عاونوني الله يحفظكم تمت الاجابة
عنوان الموضوع : عاونوني الله يحفظكم تمت الاجابة
مقدم من طرف منتديات العندليب
السلام عليكم
راني حايرة يا جماعة مالقيت ماندير وحاجة ماعجبتني من التخصصات
أنا ديت معدلي 12.87 شعبة علوم تجريبية
واش نقدر ندير بيها ؟
مش عاجبتني st و sm علابالي كون نخيرهم مانقدرش نقراهم وماننجحش
وبيولوجي تاني وكاين الي مانصحونيش بيها
دركا حرت واش ندير والله
كاين الي نصحوني بآداب ولغة إنجليزية مع انا نحب لونجلي ونقطة تاعي فالباك كانت مليحة
مي جاتني كيفاه كنت سيونتيفيك ومباعدا نديرها ؟؟خايفة تجيني صعيبة ومع حنا ماتعمقناش فالدروس كيما تاع اللغات وكلش
زعما تنصحوني بيها ؟؟ واش نقدر ندير بيها ؟؟ يعني المستقبل وكلش
وكاش إختصاصات اخرين انصحوني ياخاوتي والله راني حايرة
بارك الله فيكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ننصحك باختيار انجليزية بسبب تجربة شخصية انا كنت علوم تجريبية و اخترت انجليزية و الحمد لله و كاين اصدقاء اختارو تكنولوجيا و علوم المادة و عانوا فيهم بزاف و الاغلبية دخلوا راتراباج وهذه مجرد نصيحة في سبيل الله و اتمنى لك التوفيق
__________________________________________________ __________
>>>> الرد الثاني :
الجامعة أنتي واش حابا
السنة إن شاء الله معدلات القبول تكون منخفضة تقدري ديري بها حاجة
شوفي مدرسة تاع تعليم متوسط تقراي في قسنطينة لكن الدراسة un peu chargé لكن مستقبل مليح إن شاء الله
__________________________________________________ __________
>>>> الرد الثالث :
اذا كنت حابة تخصص ساهل و ما فيهش تعب كبير خيري الانجليزية ،، معليش قريتي علوم
و اذا حبيتي ديري تخصص مليح عندك الهندسة المعمارية ،،
بصح ،،،
https://im40.gulfup.com/M92VR.jpg
و بالتوفيق لك ،،
__________________________________________________ __________
>>>> الرد الرابع :
مابين st و sm
شوفي مستقبل كل اختصاص
فمثلا st مستقبلها يكون
(هندسة كهربائية - هندسة مدنية -هندسة ميكانيكية- الكترونيك ...الخ)
و sm مستقبلها يكون كيمياء بكل فروعها أو فيزياء بكل فروعها
انت اختاري ماتميلين له حتى يكون لك فيه نفس طويل لتكملي الماستر والدكتوراه ان شاء الله
أنصحك بتصفح هذا الموقع من هنــا فقد يساعدك في الاختيار
اشتركي أيضا في صفحة هذا الموقع على الفـايسبوك
ولاتترددي في طرح أسئلة أكثر في كل مكان فهذا الاختيار ستبنين عليه مستقبلك
بالتوفيق
__________________________________________________ __________
>>>> الرد الخامس :
المشاركة الأصلية كتبت بواسطة vauxhall https://3andlib.xplainer.net/images/...s/viewpost.gif
ننصحك باختيار انجليزية بسبب تجربة شخصية انا كنت علوم تجريبية و اخترت انجليزية و الحمد لله و كاين اصدقاء اختارو تكنولوجيا و علوم المادة و عانوا فيهم بزاف و الاغلبية دخلوا راتراباج وهذه مجرد نصيحة في سبيل الله و اتمنى لك التوفيق |
بارك الله فيك
انا مش حابة علوم مادة وتكنولوجيا علابالي مانقدرلهمش ورايحة نعاني
