سؤال عن العمرة أرجو التفاعل سؤال مجاب

عنوان الموضوع : سؤال عن العمرة أرجو التفاعل سؤال مجاب
مقدم من طرف منتديات العندليب

السلام عليكم باذن نهاية هذا الاسبوع سيتوجه والديا العزيزين لاداء عمرة برك حبيت نسقسيكم عن شكون منكم لي أحد من أقاربو أقام في فندق لؤلؤة مبارك2 وفندق فردوس العمرة يعني ملاح ولا لا وثاني هل يوجد مرشد يوريلهم كيفاش يؤدوا العمرة يعي كل صغيرة وكبيرة وشكرا لكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أرجوكم لي عندو معلومة مايبخلش عليا وأجرو عند الله

__________________________________________________ __________

>>>> الرد الثاني :

السلام عليكم اختي الكريمة اغلبية الفنادق مريحة هناك خصوصا المدينة المنورة فنادقها رائعة قريبة من الحرم المدني اما مكة اغلبتها مريحة لكن بحكم التوسعة فهي بعيدة قليلا عن الحرم المكي لذلك كل الجزائريين ٠او اغلبهم يذهبون للحرم من 11 صباحا حتى وقت صبلاة العصر و يتناولوم وجبة سريعة تم يصلون المغرب و العشاء تم يخرجون من الحرم ليقتنوا حاجياتهم و يتعشوا ثم يذهبون الى الفندق هذا بالنسبة لمكة اما المدينة فهم احرار و انصحهم بان ياخذوا ملابس دافئة لان المدينة جوها بارد في هذا الوقت خصوصا صلاة الصبح اما عن اداء العمرة فانصحهم بالاستغناء عن صاحب الوكالة لان لا يكونا مقيدين فعندما يصلون الى مكة كل شيئ واضح و يمكنهم ان يستعينوا بالمطوفين مقابل مبلغ من المال ليؤدي بهم العمرة بالكرسي المتحرك من طواف و سعي ربي يسهلهم قولي لهم كل شيئ ربي يسهله في هذاك المكان ميخفوش و ميخموش برك غيرتيني اختي فانا مشتاقة لذاك المكان لدرجة اننيي و انا اخبرك احسست نفسي هناك. اي سؤال لا تترددي في طرحه و المقابل دعوة في ظهر الغيب بان يكتب الله لي الحج في هذه السنة و كل مشتاق

__________________________________________________ __________

>>>> الرد الثالث :

السلام اختي سارة انا لرحت في رمضان هذا الى فات درك نفيدك شوفي هذو ليزوتال والله ما عرفتهم راح نوصيك في حوايج اولا المرشد او يوريلهم ما يخافوش اولا كي يوصلو للمدينة يروحو لوتال مباعد عادي يهبطو يصليو كل وقت عادي ثم يروحو لمكة المكرمة راح يديهم المرشد يديرو العمرة يعني يطوفو 7 مراب بالكعبة ويقراو الدعاء او كاين كتابات صغار ما يخافو ماوالو عادي كي يوصلو يلقاو الناس يطوفو يديرو كيما يديرو وخلاص والله اي ساهلة تبانلهم برك صعيبة ثم يروحو للصفى والمروى وخلاص ويقراو الدعاء او ساهل خلاص ديري برك في google كيفية العمرة درك يجيك فيديو كيلي رسوم متحركة شوفيه وقوليلهم اوساهل خلاص هذا ما كان المرشد يديرلهم العمرة ومباعد يبقاو يصليو عادي يروحو وحدهم نوصيك على البقاج ام ما يحاسبوهمش فالمطار حنا فالاول خوفونا ونوصيك تاني قلهم يقضيو من المدينة خير حتى مكة مليحة قلهم يقضيو من ابراج الصفوة ام مقابل الحرم فيه 3 طوابق يروحو للطابق السفلي فيه الرخس وحتي الماكلة يديو معاهم قاطو باه يفطرو بيه.......وربي يتقبل منهم اي استفسار اختي اني هنا

__________________________________________________ __________

>>>> الرد الرابع :

ربي يتقبل منهم و يسخر لهم ناس يعاونوهم .

__________________________________________________ __________

>>>> الرد الخامس :

ربي يحفظكم كامل ويرزقني ويرزقكم كامل عمرة أو حجة يارب العالمين يعني فهمت من خلالكم بلي المرشد يوريلهم كلش بويسك أمي راه ديما تقلي حفظيني الأدعية بصح بزا ف وهي ما تقدرش تحفظ