تدابير قد تفيدك .. تجربة منزلية
عنوان الموضوع : تدابير قد تفيدك .. تجربة منزلية
مقدم من طرف منتديات العندليب
السلام عليكن حبيباتي ...
اردت ان اضع مجموعة من التدابير البسيطة التي قد تساعد احدانا في تسهيل حياتها اليومية و تنقص من بعض الأتعاب التي نحن في غنى عنها ...
01- بعض السيدات يشمخو الحمص و يجمدونه انا عن نفسي نطيبو حتى يولي زبدة و نجمدو و كي نجي نطيب بيه اي شيء - شخشوخة - كسكس - شطيطحة - نرميه آخر 5 دقائق يشرب المرق و خلاص و يكون جاهز و كانه طايب من البداية ...
02- المعندنوس و الدبشة نقطعهم و نظيفلهم شوية عصير ليمون و نحطهم في قوالب السيليكون و نجمدلهم بعدها نحطهم في اكياس في المجمد .
03- فواكه تزين الطرطات انا نموت على طارت التفاح لهذا نطيب شرائح التفاح ( خوخ- مشمش- ايجاص -) في قليل من ماء الزهر و السكر و عصير الليمون و نخليها تبرد تماما و نحطها في بورت مونجي و نخليها كي يجي ضيف على غفلة غير نجهز العجينة المكسرة و الكريمة التالية ...
04- نجهز كريمة متكونة من - علبة فلان + 03 ملاعق سكر + 03 ملاعق نشاء + كاس و نصف ماء + نخلي الكل يعقد مع بعض و لما يبرد نحطو في مرطبان مثل مرطبان المايونيز و نخليه نحتاجو في عمل لي طارت ..
05- كي نجي نطيب كيفية بالدجاج ندير مرق بزيادة شوية و من بعد كي يطيب و تروح ريحة البصل و البهارات نقص المرق و نحطو يجمد في مكعبات و نحتفظ بيه في المجمد نستعملو في عديد من المرات كمرق خفيف لتحضير كرات اللحمد المفروم او صلصة مع البطاطا المقلية او اي نوع من الخضر ..
06- كنت قبلا نخلي عظام اللحم في المجمد نحتاجها لتجهيز مرق اللحم لكن حاليا نجهز مرق اللحم مباشرة و نحطو في علب صغيرة و نحتفظ بيه في المجمد .
07- لتخزين الفلفل الحلو و الصماطم نفور كل من الفلفل و الطماطم على حدى و نقطعهم و نحطهم في علب التجميد و نحتفظ بيهم و لعلمكن شكشوكة بالفلفل المفور و الطماطم طعمها روعة مختلف جدا و زد على ذلك طراوة في المذاق روعة .
الى ملتقى آخر بحول الله تعالى ...
08- نحظر صلصة البيتزا و نجمدها في علب صغيرة كي نسخف على البيتزا ما نتكاسلش خلاص نحظر عجيبنة من ( 02 كاس فرينة + 03 ملاعق صغار خميرة الخبز + فنجان زيت و نلمها بالحليب الدافئ )
09- كي يكون عندي وقت نجهز بعض الخضر الموجود في الثلاجة ( نقطع الزيتون نحتاجو في بعض الطباق ،نجهز بعض المخللات او نحضر بعض الصلصات اليومية او المايونيز وقت الطبخ غير نجبد و نحط ) خاصة كي يكون عندك ضيوف لازم تقعدي معاهم شوية ماشي تقعدي في المطبخ ...
اتمنى ان اكون قد افدتك بالقليل مما احمل ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا على الموضوع القيم
__________________________________________________ __________
>>>> الرد الثاني :
العفو سيدة كرونو ليك وحشة ...
__________________________________________________ __________
>>>> الرد الثالث :
نصائح من درر و كنز كبير لينا
شكرا
__________________________________________________ __________
>>>> الرد الرابع :
waaaaaaaaaaaaaaw raw3a
zidina men afkarek
choooooookren
__________________________________________________ __________
>>>> الرد الخامس :
waaaaaaaaaaaaaaaw raw3a
chkran
nantader afkar okhra
