80 مليون في جيبي وحايرة واش من مشروع يوالم امرأة في الجزائر اعمال حرة
عنوان الموضوع : 80 مليون في جيبي وحايرة واش من مشروع يوالم امرأة في الجزائر اعمال حرة
مقدم من طرف منتديات العندليب
السلام عليكم
أنا عندي الليسانس في العلوم القانونية والادارية يعني الحقوق
وراجلي قالي محال تخدمي في الدولة ووعدني باش يديرلي مشروع
المهم بعد 3 سنوات فرج عليه ربي لأنو مهندس معماري ومازال مبتدئ
مدلي 80 مليون وقالي ديري مشروع.؟؟؟؟؟؟؟؟؟؟؟؟؟؟؟؟؟؟؟
بحرتلي
كي كملت الجامعة زدت قريت الحلاقة النسائية وعندي دبلوم
عندي خبرة في الكروشي وخياطة الصالون و مستلزمات البيت
وخبرة في الاعلام الآلي
ونطير في اللغة الفرنسية
مي
؟؟؟؟؟؟؟؟؟؟؟؟؟؟؟؟؟
بحرتلي في المشروع مرة نقول نحل صالون حلاقة بدبلومي ونزيد معاه كراء البسة الاعراس وفساتين الزفاف و.....و....
مرة نقول نحل اتوليي تاع خياطة
مرة نقول نحل نعلم الفرنسية ولا الاعلام الآلي................
مي والله العظيم بحرتلي المشكل أنو زوجي ماحابنيش نحل مشروع نختلط فيه بالرجال و
اليوم قالي ديري روضة أطفال ومعاها مدرسة قرآنية مي المشكل الزاوج انضن بلي كاين مشاريع تسحق دبومات
المهم حبيتكم تعاونوني في اختيار مشروع نسائي
مع العلم اني عندي الحانوت وكبير بزاف تحت بيت أهلي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا تبانلي فكرة راجلك مليحة بزاف ديريها راح تربحي وتفرحي بيها منها مليحة منها راي زوجك
__________________________________________________ __________
>>>> الرد الثاني :
وينهي فيهم والمشكل في الدبلوم مارانيش عارفة اذا الروضة تسحق لدبلوم ولا لالا
__________________________________________________ __________
>>>> الرد الثالث :
انا نقول صالون حلاقة وامور الزفاف لانو رايحة تعاملي مع النساء فقط ومع الوقت زيدي افتحي خياطة واكيد رايحة تخدمي معاك بعض البنات وهكذا تكوني انت خدمتي وزدتي خدمتي معاك غيرك ونفعتيهم..... اما الروضة الاطفال رايحين يكسرولك راسك ... اما تعليم الفرنسية والاعلام الالي صدقيني قليل ناس مهتمة بالتعلم والناس راهي تهرب من المدارس ..... هذا رايي اختي يحتمل الصح ويحتمل الخطأ
__________________________________________________ __________
>>>> الرد الرابع :
المشاركة الأصلية كتبت بواسطة rabah ag https://3andlib.xplainer.net/images/...s/viewpost.gif
انا نقول صالون حلاقة وامور الزفاف لانو رايحة تعاملي مع النساء فقط ومع الوقت زيدي افتحي خياطة واكيد رايحة تخدمي معاك بعض البنات وهكذا تكوني انت خدمتي وزدتي خدمتي معاك غيرك ونفعتيهم..... اما الروضة الاطفال رايحين يكسرولك راسك ... اما تعليم الفرنسية والاعلام الالي صدقيني قليل ناس مهتمة بالتعلم والناس راهي تهرب من المدارس ..... هذا رايي اختي يحتمل الصح ويحتمل الخطأ |
مرسي والله رايك حفزني
__________________________________________________ __________
>>>> الرد الخامس :
فتح روضة يلزم يكون عندك دبلوم éducatrice
او ليسانس في علم النفس لوكان تديري قاعة رياضة للنساء احسن .
