غسل الصوف في الغسالة تجربة منزلية
عنوان الموضوع : غسل الصوف في الغسالة تجربة منزلية
مقدم من طرف منتديات العندليب
السلام عليكم اخواتي
راني جبتلكم طريقة جهنمية من ابتكاري باش تتهناو من غسيل الصوف هاذ المهمة المستحيلة اللي عوجتنا ظهورنا
المهم الطريقة هي :تاخذي الصوف سواء كانت مغسولة من قبل اولا تنفضيها مليح من الغبار
تاخذي خمار ما تحتاجيهش او شاش المهم قطعة قماش ما تحتاجيهاش و ينفذ منها الما بسهولة
تحطي الصوف وسط القماش وتربطيه على شكل رزمة ماشي مزيرة بزاف فقط اغلقي الجوانب حتى ما تتسربش الصوف
ضعي الرزمة في الغسالة اللي فيها الماء والصابون وشوية من جافيل ايقل الرغوي
شغلي الغسالة واتركيها تتغسل
بعدما غسلتي الصوف نجيو للتشلال
اذا غسالتك من النوع اللي يعصر كيما غسالتي حطيها وزيديلها الماء بغزارة
ورايحة تلقاي صوف مغسولة معصورة مليييييييييييييح تنشف بالخف وزيد ماهيش ملبدة وبيضاء كالقطن
نظن فكرة مليحت خاصة للعرائس
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا على المعلومة المفيدة جدا جزاك الله خيرا
__________________________________________________ __________
>>>> الرد الثاني :
الصوف موجود فيه رمل هداك الرمل ماياثرش على محرك الغسالة ؟ و لك الشكر الجزيل
__________________________________________________ __________
>>>> الرد الثالث :
الصوف منصحكش ديريها فالغسالة لأن فيها أثربة و عيدان صغار متسخة بزاف
غسل الصوف أيكون بأيدي
شكرااااااااااااااااااااا لك
__________________________________________________ __________
>>>> الرد الرابع :
شكرا لك فكرة ممتازة
__________________________________________________ __________
>>>> الرد الخامس :
لا حنونة الرمل ياثر على المحرك
