طاجين éléctrique شريناه بالامس........ تفضلو شوفوه تدابير منزلية
عنوان الموضوع : طاجين éléctrique شريناه بالامس........ تفضلو شوفوه تدابير منزلية
مقدم من طرف منتديات العندليب
السلام عليكم
امي البارح اشترت طاجين كهربائي
والله روووووووووووعة يطيب الكسرة مليييح و سريع و العمل يكون في نظافة تامة
[ ""خاصة مع الحوادث تاع قارورات الغاز الي ديما نسمعو بيها""
الطاجين من الطين و لو حابه تعملي بغرير او فتات تقلبيه ونلقاو سطح املس جمييل
سعره 7500 دج
""الصور في المرفقات لا تضعنها في الموضوع""
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بصحتكم سرسورة تتهناو بيه ان شاء الله ،مي انا ميقنعنيش خلاص مكانش كيما طاجين الطين و الطياب فوق الطبونة ، عندها بنة سبيسيال حنونة، و زيد راه غالي يعني قد ما تشري عرام طواجن تاع طين هههههه، هدا مليه لي ساكنين في الغربة ميقدرش يدو معاهم طاجين طين يشرو هدا، بصحتك حبيبتي
__________________________________________________ __________
>>>> الرد الثاني :
mais hada matkhafich meno w men l9ar3a ta3 lgaz rir lakan ltabouna ta3kem b gaz de ville
w ltajin ta3o rah men ltayn machi plastique
w lkesra wlh temni brabii jamais klit fi benetha
__________________________________________________ __________
>>>> الرد الثالث :
سارة هدا يمشي بالغاز نورمال و لا بالغز دو فيل
__________________________________________________ __________
>>>> الرد الرابع :
لااا هذا يعمل بلكهرباء
تخليه يسخن وتحطي الكسرة فوقو تطيب والله جربناها البارح روووعة وماش يابسة احسن من الطاجين العادي
و اذا حابة تعملي بغرير ولا فتات تقلبي الطاجين تلقاي سطح املس تخدمي عليه
__________________________________________________ __________
>>>> الرد الخامس :
بصحتكم والكهرباء هل يستهلك وقت كبير باه يطيب ولا وقت قليل مع حنا لازم على الاقل 4خبزات لأن الكهرباء أغلى من الغاز بكثير
حتى الثمن انتاعو راه غالي شوية بصح يبان هايل بصحتكم والصنع في أي بلد
