من لديه خبرة بالسيارات (مع الاجابة)
عنوان الموضوع : من لديه خبرة بالسيارات (مع الاجابة)
مقدم من طرف منتديات العندليب
عندي سيارة atos 2016 gl وارغب في بيعها ولكني ماشي عارف قداه ممكن تجيبلي في السوق واريد بيعها باحسن سعر وخايف نبيعها ونخسر فيها فانا ماعنديش خبرة في السيارات مع العلم اني اشتريتها ب 87 مليون وعملت بيها حادثين فارجو ممن لديه الخبرة لن ينصحني بالثمن المناسب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم و رحمة الله تعالى و بركاته
ياخي سعر السيارة يحددو بزاف عوامل اهمها
الخيارات او les options و تاعك كما راك كاتب glراهي لاباز
دايرة حادث ولا لا ، و واش معاود فيها
اللون
الكيلومطراج
حط لونها و وا معود فيها و شحال ماشية باش نقدرو نعطوك سعرها بالتقريب
اضف الى ذلك السوق تاع السيارات راه طايح من ديسمبر للدرك
و اذا دخلتها للسوق اديها للسطيف ولا لقسنطينة و حتى السوق تاع فرجيوة المهم و ماتديهاش للميلية
بالتوفيق
__________________________________________________ __________
>>>> الرد الثاني :
السلام عليكم
ضع لنا اخي كل خيارات السيارة لنتمكن من مساعدتك
+ اعلم أن السيارة التي تعرضت لحادث يعني ينحفض سعرها
__________________________________________________ __________
>>>> الرد الثالث :
شكرا على ردودكم السيارة لونها ابيض وماشية حوالي 25 الف
__________________________________________________ __________
>>>> الرد الرابع :
واش هي الحوادث اللي صراتلها
يعني واش معاود فيها
و انت كاتب بلي راهي gl
هل فيها مبرد ولا لا لان ال gl راهي لاباز مافيهاش مبرد
__________________________________________________ __________
>>>> الرد الخامس :
بالنسبة للمبرد مافيهاش و عاودتلها البارشوك وعاودتلها اللون تاع احدى الجهات اللي بجانب الباب الامامي لانها اصيبت ببعض الخدوش
