قولولي كيفاش نكونجليو الجلبانة بلا ما تروحلها النكهة ؟؟؟ تدابير منزلية

عنوان الموضوع : قولولي كيفاش نكونجليو الجلبانة بلا ما تروحلها النكهة ؟؟؟ تدابير منزلية
مقدم من طرف منتديات العندليب

راه وقت الجلبانة
قولولي كيفاش نكونجليو الجلبانة بلا ما تروحلها النكهة؟؟؟؟؟
ويلا نقدرو نكونجليو القرنون أيضر الطريقة ان امكن


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم و رحمة الله و بركاته جمعة مباركة للجميع

بالنسبة للجلبانة قشريها و حطيها في قارورات بلاستيكية تاع الماء و اغلقيها مليح و حطيها في المجمد انا درتها العام لي فات و بقاتلي مدة طويلة و ماتغسليهاش لما تحبي تطيبي منها حركي القارورة برك و نزلي الكمية لي حبيتي برك و رجعيها بالخف للكونجيلاتور تقدري تحطي في علب بلاستيك ايضا و اغلقيها مليح ادا مانقطعتش الكهرباع راح تبقى مدة طويلة انا درت منها هادو يومين و اليوم تاني هادا وين نقيتها بالنسبة للقرنون نقيه و كل ماتنقي وحدة حكيها بالقارس مليح باه ما تكحالش و ديريهم في ماء مغلي حوالي2 دقايق و نحيهم صفيهم و شليهم بالماء و خليهم يبردو مليح و حطي في العلب الكمية لي راح تطيبي برك اي كمية حسب افراد عائلتك نتمنى نكون افدتك انا ما جربتوش من قبل بصح هاد الايام درت كمية و لما خرجتها و طيبتها لقيتها رائعة

__________________________________________________ __________

>>>> الرد الثاني :

مشكووووووووووووووورة

__________________________________________________ __________

>>>> الرد الثالث :

بارك الله فيك اختي ام سفيان

__________________________________________________ __________

>>>> الرد الرابع :

السلام عليكم

اختي هاذي طريقتي تحافظي على النكهة و اللون في نفس الوقت

نحط الجلبانة في الماء المغلي 5 دقائق و بعدها في ماء بارد جدا و هذا اللي يخلي لونها الأخضر يقعد كيما راه
نخليها تقطر و نكونجليها نديرها في اكياس الكونجيلاتور **او اي كيس عندك ** و نخليها تقريبا ساعتين ثم نرجها بيدي بش تبقى كل حبة وحدها و كي نحب نستعملها نجبد الكمية اللي نحبها بلا عذاب

و نفس الشي بالنسبة للوبيا مونجتوا

اما القرنون فحذار منوا لانو عند الاحتفاظ بيه في الكونجلي بعد 24 ساعة يتسمم ..يعني ما يتكونجلاش

__________________________________________________ __________

>>>> الرد الخامس :

لحفظ الجلبانة قشريها ودسيها بلا ما تغسليها ومن الأفضل تعمري المقدار اللي تحتاجيه حسب عدد أفراد العائلة في أكياس بلاستيكية
وهكذا تضمني ماتخسرش كي تخرجيها من الكونجلاتور بالإضافة إلى أنها ماتديش بلاصة بزاف خاصة
إذا كان الكونجلاتور تاعك صغير(طبعا نقصد الأكياس الصفراء الصغيرة)