منهم ما يحبون
المكياج الثقيل (بس يموتون بالكحل بدون شدو والقلوس)
اللبس..اهم شي يكون ساتر
ترى مو محرم لك وتذكري ممكن أي شي تسوينه حرام
يكون سبب لعدم توفيقك .. الله يوفق الجميع
المهم اللبس زي ما قلنا ساتر+غير مبالغ فيه
لكن هنا يجي الذكاء .. يعني هنا البسي احلى
ماعندك وعلميه انك تعرفين الذوق والشياكه
وبكذا راح يشوفك طبيعيه وانيقه




اذا دخلتي مو على طول تناظرين لا ادخلي بحياء
(بس مو عاد مره تمصخونها) وخليك واثقه
( بالمختصر طبيعيه) واذا جلست شوي بعدين
ارفعي وجهك شوي وناظري فيه بس خليك
خجوله ومبتسمه ترى يموتون
في البنت البشوشه مو اللي كن عمرها 70هموم
الدنيا فوق راسها ويمكن مع ابتسامه حلوه
ونظره حلوه منك يطيح في حبك
-البعض عند النظره يسأل البنت كم سؤال
عالطاير عشان يسمع صوتها وياخذ
لو فكره عن تفكيرها عشان كذا
- لا تخلين خجلك الزايد يمنعك من الكلام بس خلي
اجوبتك واضحه ومختصره والصوت
واضح لاكن واطي وكله انوثه
وبالتوفيق للجميع



((( الحين كل بنت بتنخطب تروح تسوي بروفات )))
خلص الجزء الثاني

ملاحظهـ بسيطه:دعاء الإستخارة
استخدميه ف اموركـ كلـهـآ مو بس زوآج
ودرآسه حتى لو تستخدمييهـآ للناس

يــتـــبع
__________________________________________________ __________

>>>> الرد الثالث :

الجزء الثالث / التجهيز للملكه

بعد الخطوبه والموافقه التامه يتم تحديد
(عقد القران) فيه ناس تكتب العقد لكن مايشوفون
بعض الا ليله الدخلهفيه ناس لا عادي تكلمه وناس
تطلع معاه مع وجود اطفال معهم
وفيه ناس تسوي حفل (عائلي ,صغير.كبير نوعا ما)
المهم احنا راح نفرض انها راح تسوي حفله وتشوفه
وش الاشياء اللي راح تسويها



-اول شي تحجز لها فستان وجزمه<<الله يكرمكم
سواء تفصيل او جاهز ويفضل انه يكون فاتح ويبين
انوثتها ونعوم لان البعض يمشي على الموضه
واحيانا تكون الموضه فضفاضه من فوق او فيها حركات
(وهالاشياء تنفع اذا كانت معزومه وبتوري الناس كشختها
وانها تعرف الموضه )لاكن الرجال صدقوني ما تعجبهم
هالاشياء وهنا المهم زوجك اولا واخيرا

-تحجز الكوافير اللي راح تسوي مكياجها وزي
ما قلنا المكياج الثقيل ما يعجب الرجال وحتى
انا شخصيا ما يعجبني الروج خليه فاتح نصيحتي
والعين بدعي فيها بس بذوق
التسريحه كل واحد وذوقه وشوفي وش
الدارج بالتسريحات واللي يناسبك

-تشتري الطقم اللي بتلبسه سواء اكسسوار
( البعض يفضله مثل شوار فسكي)
اوذهب او ماس كل واحد وعاداته

-حجز المصوره للي تبي

-حجز الحلويات والعصائر والقهوجيات

حجز المكان اللي راح تسوون فيه الحفل
(اذا مو بالبيت) والعشاء طبعا من المطعم

-والطق حسب اختــيـآركـ

-تكثف العنايه ببشرتها هالايام

تشتري لها عطر يهوس
قبل الملكه بيوم

-تروح مركز او مشغل موثوق(افضل المركز)
تشيل شعر جسمها
تنظف البشره
بديكير ومناكير
حمام زيت
وترجع البيت تشرب لها عصير وتناام

نفس اليوم

العصر تاخذ لها شور محترم وتفرك جسمها
بالسكراب او ليفه( بس انتبهو لا تقطعون اجسامكم)
بعدها نشفي جسمك تنشيف خفيف
(وحطي مرطب وهو لسه رطب لانه يحبس
الرطوبه فما يجف جسمك)
المهم بعدها رشي البودره على جسمك
وتبخري ورشي العطر على جسمك وملابسك
وروحي للمشغل يسووون لك الميك اب والتسريحه
وبعدها شيلي شلايلك وروحي البيت او الاستراحه
او القاعه او الفندق(كل واحد وعاداته)
والبسي وخذي لك كم صوره مع المعرس
ونسقي مع مشرفة القاعه عن طريقة الزفه
واذا فيها لبس دبل وكيك
وفكري فيها اول ماتحددين يوم الملكه عشان مايصير لخبطه
وحوسه بيوم الملكه .. ويطلع كل حاجه مرتبه..

الجزء الرابع / نتكلم عن ايام الملكه

1) اللبس

خلييييييك شيك على قد ما تقدرين غيري من
تسريحات شعرك غيري من المكياج غيري بس
اسلوب لبسك خليه يشوفك في كل مره اميره جديده
طبعا بيموت عشان يشوفك لابسه مشخلع ومفتح
من ناحيه الدين ؟ يجوز
من ناحيه العادات.؟ كل وحد وعاداته بس لكل شي
حد يعني ممكن كت او شويه من الصدر اوالظهر
ممكن بناطيل وخلافه ترى صار زوجك بس
موعاد كنك لابسه قميص نوم لا ترى كل شي
له حد على الاقل احترمي حرمه بيت اهلك
وانا قلت تلبسون كذا بس من فتره لفتر
ه لزوم التشويق وغض البصر عن غيرك
طبعا الايام الاولي البسي ساتر
وخليك فتره حتى لو طلب بعدها فاجئيه بلبس
من اللي قلت عليهم وشوفي الاطراء
وهكذا فتره تستري وفتره لبس دلع عشان ما يطفى
وطبعا قبل الزواج بشهر ونص كم طويل لانك
راح تخلين الشعر من دون شيل استعداد للعرس





2)علاقتك معاه

اولا قسمي الفتره من عقد القران الى موعد الزواج الى3اقسام:



الفتره الاولى..

خليك هاديه على الاخر ورسميه شوي وغامضه
وصدقيني كذا هو راح يتكلم بما انك ساكته
ولراح تعرفين شلون يفكر عشان بعدين تعرفين
وش تقولين وما تندمين على شي قلتيه
وعلى فكره الرجال مهما كان متفتح يموت
على الغامضه والثقيله يبي هو يعرف يطلعها
من غموضه وهذا اللي راح يصير في الفترات
الثانيه وبكذا عشان يحس بقدرته الكبيره وبكذا
يحبك اكثر ويلاحقك اكثر عشان يفك الغموض
اذا قال نكت اكتفي بابتسامه مع ضحكه صغييييره
بس انتبهومو تكشروون لا خليكم بشوشات
اذا ناظر في وجهك يتفائل بالمستقبل


الفتره الثانيه...

وسط بكل شي يعني تسولفسن وتاخذين راحتك
بدون تعمق بس لا تطولين الهرج بعدين يمل خلي
شوويه غموض واذا قال نكت
عااااادي اضحكي من قلب بس خلي ضحكتك انثويه
يعني طبيعيه وبحدود


الفتره الثالثه..

خلاص قرب موعد الزواج تناقشي
معاه بااسلوب حلو حاولي تفهمينه اكثر
ممكن تنكتين تورينه خفه دمك براحتك
ممكن تتناقشون في اشياء خااصه
بس لا تتعدين حدودك
<<خخخخ



الرسايـل


الفتره الاولى ..

في البدايه خليه هو يراسل لفتره
بعدها ابدي برسايل عاديه وبريئه

الفتره الثانيه..

رساااااااايل حب شوق عتااب وهكذا
بس حاولي 60% هو اللي يبدا و50% انت


الفتره الثالثه..

عــآد تمــآدي زي ماتبغى <<خخخخ






الطلعه معاه اذا عالعادات عندكم

اذا طلب منك تطلعين معا اوكيه بس بشرطين لا تتنازلين عنهم
1- علم الاهل
2- تاخذين معاك اختك او اخوك الصغير


ولا تسمحين له باي حال من الاحوااااال
انه يسوي معك حركاات الي بالي بالكم


التقديم

طبعا اذا جاء عندك انوااع العصيرات والحلى وتفنني في الكابتشينو
صيري مبدعه وبايدينك وخبريه انك انت اللي مسويتها
اللي ما تعرف لاتقول ما عرف المنتدى مليان
واذا كان بيتعشى عندكم انتي سوي العشى
صدقيني راح ينبسط كثير


المفاجأت

ممكن تسوين حفله خاصه في البيت بسبب
شي زين صار له واذا مافيه سبب قولي بدون سبب بس لعيونك
وطبعا تجيبي كيكه وعصير وتقعدوون على اضواء الشموع
ولاتنسين تفاجئينه بهديه حلوه
__________________________________________________ __________

>>>> الرد الرابع :

هذآ الجزء طويل بس مفييد

الجزء الخامس/ التجهيزات
[-زات


وراح نتكلم عن الحجوزات بشكل مفصل لكن قبلها راح اعطيك كم نصيحه كل ما التزمتي فيها اكثر
راح يتبارك المهر وتخلصين في وقت قياسي وانت راضيه عن الجهاز وبفس الوقت يقل اثار التعب عليك

قبل كل شي تصدقي بمبلغ بسيط
وبعدها اشتري دفتر وقلم وحددي

مهرك وكم راح تصرفين منه
( افضل تبقون لومبلغ بسيط لك في البنك ما تدرين عن المستقبل) وتكتبين كل الاشياء اللي راح تشترينها
من الالف الى الياء حتى اذا بتروحين
لاخصائيه بشره احسبيها مو بعدين
تتوهقين وسوي لها ميزانيه ولو تقريبيه
وكل ما حجزتي شي او شريتي حطي جمبه
المبلغ اللي دفعتيهوبكذا كل شي راح يكون مرتب.

انا قسمت لكم التجهيز ابدي بالاهم ثم المهم
وهكذا يعني 3ايام للمكياج واسبوع
للبس الطلعه وهكذا وبكذا راح
تخلصيين بسرعه ما تتوقعينها.


3)اهم نقطه كل مره تروحين فيها السوق
تاخذين من المبلغ ولو5 ريال تتصدقين
فيها وشوفي البركه شلون راح تحل عليك.

وانت رايحه السوق خلي معاك مويه
وعصير على طول الخط وبين فتره
وفتره اشربي والتعب راح يروح
وما راح يبين عليك الارهاق.


قبل ما تروحين السوق لازم يكون
عندك خلفيه مثلا .. تبن عطور
يكون عنك لسته بالعطوور اللي مجربينها
البنات ومادحينها بقوه كذا تختصرين عليك وقت ومجهود.


اول ما ترجعين من السوق على طول
خذي لك دش وفركي جسمك خفيف
باليفه مع الشور جل او قشريه بالسكراب بحركه دائريه
( انتبهو لا يحمر الجسم من الفرك ولا ترى يقلب سمار)
وقشري وجهك بسكراب خفيف
واذا طلعتي دهني جسمك حتى اخمص
القدمين وحطي عسل على وجهك و
شفايفك وحطي خيار على عيونك
واسترخي نص ساعه وبعدها غسلي
وجهك وحطي مرطب مع مساج خفيف
وبعدها اشربي عصير فرش وتعشي عشاء صحي
بعدها روحي توصي وصلي ركعتين
وادعي الله بانه ييسر لك امورك ويحبب زوجك
(وراح اكتب لكم ادعيه تفيدكم ان شاء الله في نهايه الموضوع )
وبعدها اقري قران او كتاب يفيدك او
اختاري موديل العرس اذا لسه ما اخترتيه من البرد

الاشياء اللي
يبي لها حجز واذا خلصت منها اعتبري
نفسك خلصتي من نص التجهييز وهلالشياء البعض منها على اهل المعرس لاكن لازم تشيكين عليها.


اشتري لك ملف صغير عشان تحطين
فيه الفواتير عشان ما تضيع.

الذهب
من بدري اشتريه واخلصي منه واذا كان
غالي ممكن تحطين فلوسه على جنب
ولا تجينهم واذا رخص اشتري

القاعه
على حسب ناس بالبيت وناس باستراحات
وناس قاعات وناس فنادق
شلون تختارين
قدري عددالمدعوات للحفل
مري على القاعات او يمر احد اخوانك
او انت والعريس على كم قاعه وشوفو
اللي يناسبكم من حيث الخدمات والاتساع والسعر المناسب لكم.
حددو موعد الزفاف.
وتاكدي من كل شي بنفسك.
عشان النواقص انت تدبرينها.
طباعه كروت الدعوه
طبع بعد ما تحددين الزواج تروحين سيده
على المطبعه وتختارين الكروت
ولفي حول 5مطابع معروفه
وواثقه منها وشوفي الاشكال الجديده
والاسعار والعروض ولفيهم بيوم واحد واليوم
الثاني تكونين قررتي الشكل والعددواتفقي
مع المحل يسويهم لك

الطقاقات
وهذي برضو شوفي ناس معروفين
وطقهم زين واهم شي ما يكونون
حق مشاكل واحجزيهم على طول و
عطيهم العربون وخذي مهم وصل عشان تحفظين حقك.


الكوشه + المسكه + الطاولات+الممر
+ الفوفل + الهدايا + شريط الزفه +
حركات الزفه+الاستقبال ...الخ

هادي المجموعه مو شرط كلها تسوينها
اهم شي الشريط والكوشه والمسكه
انا اقترح انها تكون من محل واحد عشان
ترتاحين من اللف والدوران من جهه ومن
جهه اخرى عشان يسوي لك خصم
خذي لك لفه على 10 محلات موثوقه
واسعارهم معقوله وتناسبك وخلي دفترك
معاك وكل ما تروحين محل اكتبي اسمه
والاشياء اللي عنده والاسعار وبعدها
توكلي على الله واحجزي

البعض يكون عندها او عند اختها موهبه
وذوق فممكن تصمم لها كوشه خاصه
وتوديها للنجار او ممكن تسوين الفوفل
والهدايا في البيت ترى ما يبي لها شي
اهم شي الترتيب والذوق بغض النظر
عن انه غالي او رخييص




الهدايا1ممكن ورد طبيعي .
2ممكن شوكولاته مغلفه بقماش الاورجنزا

الحركات
1) تسوين هديه للام
2) ممكن عند المدخل تسوين قلب من الفلين
ويتغطى كله بالورد وينكتب عليه بالورد
بس بلون مخالف اسمه واسمك
3) طبعا ممكن يكون كل العرس بديكور واحد
والمضيفات لابسات شي يوحي بالديكور
وهناك الكثير من الافكار عند اصحاب المحلات


**... يضايقك لبس المدعوات الغير محتشم ؟؟::

ارفقي مع بطاقة الدعوة عبارة
(( الرجاء الالتزام بالزي الاسلامي الحتشم منعا للإحراج ،))
كذلك لا تنسي أن تكوني نموذج أنت وعائلتك للزي
المحتشم وبإذن الله تقللين من اللبس الفاضح

** نظمي مع لجنة خيرية تستقبل فائض أطعمة
الولائم لتوزيع باقي العشاء على المحتاجين .


** لا تنسي رعاك الله استضافة داعية بشوشة
لتلقي خاطرة بسيطة لا تتعدى ثلث ساعة
حتى يتعطر الحفل بذكر الله .


** حبذا لو اجتمعت الفتيات من العائلة لضرب
الدف والإنشاد فهذا أفضل من الاستئجار أو الأشرطة.


** إذا كان الحفل في بيتك - وهذا أفضل لك -
وأنت متضايقة من زحمة الأطفال ، أنصحك
بوضع تلفاز وفيديو في غرفة بعيدة عن الحفل
وتضعين لهم فلم كرتون إسلامي جديد في التسجيلات
حتى ينجذبون إليه وادعيهم إلى المشاهدة لكن
انتبهي إياك أن تكون الدعوة إجباريا
** وزعي شريط خاص بالمرأة بتغليف أنيق
غير متكلف مع شوكلاته وكرت أذكار الصباح
والمساء، ولا تنسي إهداء العاملات أشرطة إسلامية بلغاتهم





__________________________________________________ __________

>>>> الرد الخامس :

خيراأختي لا تنسي التخطيط لحفلتك لتنظيمها فأنت
ترين %D
ترين عرسا مجهز بأفخم التجهيزات لكنه فوضوي لماذا ؟؟؟
السبب غياب التنسيق والتخطيط

وأقصد بالتخطيط :::
أحضري قلما وورقة
حددي من يساعدك من أخوات وقريبات
حددي لكل واحدة الإشراف على شيء معين فمثلا::
شذا على العصير
مريم على توزيع الأشرطة .....الخ
ويكون لكل واحدة فريق عمل سواء عاملات أو قريبات
وهذا يساعدك عشان ما تصيحين مثل النحلة ويدوخ راسك

وبعد ان انتهيت من الافكار وانا عارفه ان كل
وحده الحين بطلع من راسها عشرات
الافكار التزمو بالبعد عن المعاصي
وبعد ما تخلصين حطي اشاره
عليها في دفترك عشان ترتاحين
لا تصعبونها اسبوع وبالكثير تخلص
لا تنسون الفواتير

فستان العرس والطرحه والجزمه<<الله يكرمكم
طبعا وانت رايحه تشوفين الكوش ممكن
تاخذين يعني اول ما تبدين باللف مري على
السوبر ماركت واختاري لك كم مجله
واختاري الموديل اللي تبينه للعرس
وايضا فساتين السهره اللي تحتاجينها
(لا تكثرين عن 2) وفستان الصباحيه
( واللي افضل يكون كله نعوووومه)
بعد ما تختارينها وتخلصين من كل الاشياء
الي كتبت عنها فوق تروحين السوق وتشترين
الاقمشه ويفضل يكون معاك احد ثقه بالذوق
وويعرف يكاسر بالسعر عشان تستشيرينها
وتقلص عليك الوقت
وبعد ما تشترينها مري خذي لك جزمه للعرس
وفساتين السهره وعلى طول علاخياطه وفكي
عمرك ولا تنسين الفاتوره وموعد البروفه.
او ممكن مصممه هي تسويها لك مع
التفصيل وبكذا ترتاحين. صح

الحلويات+ المعجنات+العصيرات (التقديم)

برضو خذي لك لفه على سبع محلات معروفه
وشوفي انتي تبين توزيع او على الطاولات
وخبريه بعدد المعازيم وعدد الطاولات وهو راح يساعدك
ممكن على كل طاوله نص كيلو من الحلى والمعجنات
وتمرين بالعصير والكيك
كل واحد وذوقه


اهم شي في يوم واحد خصصيه لها الشي
واكتبي اسماء المحلات اللي بتمرينها من بدري
ومعاك ورقه فيها التفاصيل اللي تبينها وراح تخلصين بيوم
مع التخطيط كل شي يمشي


الكوافير+ المصوره+ اللي بتشيل لك حلاوه

اولا الكوافير .. شوفي السعر اللي يناسبك
واختاري 5 مجربات واحجزي عند وحده ولازم
تسوين بروفه او ممكن تشوفين شغلها على وحده
او اذا مشغل ممكن تروحين بس تناظرين شغلهم
اذا ok احجزيها بسرعه قبل ما تقول لك انا محجوزه..
وخذي منها وصل عشان ما تلعب عليك وتوهقك
اكتبي رقمها بالجوال والدفتر واكدي
عليها قبل باسبوع من العرس وقبل بيومالمصوره.. نفس الشي مري على4مصورات
الي تشوفين اخراجها حلو احجزيها وخذي الوصل
وحددي معاها الساعه ااي تبين تجيك فيها
وحددي عليها بالدفتر

الحلاوه ونقش الحنا..خذي لك وحده معروفه
(يفضل سودانيه لان هذي شغلتهم)
ويفضل بعد اللي تسوي لك دلكه بعد الحلاوه
يفضل قبل الزواج بيومين عشان اليوم
اللي قبل الزواج لازم يكون استرخاء

يا حلوات هالاشياء اللي قلتلكم عليها اذا
خلصتي منها اعتبري نفسك خلصتي الهم الكبييييييير
والاشياء الثانيه حتى شرائها فيه متعه
عشان كذا تفرغي لها تفرغ كاااااااامل
ولا يزيد عن اسبوعين( همتكم)


هذه قائمة بأهم إحتياجات العروس اللي أتمنى أن تكون شاملة
يالله نبدأ:
(الملابس الداخليه)

ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة
(ماركات الملابس الداخليه)
ايتام
شانتيل وافضل للعرايس منها الاطقم الفخمه
التل او الدانتيل المشغول والالوان
الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه
وافضل ستيانه تشد الصدر الكبير هي
PUSH UP
موجوده عند كل الماركات..... انتي بس قوليلهم ذا الكلمة
بس حتى البوش اب في اكثر من نوع
اذا تبغون وين باالتحديد تلاقونها مثلا عند ماركس آند سبنسر