-
رايكم لو سمحتم و تاجرون
عنوان الموضوع : رايكم لو سمحتم و تاجرون
مقدم من طرف منتديات العندليب
السلام علكم جميعا كيف احوالكم
انا الحمد لله على كل حال و في كل حال
الحقيقة اني سادخل في الموضوع مباشرة
كيما راكم عارفين راجلي يخدم اسلاك مشتركة و لا باي نتاعو حتى حاجة و انا و ياه عندنا deua اعلام آلي
هو عاد ديما مقلق خاطر ما عندناش دراري و كون نقولكم حاجة بالاك ما تصدقوهاش ملي دخل رمضان واحد ما عفس في دارنا وعلاه مانيش فاهمة
المهم عندنا حالة ملل قاتل حتى دارهم ما نيش عارفة وعلاه يعاملو فينا هاك ما يجو ما يسالو و حتى كي انا نحاول نروح ليهم ما نلقاش ترحيب
تعبت من هاد الحالة هو مجال خدمتو متاعبو ياسر
انا حايرة بين مشروعين و التمويل من ذهبي انا
الاول هو محل تاع تصليح الكمبيوترات و انا نحكمولوا و هو حلم حياتو و هو صح عندو موهبة كبيرة في هذا الدومان و اكيد كون نديروه يخرج من حالة الاكتئاب لي راه فيه
لكن خايفة انو ما ينجحش و نعود خسرت ذهبي باطل حتى و نا ما عنديش فيه الشوق
و كاين مشروع ثاني هو روضة اطفال انا لي نفتحها و تكون بعيدة عليه
هو اعترض على فكرة الروضة و بررلي انه ما عنديش خبرة في تربية الدراري و انها مسؤولية خاصة مع تفاقم ظاهرة الاختطاف
هو حاب يفتح مشروعه لكني خايفة انه يتخلى على خدمتو لي مترسم فيها و في نفس الوقت حابة نخرجو من الروتين لي عايشو و لي خايفة انو يوصلوا الى طريق مسدود
خاصة انو ما عادش اجتماعي بالمرة و ما عندوش اصحاب
طولت عليكم عارفة و لكن ارجوكم رانا في الشهر الفضيل اعطوني راي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
الاحسن انكم تقومو بفتح محل لتصليح اجهزة الاعلام الالي ..احسن من الروضة لكن بدون ان يتخلى عن العمل نتاعو ...
وان شاء الله الاعضاء يزيدو يفيدوك
تقبل الله منا ومنكم
__________________________________________________ __________
>>>> الرد الثاني :
السلام عليكم
الايتام و المعاقين كثر , ربو لكم واحدا أو اثنان .
__________________________________________________ __________
>>>> الرد الثالث :
محل لتصليح اجهزة الاعلام الالي افضل... اوقفي مع زوجك وما تخليهش ,,, اكيد الايام العصيبة رايحة تفوت باذن الله... الدعاء وصلاة الليل افضل طريقة لزوال الهم وجلب الرزق والذرية الصالحة... اوصيك بالصدقة والكلمة الطيبة... تخلي الناس الكل تحبك وتجي لعندك....
__________________________________________________ __________
>>>> الرد الرابع :
بارك الله فيكم و صح رمضانكم
__________________________________________________ __________
>>>> الرد الخامس :
