زوجي موسوس,,, رايح ايهبلني من تجارب المنزل

عنوان الموضوع : زوجي موسوس,,, رايح ايهبلني من تجارب المنزل
مقدم من طرف منتديات العندليب

مساء الخير عليكم يا لبنات,,
حبيت نحكيلكم على راجلي رايح ايهبلني موسوس بالنقا أنا تاني موسوسة بصح ماشي كيفو صدقوني كل ما يدخل للمرحاض ( حاشاكم) ايبدل أحوايجو الكل اللبسة اللي يخرج بيها الصباح مايزيدش يلبسها لعشية ,, الغبرة أيشوفها منين ماتكونش فوق القرعة تاع الريحة مور لخزانة,,,ايحب يمشي حفيان مادا بيه تفتوفة ما اتكون,,, رايحة نهبل ,, عندي بنتي 5 أشهور و ترجع بزاف عندها المعدة مفتوحة والله كلما يرفدها وترجع عليه أرواحو تتفرجو ايدير حالة,,
قولولي واش أندير أمعاه؟؟؟؟ بزاف عليا هاد الشئ,,,,,


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يكون في العرن

__________________________________________________ __________

>>>> الرد الثاني :

يعيشك حنونة,,,,علبالك des fois نسقم الدار على شعرة و يلقالي des défauts رايح يهبلنيhttps://3andlib.xplainer.net/images/smilies/mad.gifhttps://3andlib.xplainer.net/images/smilies/mad.gif

__________________________________________________ __________

>>>> الرد الثالث :

اختي ساعفي ويجي النهار ويكره انا عن نفسي كنت بالاك اكثر من راجلك كنت ايلا مسيت باس انتاع الباب لازم نغسل يديا وبحكم انني مووظفة كنت كل مانشد وثاءق نغسل يديا حتى 30 مرة في النهار معمرة القرع انتاع الما في المكتب ودايرة فيهم جافيل نغسل كل مرة ومانمسش الاسطح كي نجي طالعة في الدروج مانحكمش تجي في بالي بلي راهي معمرة ميكروب حتى حكمتني حساسية من كثرة الغسيل نحكيلك هاذي رحت ستاج 4 اشهر حاشاك معمرة قرعة جافيل واومو كل مانروح للحمام اعزكم الله لازم نغسل حتى الحيطان باه ندخل ومانحملش واحدة تقعدلي فوق فراشي المهم معاناة وجامي ندخل تواليت عمومي ولا ناكل ماكلة الناس اللي مانعرفش درجة نظافتهم غير هاذي اللي ماتكونش ولا نشرب في كاس شرب فيه واحد قبلي وبما اني كنت متشاركة وسط الدار مع اهل زوجي حوايجي كي نغسلهم لازم نكون ثما باه ننشرهم تجي في بالي بلي كي يمسوهم بيديهم وهما جايزين بلي يتعمرو ميكروبات واش نحكي واش نخلي كان راجلي يتقلق مني بزاف لازم ينحي حاشاك حذاءه عند الباب وبالنسبة لغرفة النوم مكان مقدس لا ماكلة لاشراب فيها ونمشوا فيها بالحفا ممنوع دخول اي حاجة لحقت لدرجة لوكان يجي كاش واحد ويدخل لداري غير يخرج نفوت موراه نشاف حاشاك الله غالب كنت موسوسة قراف وعلابالك حاجة نروح من الصباح داري مغلوقة كنت نوض بكري نسيق ونرمي الماء كل يوم ونمسح ونفرغ الجافيل وانا ماعنديش اطفال مي نتخيل بلي الدار موسخة وصراولي ظروف دخلت للمستشفى وراكي عارفة مستشفيات بلادنا ثمة اللي راحلي شوية التوسويس علا خاطر تمرمدت في السبيطار ونقصت من التوسويس انتاعي قاع هذوك الميكروبات وماصرالي والو الحمد لله حكايتي حكيتهالك باه نطلعلك المورال ،،،،سلام

__________________________________________________ __________

>>>> الرد الرابع :

نقولك هاذي برك كان عندي 5-6 قرع جافيل bref في قضيان الشهر ولازم bref ولا ماكاش

__________________________________________________ __________

>>>> الرد الخامس :

vraiment طلعتيلي شوية morale ,,, المشكل الان اني أنا وليت انخاف انكون قاعدة و امبعد ايجي في بالي دوق ايجي و يبدا ايعلق ,,,انوض نجري نمسح الارض, الغبرة, المرايات, انشوف الخزانة كيفاش الكوزينة. كيما راكي تحكي عندي قرعة جافيل تاع الكوزينة وحدها و تاع الدوش وحدها مالازمش ينقص من الدار ,, عندو بليغة تاع الدوش وحدها تاع toilette وحدها تاع البرا وحدها و في الدار لازم يمشي حفيان ما لازم اتكون حتى تفتوفة,, يا اختي هبلنيhttps://3andlib.xplainer.net/images/smilies/frown.gifhttps://3andlib.xplainer.net/images/smilies/frown.gifhttps://3andlib.xplainer.net/images/smilies/frown.gifhttps://3andlib.xplainer.net/images/smilies/frown.gif