لاثراء المقرون و السباقيتي تدابير منزلية
عنوان الموضوع : لاثراء المقرون و السباقيتي تدابير منزلية
مقدم من طرف منتديات العندليب
السلام عليكم ورحمة الله تعالى
قبل ما نقولكم على التدبيرة نحكيلكم كيفاه جاتني الفكرة وحد النهار برمجت نطيب مقرون للغداء ونسيت باللي ما عنديش البصل https://3andlib.xplainer.net/images/smilies/redface.gif وش درت ?
حليت الثلاجة وسكانيتها جبدت الطماطم تاع الحب والمصبرة وطاحت عيني على الزرودية والجريوات جاتني الفكرة يعوضو البصل
جبت حبة جريوات وحبة زرودية رابيتهم وسنينات ثوم قليتهم مع شوي زيت وزدت الطماطم تاع الحب والمصبرة وورقة رند والتوابل ومرقتهم بشوي ماء اللي طابت فيه المقرون بعد ما صفيتها وهكذا كانت الصوص واجدة وبلا بصل
ومن هذاك النهار وانا نطيب المعجنات والصوص بالبصل والطماطم يعني بالصوص طوماط ونزيدلهم الزرودية والجريوات واذا ما عنديش نبدلها باللفت المهم المعجنات تاعي تولي غنية بالفيتامينات والالياف اللي في الخضر خير ما تكون بالصوص طوماط فقط خاصة للاطفال اللي ما يحبوش الخضر نكلحوهم كيما حالة اولادي.
نتمنى تعجبكم فكرتي للي ما يعرفهاش
واخيرا دعوة خير منكم تكفيني ينولي اللي في بالي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
الله يعافيك اختي
شكرا
__________________________________________________ __________
>>>> الرد الثالث :
https://www11.0zz0.com/2013/05/23/21/229631866.gif
__________________________________________________ __________
>>>> الرد الرابع :
شكرا ليك اختي ماريا
ما عرفت نخلي الموضوع و لا نقلو لقسم الطبخ ؟ ههههههه حيرتيني
__________________________________________________ __________
>>>> الرد الخامس :
مشكورة اختي على الفكرة ان شاء الله نعتمدها لاولادي
وثاني تصلح للاشخاص اللي ما يحبوش البصل
بارك الله فيك
