استفسار عن هدايا العمرة للعائلة و الاحباب (مع الاجابة)

عنوان الموضوع : استفسار عن هدايا العمرة للعائلة و الاحباب (مع الاجابة)
مقدم من طرف منتديات العندليب

السلام عليكم رمضان مبارك و صحة فطوركم
راني رايحة للعمرة ان شاء الله يوم الاحد في الليل *لعقوبة ليكم كل*
قريت وش لازم نعمل و فهمت كلش و الحمد لله
مازال عندي بعض الاشكاليات.. هل كي نخرج من الفندق باه نشري لازم ناخد معايا الوالد؟ لانو مريض.. و ماهي الهدايا لي نقدر نجيبها من تم و ماتكونش غالية بزاف لانو عائلتي كبيرة و كان مانجيبلهمش هدايا يغضبو.. خاصة خالاتي و عماتي و بناتهم..ربي يهديهم..ادا تقدرو تمدولي الاسعار بالريال مثال السجادات و الخمارات والاقمشة و الكوفيات و الاقمصة و التمور و العطر و..و.. ..باه ندي فكرة.. و فيما يخص ماء زمزم البيدون لي نشريوه قداش سعرو و قداش فيه من لتر؟ هل نقدر نجيب 2؟
ربي يوصلنا على خير و عافية ياربي لي راحولها يزيدو يرجعولها و لي ماراحوش ان شاء الله يزوروها عن قريب.. يا ربي ماتحرم حتى واحد من زيارة الكعبة
في انتظار اجاباتكم و لي عندو ولا عندها دعوة تحبو ندعيهالكم في الكعبة راني في خدمتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ان شاء الله توصلي و ترجع بخير يااااااااااااارب لا فكرة لدي عن الاسعار

__________________________________________________ __________

>>>> الرد الثاني :

السلام عليكم اختي
مبارك لك العمرة ولوالدك تروحي وترجعي بالسلامة ان شاء الله
والدي ذهب في شهر ماي
بخصوص الريال تاخذي معك الاورو وتستبدلي هنا وفي شهره كانت 100ارور تساوي 513ريال سعودي ممكن قلت او زادت لا علم
بخصوص الهدايا اشتري من المدينة لان في مكة السعر غالي جدا والالبسة اشتري بالجملة كيما نقولو بالباكي كاملة ينقصلك السعر بزاف
ابي اشترى لنا من مول اسمه مجمع القارات هو رائعععععع جدا والملابس ماركات
ماء زمزم اذا انت رحتي وحدك ووالدك وحده تقدري تجيبي 2 ولدي لك فكرة اجمعي الماء في قارورات صغيرة وخبيهم مع حوايجك كيما دار الاب والناس كامل تديرها
اتمنى قد افدتك ولو بالقليل واذا فيه استفسار انا في الخدمة
وعمرة مقبولةة ان شاء الله

__________________________________________________ __________

>>>> الرد الثالث :

بالاضافة تقدري تستبدلي الدينار الجزائري هناك ايضا لكن بسعر منخفض

__________________________________________________ __________

>>>> الرد الرابع :

السلام عليك أختي عمرة مباركة وذنوب مغفورة إن شاء الله , قبل أن أجيبك على أسئلتك أطلب منك أن تبلغي سلامي إلى الحبيب المصطفى عليه الصلاة والسلام و ان تعيديني بذلك قولي له ابلغك السلام من وهران من اخت لي في الله ,أختي بالنسبة لماء زمزم في جانفي 2014 سمحت لنا العربية السعودية بتمرير 5لتر زمزم لكل شخص و أنت بما انك برفقة الوالد يسمح لك ب: 5ل+5ل يعني 10لتر علما أن 5ل=17ريال وبخصوص الصرف في ذلك الوقت 30ريال=1000دج و 100اورو=من 475ريال الى 500ريال يطلع ويهبط ما تصرفيش كل دراهمك تتبعي الايام التي يكون فيها الصرف طالع كل ما تمشي تصلي وتخرجي من الصلاة اسألي بالمصارف هناك العديد منها وهي مكاتب لصرف العملاة مرخصة من طرف الحكومة لاجل هذا بخصوص الهدايا يا أختي الاسعار مثل هنا وفي بعض الاحيان تكون اغلى من عندنا مثلا للنساء هناك الخمارات ب 10 ريال هايلين وتجدين حتى نتاع 5 ريال وكاين علب فيهم 12 خمار ب 20 ريال حتى ل 10ريال هذه كلها كانت تباع مفروشة عند ابواب المسجد النبوي وابواب الحرم المكي لكن دوما الشرطة تجري وراء الباعة غير الشرعيين الالبسة النسائية ما يسمى عندنا بالبدعيات تختلف الاسعار حسب الجودة انا اشتريت ب 30 ريال ولكن ما صدقوليش الكل تمزقو بسهولة القماش صيني لكن هناك بدعيات اغلى شوية باسعار اغلى هايلين من 60 ريال فما فوق الملايات او العباءات من 120ريال فما فوق غاليين وهايلين لكن تجدينهم في الاسواق اي بالسوبرماركت يوجد العديد من الاسواق مثل سوق بن داود الشهير في مكة والمدينة بالنسبة للرجال القمصة من 20 ريال فما فوق حسب النوعية والماركة السجادات سعرها مثل ما عندنا حسب صرف الدينار نتاعنا سعرها من 30 ريال فما فوق هذا ما عندي أختي في الله أنصحك بأن لا تقضي جلّ وقتك في المشتريات لانه متعب ولا يمكنك ان تقومي بالعبادة على اكمل وجه مع حالة التعب حاولي استغلال كل الوقت بالصلاة والذكر وقيام الليل بالحرمين اشتري الهدايا من الجزائر قبل ان تذهبي هناك الكثير عندنا والحمد لله وبأسعار معقولة وفي بعض الاحيان افضل , عودة ميمونة ولا تنسي الدعاء لنا وللمسلمين عند الكعبة و الروضة اكثري الدعاء لبلدنا البلدان الاسلامية واولادنا بالهداية وكل اولاد المسلمين وخصوصا ادعي الله سبحانه وتعالى ان يطفئ نار الفتنة في غرداية فلسطين سوريا مصر تونس العراق افغنستان و ان يحفظ كل المسلمين المضطهدين في افرقيا الوسطى في ميانمار في مالي والنيجر والبسنة وفي كل مكان من هذا الكون تقبلي مروري

__________________________________________________ __________

>>>> الرد الخامس :

ان شاء الله تروحي وترجعي بالسلامة أنا كنت هناك وجئت يوم الثلاثاء 8 جويلية يعني معنديش أسبوع بالنسبة للماء كل واحد عندو الحق في دلو واحد مقداره 10 لترات يتباع في الفندق25 ريال أما الباقاج عندك الحق في حقيبتين واحدة 25 كيلو واحدة 23 كيلو معناها 48 كيلو للواحد بصح لازم تلمي مليح الكابة وتربطيها مليح وتقدري جيبي حوايج اخرين ترفديهم معاك في الطيارة تقدري تعمري قريوعات وتربطيهم بالسكةتش وتعقبيهم المهم ما يسيلوش بالنسبة للوالد تقدري تخليه في الفندق وتروحي تشري خليه مع جماعة تلقاي الناس في الفندق الي يبقاو في ريسبشن معناها في قاعة الجلوس خاصة الا روحتو مع وكالة النجاح هذه الوكالة هايلة تتهلا في المسافرين أما الاثمان المدينة أرخس من مكة وناسها أكرم اشري بالجملة السجادات كاين ب10 ريل وب5 ريال وب15 ريال على حساب النوعية كاين العباءات كاين القنادر والسبحات كاين الخير ولكن لازم تنقصي للبائع تضربي للنص لقالك 100 قولي 40 لأنهم يرفعو الاسعار ومن بعد يقولك قولي أنت ويبدأ يعيطلك أنا رحت قبل رمضان ب 6 أيام قضيتهم في المدينة كانت الحالة رخيصة كجا رمضان طلعت السلعة فليشة لن الغاشي كثر وصار بزاف وهذه فرصتهم
على كل حال ان شاء الله تروحي بخير وتأدي مناسك العمرة بخير وعلى خير ومن بعد كل شيء يسهل
ادعيلي من الحرم المكي وأنت طوفي بالكعبة باه نعود نروح ليها حاجة هذه المرة اسمي حورية اذكري اسمي بالله عليك لعل الله يستجيب الذي يذهب الى ذلك المكان ينسى كل شيء يولي يفكر فيها برك