كل واحدة تحكي طريقة تسياقها تجاربي
عنوان الموضوع : كل واحدة تحكي طريقة تسياقها تجاربي
مقدم من طرف منتديات العندليب
درت هدا الموضوع باش نزيدو نتعلمو على بعضنا. انا شخصيا نسيق بازيس و جافيل براف و قطرات خل نحك مليح و نجبد بالفروتوار و نمسح انا عندي كارلاج الله غالب اللدار مشي داري و زيد ماكانش وين نرمي الما. المهم كل واحدة تقولنا على طريقتها و واش نوع الصانيبو لي يطول و....
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مساء النوووووووووور شكرا على الموضوع اختي......انا تقريبا نفس طريقتك كي نعول نسيق نعوم الدار:d نرمي بالبادن ماء معاه ازيس سائل وجافيل براااف ونحك بالبالية ونخرج للبالكونات ومن بعد نزيد نلوح ماء صافي وحدو ونجبد بالبالي ومن بعد نجبد بالفوتوار ومن بعد ندير فالبيدون شوية ماء وصانيبو ونغطس فيه النشاف ونعصرو ونمسح بيه .....انا نسستعمل صانيبو توب صول البنفسجي والوردي ريحتهم هاااايلة.......ونبخر الدار بالبخور......
عندي رشاشة فارغة ديما ندير فيها شوية صانيبو وشوية ماء و حاطتها فالتواليت اكرمكم الله نعطرو بيها والله هايل.https://3andlib.xplainer.net/images/smilies/wink.gif
__________________________________________________ __________
>>>> الرد الثاني :
موضوع مليح انا نموت على التسياق
تقريبا رانا نسيقو بنفس الطريقة
انا نفرغ الماء و الجافيل و منديرش ايزيس بل اومو لان ريحتو تعجبني ونحك مليح بالبالي كل الجوانب تحت الخزانة تحت السرير و الاثاث ....الخ ثم نجبد بالفرطوار مليح ثم نجيب النشافة و نغسها مليح ونرش شوي صاليبو الوردي بريحة الورد ونمسح بالنشافةونخلي الباب و النافذة مفتوحين لكي تنشف الارضية ومن بعد نرش معطر المنزل شريت واحد بريحة الاناناس لكن معجبنيش بزاف
__________________________________________________ __________
>>>> الرد الثالث :
بارك الله فيكن اختي ميدوشة انا نظن بلي اييزيس يخلي الكرلاج يبرق خير من اومو و الله اعلم. مينداك نسيق بجافيل سيدهم (غطاه بنفسجي )هايل و ريحتو ثاني شابة
__________________________________________________ __________
>>>> الرد الرابع :
التسياق واحد وكل واحد وطريقتو انا نعمر الارض بالماء ومن بعد نخلط بالشيء العزيز على قلبك جافال برافbref وصانيبو كل مرة وكيفاه مرة توب ومرة جل العملاق مع ازيس بريل والله غير رووووووعة نحك الارض مع الاركان بواسطة فرشاة صغيرة ومنبعد نجبد بالفيريتوار نخليه ينشف شوية حتى تتشرب الارضية المساحيق والراءحة من بعد نعاود نعمر الارض ماء صااااافي ومن بعد دور التشلال صراحة المنشفة نستعملها احيانا فقط غير لا طاحت بقعة ماء على الارض وبغيت نشفها وهذا تسياقي
__________________________________________________ __________
>>>> الرد الخامس :
نفس الطريقة
