مطرح تاع الصوف من تجارب المنزل
عنوان الموضوع : مطرح تاع الصوف من تجارب المنزل
مقدم من طرف منتديات العندليب
اخواتي السلام عليكن
عندي مطرح تاع صوف ودارلي الغريشة ماعلاباليش في المناطق الاخرى واش يسموها
وانا وحدي وماكانش معايا واحد كبير ينعتلي كيفاه نحل المطرح ونفرز ولاخر نغسله
ممكن انكم دلوني
قالولي خلي الصوف يطيب في الماء بصح ماعرفتش كيفاه
نجبد من المطرح طول ونحط في الماء يغلي ولا لازم نحي اللي فاسد اي اللي فيه الغريشة
ربي يجازيكم نشاله عانوني بنصائحكم كي نعرف زي ماه يجيني الغسيل ساهل
وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
علاه ماكاين حتى رد راني في ازمة ماتبخلوش عليا على بالي بلي راتكم حراير
__________________________________________________ __________
>>>> الرد الثاني :
السلام عليكم
اختي ام دودة حسب ما نعرف لازم تحلي المطرح وتعاودي تغسلي الصوف تغطسيها في ماء وصابون مغلي خليهم يترنخو واغسلي مليح
لمطارح الصوف لازم تكون صوفهم نقية مليح باش ما تديرش الغريشة ولازم مرةعلى مرة تخرجيهم للهواء والشمس وتقلبيهم يتشمسو على الجهة الاخرى وكي تقعدو عليهم لازم مرة تقعدي على جهة وبعد مدة تزيدي تقلبي على الجهة الاخرى وتقعدي عليها
ثاني نزيدك حاجة كي تشيح الصوف تاعك كي تعاودي تحشي مطارحك حطي معاهم صابون ازيس او تاست المعطر وكثري ثاني الخزامة تطرد الغريشة هذ وش نعرف نتمنى نكون افدتك
__________________________________________________ __________
>>>> الرد الثالث :
المشاركة الأصلية كتبت بواسطة ahlam2060 https://3andlib.xplainer.net/images/...s/viewpost.gif
السلام عليكم
اختي ام دودة حسب ما نعرف لازم تحلي المطرح وتعاودي تغسلي الصوف تغطسيها في ماء وصابون مغلي خليهم يترنخو واغسلي مليح
لمطارح الصوف لازم تكون صوفهم نقية مليح باش ما تديرش الغريشة ولازم مرةعلى مرة تخرجيهم للهواء والشمس وتقلبيهم يتشمسو على الجهة الاخرى وكي تقعدو عليهم لازم مرة تقعدي على جهة وبعد مدة تزيدي تقلبي على الجهة الاخرى وتقعدي عليها
ثاني نزيدك حاجة كي تشيح الصوف تاعك كي تعاودي تحشي مطارحك حطي معاهم صابون ازيس او تاست المعطر وكثري ثاني الخزامة تطرد الغريشة هذ وش نعرف نتمنى نكون افدتك |
مشكورة اختي انا ماعرفتش نفرز الصوف من الغريشة ولا نحطهم كامل في الماء مغلي بعد الغريشم تموت ولا كيفاه
وانا مطارحي ماكانوش عندي كي رحلت خليتهم عند عجوزتي وكي جبتهم لقيتهم غرشو
__________________________________________________ __________
>>>> الرد الرابع :
اااااااااااه هدا مشكل..الظاهر انك تسكني في منطقه ساحليه و لا رطبه...
انا سمعت مره موضفه معايا قالت لي عجوزتها تعمر لابينوار بالماء الساخن و تحط معاه 02 كيلو ملح و تغطس فيهم اللحاف و تخليه 24 ساعه..و من بعد تقطرو و تنشرو كيما راه يعني ما تشلوش من الملح تخليه بالماء تاع الملح
هادي ساهله جريبها....ازربي لاخطرش هد الحشره سريعة التكاتر...تمشي لك في الفراش الصحيح
__________________________________________________ __________
>>>> الرد الخامس :
و ايلا حابه تغسلي الصوف ...لازم تغسليها كااااااااامل
انا شفت ماما كي تغسل الصوف العاديه..تجيب القدر الكبير تاع الاعراس...و تحطو فوق الفرن ديال 03 رجلين راكي عارفاتو...و تغلي الماء فيه مع الاومو..و هوما فوق النار تحرك بمونش كيما تاع الباليه....و بعديها تعود تشللها مليح و كي تنشف تماما تحط فيها الكافور و الصابون مرحي
