طريقة حفظ حبات الطماطم تجارب منزلية
عنوان الموضوع : طريقة حفظ حبات الطماطم تجارب منزلية
مقدم من طرف منتديات العندليب
السلااااااااام عليكم https://3andlib.xplainer.net/images/smilies/dj_17.gif
من فظلكم يا أخوات لي عندها طريقة مجربتها في حفظ الطماطم لمدة طويلة يعني حتى للشتاء تقولي عليها
عندي كمية كبيرة منها و موالفة نجمدها فالثلاجة ونستعملها لكن لما يروح الكهرباء أحيانا تولي عبارة عن ماء و تفسدلي https://3andlib.xplainer.net/images/...s/rolleyes.gifhttps://3andlib.xplainer.net/images/...s/rolleyes.gif
ولقيت بعض الطرق فالنت لكن نحوس على طريقة مضمونة وتكونو واثقين منها .. من فضلكن https://3andlib.xplainer.net/images/smilies/1.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وينكم يا نسا وحدة فيكم ما راهي تخبي الطماطم ؟
__________________________________________________ __________
>>>> الرد الثاني :
اختي بصرااااحةانا كنت موالفة بعد غسلها نعصرها من الماء الزايد والبذور ومن بعد نكرفجها او تربيها بلا قشرتها تخبيها في قرعة نضيفة وقشري فصوص ثوم وحطيهم كاملين وفي الفريزر وننصحك بلا ما تديريها في البورت المونجي لاخاطر الهواء يفسدها ليه ليه وانا المنطقة لي ساكنة فيها نستعملو الطماطم بزاف وهادي الطريقة الوحيدة لمفرجة عليا مي قد ما نخبي الطماطم ماتقعدش مي انك تخبيها للشتاء لازم يكون عندك فريقو صغير انا عندي واحد صغير ندير فيه اللحوم والخضر لي بغيت نصبرها وانشاء الله يفيدوك ان كاينة افكار اخرى
__________________________________________________ __________
>>>> الرد الثالث :
ana ya kheti bhalek narslha w nderha fel w ndérha f des saché fel congélateur
__________________________________________________ __________
>>>> الرد الرابع :
أختي احنا في دارنا نديروها كيما هكا
تجبيب الطماطم تغسليها و تقصيها و في كسكاس و تبات ليلة كاملة تقطر
الغدوة تلقاي كمية كبيرة من الماء نزلت منها ( ماء فقط لونه شفاف ) نعمروها في قراعي نتاع بلاستيك و نديرو فوقها كمية معتبرة من الزيت باش تحمي الطماطم و ما يدخلهاش الهواء و ما نغلقوش القرعة أبدا فقط نحطو الغلاقة نتاع القرعة و ندورو نصف دورة للحماية فقط من دخول اي شيء أو الغبرة و نبقاو نرجو القرعة مرة على مرة ( كي نجيو نرجو القرعة تغلقوها مليح باش ما تخرجناش الطماطم) و نبقاو على هذه الحالة فترة و نلاحظو خلال هذه الفترة بلي الطماطم تطلع من الفوق و الماء ينزل تحت على هذيك نرجوها مرة على مرة حتى تمتزج الطماطم مع الماء نتاعها و تصبح مثل الصلصة ثقيلة و منسجمة ( ما تعودش تبان بلي الطماطم مقصوصة تعود تبان كيما المطحونة بصح خاثرة)
لكن هذا النوع من الطماطم يندار في الطبخ في الأول يعني خصها تطيب لأنو فيها الزيت ما تصلحش للفلفل أو كصلصة للعجائن هذوك نحتفظو بالطماطم نتاعهم في المجمد
نصيحة أخيرة يلا جربتوها ما تغلقوش القرعة لأنها تنفجر و ترجع الطماطم في كل أرجاء المطبخ و يصعب تنظيفها
احنا كل عام نديروها يلا حبيتو نصور المراحل و راهو عندي كمية بقاتلي من العام لي فات غادي نصورها إن شاء الله
__________________________________________________ __________
>>>> الرد الخامس :
