الحمام المغربى للعروسه لتفتيح الاماكن الحساسه ليلة العمر

عنوان الموضوع : الحمام المغربى للعروسه لتفتيح الاماكن الحساسه ليلة العمر
مقدم من طرف منتديات العندليب

الحمام المغربى للعروسه لتفتيح الاماكن الحساسه




الحمام المغربى للعروسه لتفتيح الاماكن الحساسه بالصور طريقة عمل الحمام المغربى فى المنزل,مكونات الحمام المغربى و اسعارها



طريقة الحمام المغربي بالصور - الحمام المغربي


• يعمل على حفظ حيوية و نضارة الجسم.
• يساعد على تأخر ظهور التجاعيد على البشرة.
• يسهم في إنقاص الوزن، وخروج المياه الزائدة من الجسم، كما يساعد على إذابة الشحوم المترسبة على المفاصل.
• ينشط الدورة الدموية ويزيل الإرهاق العضلي والعصبي.



https://www.hayah.cc/forum/hayahimgc...34216hayah.jpg




المكونات :


1- الليفه المغربي


https://onstk.com/up/uploads/4ca05f92c6.jpg


بتشيل الجلد الميت اللي ملوش لازمه

بمنتهي الهدوء وبدون ماتسبب التهابات ولا اي مشاكل

هتعمل تقشير للبشره والتقشير ده

هيشيل الحبوب بتاعت الضهر

واللي علي الرجل من فوق

واللي بتطلع بعد السويت

والشعر اللي بينبت في الجلد ومش بيطلع علي السطح


***********************************

2 - الصابون المغربي

https://onstk.com/up/uploads/c28853248e.jpg



الصابون ده فيه كل مايمكن انه يفيد بشرتك ويطريها وينعمها ويفتح لونها وينقيها كمان

***********************************

3 - ماء الورد

https://onstk.com/up/uploads/7f658656e2.jpg


و دا بينور بشرتك ويورد لونك كده وتونك ممتاز للبشره وبيستعمل في اخر الحمام المغربي


***********************************

4 - ليمونة

https://onstk.com/up/uploads/fe4fe3a77e.jpg


***********************************

5 - عشبة الداد



https://onstk.com/up/uploads/1624b4d040.jpg



العشبه دي بتفتح كل الاماكن السمرا في جسمك


*****************************************

6 - الطمي المغربي



https://onstk.com/up/uploads/387378675e.jpg

هيتوغل في بشرتك ويشيل الشوائب ويعقم جلدك ويخلي بشرتك حرير والاستمرار هيفتح اللون برده


*****************************************

7 - حجر للكعوب

https://onstk.com/up/uploads/a711fe97f7.jpg


الخطوات بقى يا بنانيت :

1 - عندك اختيارين لو عندك بانيو هتمليه بميه سخنه علي قد ماربنا يقدرك ووتكوني قافله الشبابيك كويس عشان يبقي الحمام مليان بخار والدنيا حواليكي مشبره اوي واتنقعي فيه بتاع ربع ساعه

و لو معندكيش معندكيش يبقي تقفي تحت الدش 10 دقايق ميه سخنه وياريت قبل متدخلي تحت الميه تفتحي الدش قبل الحمام بشويه عشان البخار

اكرر البخار اهم حاجه والميه لازم تكون اسخن حاجه جسمك يقدر يتحملها

* ملاحظه مهمه : انقعي الليفه المغربي لو هتستعمليها لاول مره في ميه سخنه مغليه لمده نص ساعه هي والحجر بتاع الرجلين

هاتي طبق وفيه ميه سخنه مغليه وحطي الاتنين فيها نص ساعه


2 – قومي فضي البانيو بتاعك واقعدي علي الحرف بتاع البانيو وادهني جسمك بالصابون المغربي دهان هيبقي لزج وشكله عامله زي العسل كده مش سايل اوي يعني بس لزج وخليه يغطي جسمك كله


3 – سيبيه علي جسمك من 20 – 30 دقيقه و كل ماتفضلي اكتر طلع نتيجه اكبر


بصي بقي اعملي حسابك الحمام ده علي الاقل بياخد بتاع ساعه ونص بس النتيجه تستاهل الانتظار وهتبقي مدمنه وتكرريه كل يومين تلاته والله وعن تجربه

و ممكن تستفيدى بالوقت دا بانك تعملى لشعرك حمام كريم

وبعدين تنزلى بقي بالحجر علي كعوب رجليك و تفضلى تفركى فيها

وبعد ما تفوت نص ساعة



4- قومي اشطفي جسمك بالميه السخنه كوووويس اوي وشيلي بايديكي كل اثار الصابون تماما بايديكي موش الليفه


5 – دوقتي بقي طلعي الليفه من الطبق اللي كنتي ناقعاها فيه والبسيها في ايدك ودلكي جسمك دواير دواير الاول بضغط خفيفه وبعدها ذودي الضغط علي قد ماتقدري


دلكي وادعكي بانتقام كل الاماكن السودا او الغامقه

الركب – الكعوب – الكوع - مفاصل الرجل - واى منطقة غامقة

واتعاملي بحذر بالغ في المناطق الحساسه او للي جلدها رقيق

ولو ناويه تعملي سويت بعد الشاور ده يبقي دلكي جسمك جامد عشان يعمل سنفره ويسهل الحدوته دي


6 – اشطفي جسمك كويس بالميه هتلاقي جلدك بيلمع من النضافه ياعروسه


7– بسرعه هاتي طبق صغنن حطي فيه معلقيتن من عشبه الداد



بس خلي بالك العشبه دي ماينفعش تتحط علي الوش خاااااااااااالص

المهم تحطي معلقتين منها في طبق وعليه نص لمونه وتحطي عليهم ميه ورد وتعجنيها بيها عجينه نص سايله وحطيها علي جسمك 5 دقايق بالعدد وخصوصااااااااااا الاماكن الغامقه منه



8 – اشطفي جسمك تاني

9 – معلش عارفه انك زهقتي بس النتيجه والله تستاهل التعب وكله يهون من اجل جسم بلاشوائب ولاعيوب ولاايه؟؟؟؟؟؟


هاتي طبق تاني وحطي فيه 3 معلقه كبيره طمي مغربي واعجنيه بميه ورد ونص اللمونه التاني لحد ماتبقي عجينه الي حد ماسائله برده


وزعيها علي جسمك كله وانتظري 10 دقايق المره دي


10 – اشطفي جسمك حلو اوي المره دي بميه دافيه مش سخنه


11 – ياريت لو تحضري ازازه بلاستيك من بتوع الجلانس لو عندك واملي نصها ميه ورد ووربع كوبايه ميه عاديه ونقطتين زيت ورد او زيت ياسمين او زيت لافندر


الازازه ب 5 جنيه وتحطي نقطتنين بس مش اكتر

ورشيها علي جسمك واستني دقيقه ينشف ونشفي جسمك واطلعي ياعروسه



احلي الاسرار بقي :

عارفه دم الغزال اللي بيتباع عند العطار اللي بيعجنوا بيه الحنه

هاتي منه ب2 جنيه بس


وهاتي علبه كريم مرطب وليكن ايفا بالخيار عشان الجسم بيمتصه بسهوله وحطي علي العلبه (هاتي اصغر حجم ) مقدار راس كبريت بالظبط من دم الغزال .

واخلطي الاتنين ببعض هتلاقي الكريم بقي لونه بينك غامق شويه

ودلكي بيه ياقمر كعوب رجليك وياسلام لو تلبسي بقي عليها شراب لحد الصبح


هتصحي تلاقي كعوبك حمرا اسبووووووووووووووووع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممتازة بجد
كنت محتاجة هالموضوع بشدة
لمعرفة كيفية لحمام المغربي
تم تقيييمك
__________________________________________________ __________

>>>> الرد الثاني :

ربي يسعدك
مشكورة على موضوعك
يستاهل تقييم
__________________________________________________ __________

>>>> الرد الثالث :

المشاركة الأصلية كتبت بواسطة ○mΐήỠ82○ https://3andlib.xplainer.net/sedty/buttons/viewpost.gif ممتازة بجد كنت محتاجة هالموضوع بشدة لمعرفة كيفية لحمام المغربي تم تقيييمك

https://www.betek.info/fwasl/wards/i...1586337758.gif
__________________________________________________ __________

>>>> الرد الرابع :

المشاركة الأصلية كتبت بواسطة حبي لسيدتي كبير https://3andlib.xplainer.net/sedty/buttons/viewpost.gif ربي يسعدك مشكورة على موضوعك يستاهل تقييم

https://www.betek.info/fwasl/wards/i...3_imgcache.gif
__________________________________________________ __________

>>>> الرد الخامس :

مشكورة حبيبتي الله يعطيك العافية لكن عشبة الداد و الطمي المغربي ألاقيهم عند العطار ؟